Pơla hâi dế la ngôi on ing kloh xok môi tiah inôa kơxo má

Vâ chê môi pơla măng t^ng kố, rơpo\ng jâ Trần Thị Môn ối a tôh kơpho# 4, pơlê kân Liên Sơn, tơring Lăk athế djâ dêi pó rêh ối tung hngêi dêi nho\ng o a tôh kơpho# 1 vâ ối pơtân xua ngôi on [ă ki xú ‘mêi ing mâu tíu chôu xok kơtăn hngêi ai 150m ki ‘mêi ‘mak mê.

Klêi kơ’nâi vâ chê 1 măng t^ng ngôi on ing kloh xok pơlê kân Liên Sơn kơlung kơlăng

Jâ Môn tối ăm ‘nâi, kố cho roh má pái tung khế tíu ki ok xok chếo, ngôi  prăng, to mâu pló, kơtâk, xú ‘mêi ing tíu ok chôu xok, drêng ai khía mơhot kô pêi plong kơneăng, tơro\ng troh lâp luô.

Xua xâu kơ ‘mêi troh ivá châ chăn, jâ [ă mâu rơpo\ng ki ê athế kl^ng péa plâ hâi plâ măng. Ki ‘ló hơ-ui tâ cho mâu vâi hdrêng ối tơx^n, to lâi khế kố hiâm chuât ngo ngrok, mâ vâi khêi, kéa tơhe\n ‘mêi khêi, châi tamo athế pơtê hriâm đi đo:

‘’Rêm khế lăm xo 15 rơpâu liăn xok dêi kuăn pơlê ôh tá ‘nâi vâi vâ pro kế ki klâi, kuăn pơlê tro trâm xêh xahpá xua tro hrik ngôi on, kế ki xú ‘mêi kố. Kơtâk ngôi on kố pro tơdjâk chiâng ‘mêi ó troh tơdroăng rêh kâ ối, troh a ivá châ chăn. Ki hlo nhên, cháu peăng kuăn kơdrâi hiăng châ 9 khế, hiâm pá kâi djâ pơlât a [ok thái pơkeăng tối êi xôu, nôkố ôh tá khên ối tung hngêi athế hdâ rêh ối a tíu ê’’.

Tơdroăng ki ‘mêi ing xok Liên Sơn hiăng ai sap ing ton nah, la 2 hơnăm achê pơla kố thăm rế ó, tung pơla mê, Vi [an hnê ngăn tơring Lăk chêh k^ bu ăm phêp ok xok ai 1/500 tơdroăng ki mơjiâng kloh ok xok a pơlê kân Liên Sơn, la rế hía hlo vâi ok xok a kố rế ó. Tơdroăng ki pro mơgrúa ôh tá kơhnâ khât mê khoh chiâng tơdjâk chiâng ‘mêi troh ivá, châ chăn dêi kuăn pơlê.

Rơxế chơ têa dêi Ko\ng ti pêi cheăng tiô rơnó kơvâ ‘na mơjiâng [ă tơnêi tíu kơpho# Đại Lộc chơ pêng têa vâ tơpâ on tung kloh

Pôa Trương Văn Thạnh, kăn tôh kơpho# 4 tối ăm ‘nâi, kuăn pơlê akố ai 260 rơpo\ng, ai lối 1 rơpâu 100 pơ’leăng mâ mơngế. Tung pơla mê, tơdroăng tơkêa pêi vâ pro mơgrúa tíu ok xok hiiăng chêh tối nhên ‘’drêng chiâ kloh athế kâng kơnâng vâ rak vế kuăn mơngế, kal athế re\ng ‘mâi rơnêu drêng ai tơdroăng ki pro ‘mêi, môi tiah ai ngôi on, kơtâk, kế xú ‘mêi rêm hâi. Tơdroăng kố hiăng châ kuăn pơlê a kố tối hên hdroh, pơtroh ăm rêm râ ki ai hnoăng cheăng vâ mơdât tơdroăng ki pro ‘mêi troh tơdroăng rêh ối, cheăng kâ dêi kuăn pơlê tung kơpong kố’’.

Maluâ ti mê, ki păng ‘nâng rêm hdroh ok xok a kloh vâi bu hdroh chôu tiô hmâ, ai vâ chê tơdế kơxo# rơpo\ng tung tôh kơpho# kố tro tơdjâk ki ‘mêi dêi ngôi on, kế ki xú ‘mêi tung hên hdroh. Tơdroăng ki kố hiăng châ kuăn pơlê tối hên hdroh ăm mâu kăn pơkuâ râ kơpêng, la ôh tá la lâi hlo ai tơdroăng ki to\ng kum vâ re\ng pro mơgrúa le\m a mâu kloh ki ok xok mê’’.

‘’Mơjiâng pro kloh ki ok xok athế hơngế ing tíu kuăn pơlê rêh ối, la kloh ok xok kố kơtăn ing tíu kuăn pơlê rêh ối bú ai 200m tê, ki ‘mêi dêi ngôi on mê ga pro tơdjâk troh kơpong tâ tá 1 km. ‘Na tơdroăng ki vâ pro mơgrúa tâng tối ai kế ki xâ tung kơdâm, ai ok puâ, xôh pơkeăng kơdê pơreăng la kuăn pơlê akố ôh tá hlo vâi pro tiah tơdroăng ki tơhrâ mê. A rơnó tô kloh ok xok kố hmâ tro chếo đi đo, tôh kơpho# hiăng pâ thế khu râ kăn pá pêng, [ă khu ko\ng ti ngăn ‘na hyôh kong prâi kố hiăng tơkêa kô ‘mâi rơnêu sap ing hâi lơ 16/1 nah troh nốkố xuân tá hâi hlo ‘mêng rơnêu, tá hâi teăm châ 3 khế kloh ok xok kố hiăng chếo châ chât hdroh’’.

