VOV4.Sêdang - Rôh má 2, Kuo#k ho#i hneăng má 14 hiăng pơxiâm po a Hà Nội. {ă mâu rôh trâm mâ kuăn pơlê hdrối vâ po rôh hôp, kuăn pơlê Tây Nguyên hiăng tơpui tối hên tơdroăng ki xiâm dêi tơnêi têa, môi tiah mơnhông mơdêk cheăng rêh ối, tơniăn cheăng kâ kân, yă tê kế tơmeăm pêi lo ing chiâk deăng, pêi pro tơdroăng ki rơhêng vâ hriâm tâp [ă tăng cheăng pêi ăm kuăn muăn ki nếo lo ing hngêi trung. Séa ngăn rôh hôp Kuo#k ho#i pơla hdrối kố nah mâu um tivi, rơ’jiu, internet, kuăn pơlê mâu kong pơlê kơpong Tây Nguyên xuân tối tơdroăng ki rơhêng vâ Kuo#k ho#i, Chin phuh ai mâu troăng hơlâ pơkâ kơtăng tâ vâ mơnhông mơdêk cheăng kâ, mơdêk tơdroăng rêh ối dêi kuăn pơlê. Chêh tối dêi Rơ’jiu Việt Nam a kơpong Tây Nguyên ai mơnhên tơdroăng mê.

         Rêm hâi tơmâng ngăn nhên Hneăng hôp má 2 dêi Kuo#k ho#i tối tơbleăng tung rơ’jíu, um tivi, hlá tơbeăng, pôa Lê Khôi Nguyên, ối a bêng Tân Lập, pơlê kong kơdrâm Buôn Ma Thuột, kong pơlê Daklak tối ăm ‘nâi, pôa vâ tí tăng ‘nâi ple\ng nhên tơdroăng mơjiâng luât. Tiô pôa tối, tơdroăng mơjiâng mâu kơxop hlá mơ-éa Luât kal athế ngăn hơngế, malối hâi khế hơnăm ki rak vế, pêi pro tiô Luât klêi kơ’nâi chêh mơ’no, pôi tá ăm ai tơdroăng ki mơ’no luât ôh tá tro [ă tơdroăng ki ai păng ‘nâng lơ pơkâ mâu tơdroăng ki hiăng hơ’lêh. Pôa Lê Khôi Nguyên tối: Á tí tăng ‘nâi ple\ng ‘na kơxop hlá mơ-éa luât xua khu hlá mơ-éa luât cho ki xiâm, cho túa vâ pơkuâ ngăn tơnêi têa, pơkuâ ngăn pơlê pơla. Xua ti mê, tâi tâng mâu khu kơxop mơ-éa luât kố hiăng châ mơ’no tối ăm kuăn pơlê ‘nâi ple\ng, kuăn pơlê veăng tơpui tối la kal athế séa ngăn nhên ki ton dêi tơdroăng mơjiâng luât, kơxop mơ-éa luât ki mê kal athế rak vế, pêi pro tung to lâi hơnăm [ă to lâi hơnăm nếo chiâng ‘mâi rơnêu.

          Tiô tơdroăng tối tơbleăng dêi Ngế pro xiâm hnê ngăn Chin phuh a ngiâ Kuo#k ho#i ‘na tơdroăng mơnhông mơdêk pêi cheăng kâ, rêh ối pơlê pơla, mê Vi Hoa Lưu, ối a bêng Nghĩa Tân, pơlê kong krâm Gia Nghĩa, kong pơlê Daknông pói rơhêng vâ: Chin phuh kal athế hnê tối, mơnhông mơdêk hên tâ nếo tơdroăng cheăng rak vế ngăn kong, vâ kơdroh tơdroăng ki ôh tá tơ’ló dêi hyôh kong prâi: Pôa Nguyễn Xuân Phúc, Ngế pro xiâm hnê ngăn tối tơbleăng tơdroăng xiâm a ngiâ Kuo#k ho#i, hơnăm nah, tơnêi têa pin ai hên hdroh kong prâi ôh tá tơniăn, môi tiah kong tô mơdrăng, têa xăng po lân, nếo achê pơla kố, têa lân lu a 4 to kong pơlê kơpong tơdế tơnêi têa. Maluâ ai hên tơdroăng pá tiah mê, Chin phuh hiăng pơkuâ ngăn nhên, tơdrăng, tơpui tối athế pêi cheăng. {ă kong pơlê Daknông mê pói tơngah Chin phuh athế pro kơtăng ôh tá chiâng ăm ‘nhê kong, athế rak vế ngăn kong. Á hlo to lâi hơnăm achê pơla kố, ai hên h^n khu ko ‘nhê kong. Hơnăm 2016 mê pôa Nguyễn Xuân Phúc hiăng pơkâ pêi pro nhên, ôh tá ăm ai tơdroăng ko ‘nhê kong.

