Klêi kơ’nâi tơpui tơno, mâu kăn tối ăm ‘nâi, tơdroăng tơkêa bro ‘na luât kal châ pơtối tơmâng xo, ‘mâi rơnêu vâ tah lôi mâu tơdroăng pơkâ ki tá hâi teăm tơtro khât. Ki nhên ga [ă mâu ngế ki chêh tối dêi liăn ngân pêi lo rêm khế, rêm hơnăm, kế tơmeăm pêi lo, ai mâu kăn ki ‘nâi vâ môi tuăn [ă túa po rơdâ kal pơkâ ăm mâu ngế ki ê chêh tối dêi liăn ngân, kế tơmeăm pêi lo, vâ tâi tâng mâu kăn [o#, mâu ngế pêi cheăng tơnêi têa pơrá chêh tối dêi kế tơmeăm tơná ai. Maluâ ti mê, bu kal athế po rơdâ ăm mâu ngế kăn [o# ki châ kâ liăn to\ng kum vâ pôi tá ai tơdroăng ngế kuăn pơlê ki lâi xuân chêh tối dêi kế tơmeăm khoăng, ah pá vâ châ ‘nâi nhên ki cho ki ôh. Pôa Tôn Ngọc Hạnh, Kăn Kuo#k ho#i kong pơlê Bình Phước ai tối:

‘’Á ối tô tuăn ‘na tơdroăng pêi pro dêi mâu kơ koan ki châ pơcháu tí tăng mơnhên ngăn kế tơmeăm [ă tơdroăng ki hmâng to khu kăn ki vâ tí tăng ’nâi ‘na kế tơmeăm dêi môi ngế ki lâi ‘lo. Á pâ thế hơ’lêh tah lôi tơdroăng ki hmôu pôu tí tăng rah ngế ki lâi ‘lo vâ séa mơnhên ngăn tơmeăm ga ai, mê kal athế klâ xing xoăng khu ngế kăn [o# ki vâ ai tơdroăng mơnhên ngăn. A mâu râ ki chêh tối mê, kăn [o# ki ai kơlo\ng pro kăn, lơ kăn [o# ki pá kơdâm, lơ mâu ngế ki ai krâ kơlo\ng ki ku\n. Tơdrêng amê, hơ’lêh lôi tơdroăng ki pơkâ ki nhên hnoăng cheăng dêi mơngế kăn [o#, tiô kơ luât ai pơkâ thế séa mơnhên ngăn, mê xuân chiâng vâ mơjiâng tơ’nôm túa cheăng ki ê, chêh inâi mâu khu cheăng a kơlo ki ê, kal athế mơnhên tung séa ngăn, mơnhên kế tơmeăm ki pêi lo, mê cho môi tơdroăng ki kal, môi hvêa prôk nếo ki vâ pơkuâ ngăn, châ ‘nâi nhên mơngế ki ai chêh tối dêi liăn ngân, kế tơmeăm’’.

Tối ăm ‘nâi tá 2 tơdroăng dêi kơ koan ki pơkuâ séa ngăn liăn ngân, kế tơmeăm pêi lo xuân ối trâm tơdroăng ki tá hâi tơtro, jâ Cao Thị Xuân, Kăn Kuo#k ho#i dêi kong pơlê Thanh Hóa tối ăm ‘nâi:

‘’Môi troăng hơlâ ki ê ki kal châ séa mơnhên ngăn, mê athế mơjiâng môi kơ koan krê xêh ki pơkuâ ngăn to ‘na hnoăng cheăng ki kố. Túa cheăng kố cho pêi pro tro tiô tơdroăng pơkâ thế ‘na kring vế ăm tơdroăng krê ki kal, kơdroh lôi tơdroăng veăng pơkâ thế dêi mâu kơ koan, khu pơkuâ cheăng, maluâ cho mâu ngế ki ai hnoăng cheăng ai tơdjâk troh tơdroăng cheăng kố, ing mê tơhrâ tơkêa hên tâ ‘na tơdroăng ki tơtro [ă hiâm mơno ki tơdrăng le\m. Maluâ ti mê, ki tá hâi tơtro tiô túa pêi kố, mê athế mơjiâng môi kơ koan ki nếo, kal ai mơngế kăn [o#, kế tơmeăm, tiah mê ga ôh tá tơtro [ă tơdroăng Pơkâ dêi kơxo# 18 dêi Khu xiâm pơkuâ hnê ngăn Đảng ‘na hơ’lêh nếo, ‘mâi rơnêu khu pơkuâ cheăng tung khu xiâm cheăng kal kí. Maluâ ti mê, tiô á hlo, ton xo\n la ngiâ ah, túa pơkâ má 3 kal athế chêh tối nhên [ă séa mơnhên hnoăng cheăng ăm i tro tu\m’’.

Tơpui leăng [ă jâ Cao Thị Xuân mê pôa Nguyễn Văn Pha, Kăn Kuo#k ho#i kong pơlê Nam Định ai tối:

‘’Dế nôkố, a tơnêi têa pin ai 3 kơ koan hbrâ mơdât, tơplâ [ă khu ngế kâ kơluâ, mê cho Khu xiâm séa ngăn Chin phuh, Khu xiâm séa ngăn arak luât, Khu xiâm Ko\ng an. Tâng pin kho\m vâ mơjiâng môi kơ koan ki nếo môi tiah nâ Xuân pâ thế ga xuân chiâng, athế xo 3 kơ koan ki mê, vâi hiăng rơkê ple\ng, ‘nâi nhên ôh tá eâ ai rah xo kăn [o# ki nếo. Tiô á pâ thế Kuo#k ho#i kal mơjiâng môi kơ koan séa ngăn ‘na kế tơmeăm pêi lo dêi kăn [o#, mơngế pêi cheăng ăm tơnêi têa [ă kal athế pêi pro tiô Vi [an hnê ngăn Kuo#k ho#i’’.