Tung pơla mê, pôa Nguyễn Cảnh Hiền, Kăn pơkuâ ngăn Ko\ng ti pêi cheăng tiô rơnó mơjiâng [ă rak vế tơnêi tíu, hyôh kong prâi kơpho# inâi Đại Lộc, cho khu ki pơkuâ ngăn kloh ok xok mơnhên tối, Ko\ng ti hiăng pro tro hnoăng cheăng [ă mâu tơdroăng cheăng dêi tơná. Tơdroăng ki tá hâi teăm kâng kơnâng tâ tá kloh ok xok vâi tối tá hâi ai liăn.

Rêm hâi, mâu ngế cheăng tung ko\ng ti rơtế [ă 3 toăng rơxế ki ok xok dâng 5 ta#n tơdế xok hiăng lăm chơ mâu xok ki ok tung pơlê kân Liên Sơn [ă mâu kơpong ki achê dêi cheăm Dak Liêng troh a tíu kloh ok xok.

Klêi kơ’nâi 1 pơla măng t^ng, Ko\ng ti ki chơ xok kố bu xo rơxế gu, uih kơđu, klêi mê, ok puâ [ă xôh pơkeăng kơdê pơreăng. Pôa Nguyễn Cảnh Hiền mơnhên tối, Ko\ng ti ôh tá la lâi ai chôu xok. Tơdroăng ki kloh ok xok hmâ tro chếo cho xua tơná kuăn pơlê mơhno\ng chôu xêh:

‘’Ngin rak vế, pêi pro tro tiô tơdroăng hiăng tơkêa, rêm hâi ai 3 toăng rơxế chơ xok dâng 5 ta#n tơdế ki lăm chơ pơto xok dêi mâu rơpo\ng ki ‘măn xok. Drêng hiăng bê, hiăng tu\m, mê ngin xo rơxế gu, uih, kơđu xok, klêi mê, xế puâ, xôh pơkeăng. Ngin ôh tá la lâi ăm mâu ngế ki cheăng chôu xok, tơdroăng ki tro chếo mơni thâo tơná kuăn pơlê chôu, rêm hdroh ai on chếo ngin xuân ăm rơxế chơ têa vâ tơpâ on’’.

Tiô pôa Nguyễn Anh Tú, Kăn [ơrô ngăn ‘na pei cheăng kâ-ngăn ‘na tơdroăng mơjiâng tơmeăm khoăng dêi tơring Lăk tối ăm ‘nâi, kơpong ok xok kố rơdâ lối 2,2 ha tâi tâng kơxo# liăn pơlê ki châ xúa vâ ok xok kố ai dâng 7 rơpâu ngế, tiô tơdroăng ăm ‘nâi, kơxo# xok ki ok troh a hơnăm 2030 ah vâ chê 26 rơpâu 500 ta#n.

Tơdroăng cheăng kố cho xua Khu ngăn [ơrô ‘na cheăng kâ-ngăn ‘na mơjiâng pro troăng hơlâ dêi tơring cho khu ki ‘no liăn mơjiâng pro, tâi tâng kơxo# liăn ki mơjiâng pro mê ai 5 rơtal 700 rơtuh liăn, cho ing kơxo# liăn kơd^ng ‘măn [ă mơhnhôk hên khu ki ê veăng tơlo, khế hơnăm pêi pro sap ing hơnăm 2014 troh a hơnăm 2030 ah.

Xua ôh tá ai liăn mê hdrối nah hiăng pơcháu ăm Khu pơkuâ cheăng tiô rơnó ‘na mơjiâng [ă rak ngăn tơnêi tíu kơpho# dêi Đại Lộc pơkuâ ngăn tiô túa ki mơhnhôk kuăn pơlê veăng tơlo liăn vâ cheăng:

‘’Tơdroăng tơkêa pêi kố cho hiăng tơmâng xo rơkong pói vâ dêi kuăn pơlê [ă mâu khu râ pơkuâ cheăng, xua hiăng ai vâ môi tuăn mê tơring nếo chêh hlá mơ-éa pơtroh ăm kong pơlê. Laga, drêng ai tơdroăng ki tro ‘mêi tiah mê, tâng hmôu pơ chơ djâ xok tiah mê ga cho tơdroăng ki pá, mê nôkố ngin xuân ối pơcháu ăm Ko\ng ti Đại Lộc klêi kơ’nâi ok xok athế xế puâ, xôh pơkeăng đi đo, xua liăn ngân ôh tá ai, la ngin ôh tá la lâi ăm ai tơdroăng hdroh chôu xok hmâng lơ vâ. Vâ re\ng mơdât tơdroăng ki pá kố, troh a hơnăm 2019-2020 ah, ngin kô ai tơdroăng pơkâ cheăng nhên tâ, drêng tơdroăng pơkâ kố hiăng châ tro tiô troăng ki hiăng tơkêa’’.

Tung pơla tơkôm troh a roh ki ‘mâi rơnêu mê ah [ă drêng mâu kơ koan ai hnoăng cheăng tối dêi tơná pêi pro tro tiô túa pơkâ mê tơdroăng ki vâ kơđu xok a tôh kơpho# 4, pơlê kân Liên Sơn, tơring Lak ôh tá khoh chiâng chôu xok. La kloh ok xok mê đi đo tro on chếo xuân tá hâi teăm ‘nâi ngế ki lâi, khu ki lâi chôu, la kuăn pơlê rêm khế xuân athế nâp liăn, rêm hâi athế tro hrik kơtâk ngôi on ki ‘mêi mê.

Hương Lý chêh

Nhat Lisa tơplôu [ă tơbleăng