VOV4.Sêdang -  Tung mâu rôh trâm mâ kuăn pơlê dêi mâu Khu kăn Kuo#k ho#i hneăng má 14 a 10 tơring, pơlê kong kơdrâm tung kong pơlê Kontum, kuăn pơlê hiăng tối hên tơdroăng ăm Chin phuh xuân môi tiah mâu tơdroăng ki kal pơkâ tơleăng a kong pơlê. Kơ’nâi kố, cho rơkong chêh tơku\m dêi hên ngế chêh hlá tơbeăng cheăng tung Rơ’jiu Việt Nam a Tây Nguyên.

A mâu tíu ki trâm mâ, tơpui tơno [ă kuăn pơlê, klêi kơ’nâi tơmâng mâu kăn Kuo#k ho#i tối pơtâng ki xiâm dêi roh hôp má môi, kuăn pơlê Kontum hâk nâ sôk suâ Kuo#k ho#i hneăng nếo hiăng châ séa ngăn, pơkâ ‘na tơdroăng rah xo mơngế, pôk [ă k^ xo inâi mâu kăn xiâm pơkuâ ngăn kơ koan ki xiâm dêi tơnêi têa. Kuăn pơlê loi tơngah mâu kăn Kuo#k ho#i hneăng 14 kô pêi cheăng tâi dêi ivá tơná, xua vâ pro pơxúa ăm tơnêi têa [ă kuăn pơlê. Ki rơhêng vâ tối cho tơdroăng ki Chin phuh hneăng nếo, tung mâu roh trâm mâ kuăn pơlê [ă pêi cheăng [ă mâu khu râ, kơvâ cheăng, mâu tơring, cheăm tung mâu hâi achê pơla kố, kơnôm châ tơdroăng mơnhên tối dêi mâu kuăn pơlê Kon Tum. Kuăn pơlê hiăng mơhno tối tơdroăng ki hơ’lêh nếo tung hnoăng cheăng pơkuâ ngăn dêi Chin phuh, ki rơhêng vâ tối cho troăng hơlâ mơjiâng ‘’Chin phuh pêi cheăng tơdrăng, hloh hlê rơkê ple\ng, to\ng kum kuăn pơlê’’; ‘na tơdroăng cheăng dêi kăn [o#, xúa mơngế ki rơkê; kho\m tơleăng mơnhên mâu tơdroăng ki ối tơvâ tơvân, tá hâi tơtro, pro kuăn pơlê tô tuăn. Pôa Sa Phương, ối a tơring Đak Tô, kong pơlê Kontum tối dêi tơdroăng tơná tơmiât: Klêi kơ’nâi tí tăng séa ngăn, châ hlo, châ ‘nâi tung rơ’jíu, um tivi hlo nhên, [ă Chin phuh hneăng nếo, ki rơhêng vâ tối [ă Ngế pro xiâm hnê ngăn Chin phuh hlo nhên tơdroăng ki hnê tối, pơkuâ ngăn tung hên kơvâ cheăng hlo kuăn pơlê xuân hâk nâ, sôk suâ, ki rơhêng vâ tối, ing mâu tơdroăng ki pơkâ ki kơtăng dêi Ngế pro xiâm hnê ngăn ai tơdjâk troh hên tơdroăng ki kal dêi tơnêi têa. Môi tiah, ‘na tơdroăng mơjiâng pro, rak krúa le\m kế kâ, hnoăng cheăng dêi kuăn pơlê tung rôe [aoh hiêm khăm pơlât [ă hía hế.

Pak^ng mê, a mâu roh trâm mâ, tơpui tơno kuăn pơlê Kontum hiăng pâ thế troh mâu kăn Kuo#k ho#i ‘na tơdroăng kal mơnhông mơdêk hên tâ nếo todroăng ki hbrâ tơplâ mơdât mâu ngế ki kâ kơluâ, kâ kơhveăm, pro mơhrê liăn ngân, kế tơmeăm dêi pơlê pơla, tơnêi têa; tối tơbleăng i nhên kế tơmeăm ki mâu kăn [o#, mâu ki cheăng tơnêi têa ai, môi tiah hngêi trăng, tơmeăm khoăng; pơtối to\ng kum ngăn khât tơdroăng ‘no liăn mơjiâng pro hngêi trăng, troăng prôk ăm pơlê cheăm ối kơpong hơngế hơngo, pơlê cheăm dêi hdroâng kuăn ngo [ă mâu kơpong ki pêi cheăng kâ xiâm dêi kong pơlê, môi tiah kơpong pêi cheăng kâ lâp plâi tơnêi Bờ Y, pơlê kong kơdrâm Kontum, Kơpong ki ăm tơmối mot ôm hyô a kong kế, loăng nhâ Măng Đen.

Kuăn pơlê pâ thế kơjo kum ‘no liăn hên tâ ăm 2 tơdroăng ki xiâm dêi tơnêi têa ‘na kơdroh kơtiê tơniăn [ă mơjiâng thôn pơlê nếo hơnăm 2016-2020; pâ thế to\ng kum tơleăng mơnhên klêi mâu tơdroăng ki kuăn pơlê ai săm phoăng, săm tơkêng ‘na tơnêi tơníu pơla kuăn pơlê [ă Ko\ng ti pêi cheăng tiô rơnó, ối tung khu Ko\ng ti kơxu Kontum; kal athế ai troăng hơlâ kum kuăn pơlê châ mơ’no tê dêi kế tơmeăm pêi lo ing chiâk deăng, malối cho kơxu [ă kloăng kơphế. Pôa Lê Văn Quân ối a pơlê kân Đak Glei, tơring Đak Glei tối, tơdroăng pêi pro tiô pơkâ kơxo# 50 dêi Chin phuh pơla sap hơnăm 2015-2020 a kong pơlê kố pêi pro tá hâi teăm tơdrêng: Tung tơdroăng pơkâ kơxo# 50 dêi Ngế pro xiâm hnê ngăn Chin phuh ‘na to\ng kum kuăn pơlê tung păn mơnăn mơnôa. Tiô tơdroăng pơkâ kố sap hơnăm 2015 troh hơnăm 2016 xuân hiăng vâ chê tâi môi hơnăm tơdế, la kuăn pơlê xuân tá hâi teăm châ xúa troăng hơlâ kố. Xua mê, pâ thế mâu khu râ, kơvâ cheăng pơkâ pêi pro hdrối ‘nôi, mê pin nếo athế mơ’no tối tung kuăn pơlê vâ châ xúa troăng hơlâ to\ng kum dêi tơnêi têa tơdrêng.

{ă kơvâ pơkuâ rak ngăn kong, kuăn pơlê pâ thế kal athế séa mơnhên ngăn mâu roh ki ai xôi; pâ thế Khu xiâm pơkuâ ngăn ‘na chiâk deăng [ă mơnhông mơdêk pêi chiâk deăng ai troăng hơlâ ki ó rơdêi tâ nếo vâ mâu tíu pơkuâ ngăn ‘na chiâk deăng ki pêi cheăng ôh tá tơ-[rê, khên vâ hơ’lêh xêh tơnêi kong ki khu mơdró ôh tá ai ivá vâ pơkuâ ngăn ăm kuăn pơlê rak vế ngăn vâ thăm pêi lo liăn ngân; to\ng kum liăn, cheăng kơmăi kơmok vâ kuăn pơlê po rơdâ tơnêi pêt sâm  Ngọc Linh [ă mâu loăng nhâ pơkeăng ki ai pơxúa a kong pơlê Kontum.

Nhat Lisa tơplôu [ă tơbleăng