Pôa Y Luyện Niê Kdăm, kăn pơkuâ hnê ngăn Đảng kong pơlê Dak Lak hneăng hdrối, ai hên rôh châ pêi cheăng [ă pôa Lê Đức Anh, Kăn xiâm hnê ngăn tơnêi têa hneăng hdrối. Pôa Y Luyện tối, rêm rôh troh a Dak Lak pôu [ă pêi cheăng, pôa Lê Đức Anh pơrá troh a mâu kơpong hngế hngo pôu kơ-êng vâi krâ nho\ng o mâu hdroâng kuăn ngo, mơhnhôk vâi krâ mơdêk cheăng kâ, tơru\m vâ mơjiâng tơdroăng rêh ối rế hía rế tơniăn, mơnhông tơtêk.

‘’Pôa Lê Đức Anh, Kăn xiâm hnê ngăn tơnêi têa hneăng hdrối tơmâng ngăn khât troh Tây Nguyên, sap ing hâi châ tơleăng le\m hiăng troh akố to lâi hdroh, lăm pôu mâu kơpong. Rôh ki mê nah, Dak Nông [ă Dak Lak ối cho môi kong pơlê, pôa tơmâng ngăn má môi cho kơpong đông kăch măng Krông Bông, Lak, Krông Nô.

Chôu pâ troh rôh ki lăm troh a kơpong Krông Nô xơpá khât, troh amê troăng prôk ôh tá ai mê nho\ng o ngin po troăng vâ tơdah pôa a kơpong mê vâ pêi cheăng [ă kuăn pơlê. Mê cho tơdroăng ki chôu vế khât. Nôkố kăn xiâm hnê ngăn tơnêi têa hneăng hdrối hiăng hlâ lêk, tuăn hiâm kuăn pơlê ối hâk mơnâ. Tung mâu hâi klêi kơ’nâi tơleăng le\m mê hdrối hâi vâ châ tơleăng, pôa cho kăn xiâm tí tăng ‘nâi ple\ng ăm khu kăn peăng hdroh Việt Nam, pôa hnê mơhno kơtăng mê mâu nho\ng o lêng pin bô bố xuân pâ vế’’.

Pôa Cao Văn Trung, a tôh 1, bêng Nghĩa Đức, pơlê kong krâm Gia Nghĩa tối, tuăn hiâm pâ nhuo#m, mơnê khât troh kăn xiâm pơkuâ ki ai tuăn hiâm to\ng kum kuăn pơlê:

‘’Drêng ngin tâng tơdroăng pôa Lê Đức Anh, kăn xiâm hnê ngăn tơnêi têa hneăng hdrối hlâ mê rêm ngế kuăn pơlê ngin, tơná á pơrá pâ mơjo môi ngế kăn xiâm pơkuâ rơkê. Rêm ngế kuăn pơlê pơrá pâ mơjo mâu kăn xiâm Đảng, Tơnêi xua vâi ai hnoăng [ă tơnêi têa vâ châ môi tiah hâi kố. Mâu rơxông tung la ngiâ kal hriâm [ối ngế ki prôk hdrối môi tiah kăn xiâm hnê ngăn tơnêi, meh Lê Đức Anh hriâm mot tung tuăn ‘na rơkong hnê tối dêi Đảng, Pôa Hồ [ă mâu ngế ki hiăng hlâ lêk mê nếo chiâng kâi mơdêk tơnêi têa rế hía rế mơnhông tơtêk’’.