          Pôa Nguyễn Khắc Huệ, Kăn hnê ngăn khu lêng hơnăm hiăng krâ bêng Lê Lợi, pơlê kong kơdrâm Kontum, kong pơlê Kontum hiăng mơnhên tối ‘ló khât tơdroăng pơkuâ ngăn dêi Chin phuh hneăng nếo, tơdrêng amê, hnối mơhno tối ki pói rơhêng vâ dêi Kuo#k ho#i, Chin phuh ai pơkâ troăng hơlâ vâ kum kuăn pơlê hdroâng kuăn ngo a pơlê cheăm kơtiê xơpá vâ mơnhông tơdroăng rêh kâ ối: Tiô tơdroăng tơmâng ngăn roh hop má 2 Kuo#k ho#i, á hlo Ngế pro xiâm hnê ngăn Chin phuh pêi pro kơtăng khât ‘na tơdroăng mơnhông mơdêk cheăng kâ. Maluâ tơdroăng mơnhông pêi cheăng kâ dêi lâp tơnêi têa ối hrá la Chin phuh hiăng pêi pro kơtăng khât. Á hlo kố cho môi tơdroăng ki ‘ló hâk nâ, sôk suâ. Maluâ ti mê, tơdroăng rêh ối dêi kuăn pơlê, ki rơhêng vâ tối mâu hdroâng kuăn ngo ối trâm hên xơpá. Kuăn pơlê ngin pói rơhêng vâ Kuo#k ho#i tung tơdroăng séa ngăn, pơkuâ ngăn dêi Chin phuh athế pro ti lâi ai troăng hơlâ kum ăm kuăn pơlê ai tơdroăng rêh ối le\m tro tâ.

          {ă mâu tơdroăng ki ai nhên a kong pơlê, a rêm roh trâm mâ kuăn pơlê ahdrối Hneăng hôp má 2, Kuo#k ho#i hneăng 14, kuăn pơlê a tơring }ư\ Mgar, kong pơlê Daklak hiăng tối hên mâu tơdroăng ki ối trâm pá: Hên kơpong dêi troăng kân kơxo# 14 ki nếo châ mơjiâng pro hiăng tơdjâk troh kơpong ki mơ’no têa, pro têa lân luô drêng ai kong mêi kân. Tơdroăng ki chêl thie#n drêng pro tơbăng tơnêi vâ mơjiâng troăng prôk ví pơlê kong krâm Buôn Hồ tá hâi teăm tơtro. Tơdroăng ki hbru the [aoh hiêm khăm pơlât ăm mâu rơpo\ng ai hnoăng tơnêi têa pêi pro ối hrá. Mâu hngêi trung hiăng tơ’nhê, lâm hriâm tá hâi tu\m, tung pơla mê, kơxo# hok tro hriâm rế hía rế tâk hên. Jâ Trần Thị Bạch Yến, kuăn pơlê a }uôr Đăng, tơring }ư\ Mgar pâ thế: Vâ pơtối tơdroăng ki hnê hriâm, to\ng kum tơ’lêi hlâu ăm vâi hdrêng ki tro hơnăm châ troh a hngêi trung, ki rơhêng vâ tối cho mâu hok tro hdroâng kuăn ngo, tơnêi têa kal pơtối ai mâu troăng hơlâ kum mâu vâi o. Ki má péa nếo, cho athế to\ng kum ‘no liăn rôe mâu tơmeăm khoăng, hngêi trung, tơmeăm ki hnê hriâm vâ mơhnhôk vâi o troh hriâm a hngêi trung [ă rak vế, pơkuâ ngăn tơtro [ă troăng hơlâ dêi Đảng, Tơnêi têa ‘na hơlêh nhên tu\m tơdroăng hnê hriâm.

          Kuăn pơlê xuân hiăng pâ thế pêi pro tiô tơdroăng pơkâ dêi Ngế pro xiâm hnê ngăn Chin phuh ‘na pơkuâ ngăn rơxế tu tuh ki veăng kơtâu drô troăng, kal athế ai hâi khế [ă troăng hơlâ ki tơtro, malối [ă hdroâng kuăn ngo iâ mơngế. Pôa Y Lý Niê, ối a cheăm Ea Drơng, tơring }ư\ Mgar, kong pơlê Daklak pâ thế: Á pâ thế ai troăng hơlâ ki nhên, pơkuâ ngăn mâu rơxế, tơmeăm khoăng. Pak^ng tơdroăng mơjiâng luât mê kal athế ai hlá mơ-éa vâ hnê tối mâu ngế ki vê rơxế ăm i tơtro [ă hiâm mơno hloh rơkê tơchuâm dêi kuăn pơlê hdroâng kuăn ngo akố. Ôi pá môi tơdroăng nếo, kơxo# liăn ‘no vâ hnê mơjiâng athế iâ má môi [ă ăm mâu thái troh a pơlê cheăm vâ hnê tối. Tâng ai hlá mơ-éa hnê tối tơtro [ă kơlo liăn ki ‘no kum bu iâ mê mơni vâi krâ-nho\ng o kuăn pơlê pêi chiâk kô hriâm vâ xo [âng vê rơxế tu tuh [ă châ hlê ple\ng hên tơdroăng drêng vê rơxế kơtâu drô troăng vâ kơdroh tơdroăng ki xía vâ, tơklâm rơxế drô troăng.

Nhat Lisa tơplôu [ă tơbleăng