‘Na túa ki vâ mơnhên kế tơmeăm ki pêi lo dêi mâu kăn [o# ôh tá tơdrăng tung chêh tối dêi kế tơmeăm ôh tá tơdrăng lơ liăn ngân pêi lo tơ’nôm la chêh tối ôh tá tro tơdroăng ‘na ki xiâm kối, mê mâu kăn pơrá tối, kố cho tơdroăng ki pá, khu rah chêh kal athế hriăn ple\ng vâ ai tơdroăng pơkâ ki tơtro luât, tơtro tơdroăng. Pôa Lê Anh Tuấn, Kăn Kuo#k ho#i kong pơlê Hà Tĩnh tối, veăng vâ môi tuăn [ă tơdroăng pơkâ kơxo# 1 dêi kơxop hlá mơ-éa hiăng chêh tối: {ă kế tơmeăm, liăn ngân ki pêi lo ngế ki ai hnoăng chêh tối ôh tá chêh tối tơtro mơnhên ‘na xiâm rêi, la tơnêi têa xuân tá hâi teăm châ mơnhên păng ‘nâng ‘na liăn ngân, tơmeăm khoăng mê pêi lo ga ôh tá tro luât, mê ki hdrối tâ, ngăn kố cho kế tơmeăm ki pêi lo tơ’nôm xêh ki ngế chêh tối mê tá hâi teăm pro hnoăng mơhá [ă pơkal thế ngế ki mê pro hnoăng mơhá mê ga kô tơtro [ă tơdroăng dế nôkố. Tơdrêng amê, pôa Lê Anh Tuấn, ai pâ thế:

‘’Tâng vâ pêi pro tiô túa ki kố kal athế hbrâ rơnáu tiô kơ tơdroăng ki hdró i nhên kế tơmeăm ki pêi lơ chêh tối ôh tá tơdrăng la ai xiâm rêi ki tơtro luât [ă liăn ngân, kế tơmeăm pêi lo tơ’nôm la ngế ki chêh tối ôh tá chêh tro tu\m ki xiâm rêi ‘na liăn ngân, kế tơmeăm ki mê. Ki tơtro dêi tơdroăng pêi lo liăn ngân ki tro athế pro hnoăng mơhá mê cho liăn ngân pêi lo ki tơtro luât. Tiah mê ah, bu cho liăn ngân, kế tơmeăm ki chêh tối ôh tá tơdrăng la ai xiâm rêi tơtro tiô luât, mê nếo châ mơnhên tối cho tơdroăng ki pro vâ ví ing pro hnoăng mơhá liăn ngân ăm tơnêi têa. {ă liăn ngân, kế tơmeăm pêi lo tơ’nôm la ngế ki chêh tối mê ôh tá chêh tối mơnhên xiâm kối ga mê kal athế ai khu ki lăm mơnhên, séa ngăn xiâm kối ga, ing mê vâ tối troh tơdroăng ki tơtro lơ ôh tá tơtro ‘na kế tơmeăm ki châ pêi lo rêm hơnăm’’.

Ai hên mâu kăn ai tối tiah kố, vâ hbrâ mơdât tơdroăng kâ kơluâ kế tơmeăm kal athế chêh tối tơdrăng, mơnhên ‘na khu pơkuâ cheăng, tơdroăng cheăng dêi kơ koan, đông lêng. Ing mê, vâ kô chiâng tơdrăng ‘na hnoăng cheăng, túa pơkâ cheăng, ki ai pơxúa dêi kăn [o#, mơngế pêi cheăng dêi tơnêi têa [ă tơdroăng ki xúa liăn ngân, kế tơmeăm rêm hơnăm dêi kơ koan, đông lêng. Maluâ ti mê, tiô pôa Lê Thành Công kăn Kuo#k ho#i kong pơlê Vĩnh Long tối, tâng vâ chêh tối tơdrăng, pêi pro i nhên môi tiah tung luât pơkâ, ga cho tơdroăng pro pá gong tê, ối pá vâ pêi pro ki cho păng ‘nâng:

 ‘’Túa ki chêh tối tơdrăng, tơleăng mơnhên kal athế tối pơtâng, tối tơno a mâu kơ koan, đông lêng, tiô tơdroăng pơkâ a kơlo a, kơlo b dêi khỏan má 1 ga hiăng tu\m. Chêh tối, tơbleăng nhên tiô túa ki tơleăng mơnhên, tơdrăng tiô túa ki tối pơtâng a mâu rơ’jíu, um tơvi, chêh pơtroh hlá mơ-éa troh a mâu kơ koan, pơtroh mâu hlá mơ-éa tiô pơkâ a kơlo c, d,đ, g ga ôh tá eâ kal. Xua ti mê, á pâ thế, tah lôi mâu tơdroăng ki kố tiô khỏan 1 luât má 10. Tâng lơ kal vâ ‘nâi ple\ng ‘na hnoăng cheăng ki tơ-[rê mê, mâu hnoăng cheăng dêi kơ koan ki lâi ‘lo mê athế xúa tiô luât má 13 ga tơtro’’.

Khu chêh hlá tơbeăng VOV chêh

Nhat Lisa tơplôu [ă tơbleăng