Vâi krâ nho\ng o a mâu pơlê, cheăm dêi kong pơlê Gia Lai mơhno tối tuăn hiâm pâ mơjo drêng ‘nâi pôa Lê Đức Anh, Kăn xiâm hnê ngăn tơnêi têa hneăng hdrối hlâ. {ă mâu tơdroăng ki pâ mơjo, vâi krâ nho\ng o a mâu pơlê, cheăm, malối cho khu rơxông, hơnăm ối nếo dêi kong pơlê Gia Lai xuân hlo, kal athế mơ-eăm hên tâ tung tơdroăng mơjiâng pơlê, cheăm, mơjiâng tơnêi têa vâ veăng kum hnoăng cheăng dêi mâu kăn ki hiăng prôk lêk hdrối môi tiah pôa Lê Đức Anh, kăn xiâm hnê ngăn tơnêi têa hneăng hdrối.

Hồ Thị Viên, hdroâng kuăn ngo Bơhnéa, a pơlê Pờ Nang, cheăm Tú An, pơlê kong krâm An Khê, kong pơlê Gia lai, tối:

‘’Cho ngế kuăn dêi Tây Nguyên, hdroâng mơngế Việt Nam, hdroâng kuăn ngo akố, kuăn pơlê a kố pâ mơjo khât. Xua pôa Lê Đức Anh, kăn xiâm hnê ngăn tơnêi têa hneăng hdrối xuân cho kăn pơkuâ kach măng, veăng ‘no hên h^n hnoăng cheăng ăm kăch măng Việt Nam. {ă vâ ôh tá ăm vâi khéa hơ’nêng, hnoăng cheăng kân k^n dêi kuăn mơngế Tây Nguyên athế mơ-eăm hên tâ kơ mê nếo, mơ-eăm hriâm tâp, mơ-eăm mơnhông mơdêk cheăng kâ’’.

{ă pôa Dơ Wang Ya Gương, a pơlê kân Liên Nghĩa, tơring Đức Trọng, tối:

‘’Pôa Lê Đức Anh, kăn xiâm hnê ngăn tơnêi têa hneăng hdrối cho môi ngế kăn tươ\ng lêng ki rơkê, môi ngế kăn pơkuâ ki rơkê dêi tơnêi têa. Cho ngế kuăn hdroâng kuăn ngo Tây Nguyên a kong pơlê Lâm Đồng pâ mơjo khât [ă pâ pơtroh rơkong s^ng khéa [ă rơpo\ng hngêi, nho\ng o dêi pôa. Tơdroăng hlâ lêk dêi pôa cho tơdroăng ki s^ng khéa hơ’nêng khât [ă Đảng [ă Tơnêi têa, malối cho tung hnoăng cheăng Tơru\m tâi tâng hdroâng kuăn ngo a Tây Nguyên xuân môi tiah tung lâp tơnêi têa’’.

Pôa Trần Văn Bộ, mố đo#i hơnăm hiăng krâ, a tôh kơho# 2, bêng 9, pơlê kong kơdrâm Đà Lạt, kong pơlê Lâm Đồng hiăng tối tuăn hiâm pâ mơjo troh Đăi tươ\ng dêi khu lêng Việt Nam khên tơnôu:

‘’Ngin cho mâu ngế lêng, cho ngế mố đo#i hơnăm hiăng krâ xuân hiăng tơkâ luâ mâu khế hơnăm tơplâ [ă malối cho mâu rôh xua tơdroăng pơkuâ tơdrêng dêi Đăi tươ\ng. Ngin hlo tiah kố, mê cho môi tơdroăng ki hía kân khât ôh ti xê to [ă Đảng, [ă Tơnêi têa, [ă kuăn pơlê malối cho [ă mâu rơxông mố đo#i hơnăm hiăng krâ. Pôa hiăng hlâ la ngin ối hlo [ă tuăn hiâm ngế lêng mố đo#i kô mơ-eăm pâ dêi tuăn hiâm châi heăng dêi tơná, dêi rêm ngế kho\m mơ-eăm djâ troăng ahdrối dêi pôa tung tơdroăng cheăng nôkố. Veăng kum hnoăng cheăng dêi tơná tung tơdroăng mơjiâng, [ă rak vế tơnêi têa’’.

VOV Tây Nguyên

Katarina Nga tơplôu [ă tơbleăng