Rơpo\ng nâ Cil Ha Hê Ri ai 1 ha tơnêi ki pêt kơphế [ă loăng plâi kâ a thôn Dă Chais, cheăm Dă Nhim, tơring Lạc Dương. Cil Ha Hê Ri hiăng mơdâ pêt tơniăn a tơnêi tíu ki kố vâ chê 30 hơnăm hiăng luâ. Maluâ ti mê, troh nôkố, ngoh xuân tá hâi châ ăm hlá mơ-éa phêp rak xúa tơnêi. Ki păng ‘nâng mê hiăng pro Cil Ha Hê Ri athế trâm xêh tơdroăng ki pá:

Tơnêi a kố sap ing nôu pâ jâ pôa ‘măn ăm kuăn cháu. La dế kố xuân tá hâi ăm hlá mơ-éa phêp rak xúa tơnêi, ôh tá ‘nâi ti lâi. Chôu phut kố, á xuân rơhêng vâ ai ph^u rak xúa tơnêi vâ tơngah châ mung liăn ing hngêi rak liăn pêi cheăng kâ’’.

Xuân môi tiah mê, pôa Lơ Mu Ha Hang ối a thôn 1, cheăm Dă Sar, tơring Lạc Dương xuân ai 1 ha tơnêi ki pêi pêt kơphế tá hâi teăm châ hbruô ph^u rak xúa tơnêi tíu. Dế kố, kơphế hiăng krâ, ôh tá dâi le\m, pôa Lơ Mu Ha Hang pói rơhêng vâ kok dêi tơnêi tíu ki kố vâ hơ’lêh pêt hdrê loăng ki ê. La xua tá hâi teăm châ pro ph^u răk xúa tơnêi mê hngêi rak liăn ôh tá ăm mung liăn. Lơ Mu Ha Hang khéa hơ’nêng tối tiah kố:

Kơdrum loăng ki kố hiăng chiâng dâi le\m. Á vâ mung liăn la xuân ôh tá kâi châ, pâ tơngah khu kăn pơkuâ re\ng to\ng kum bruô ăm á ph^u rak xúa tơnêi vâ á pêi cheăng kâ’’.

Ki pá tâ ki mê nếo tơdroăng dêi pôa Ksă Ha Tang, ối a thôn Dă Dun Hai, cheăm Dă Sar, tơring Lạc Dương. Pôa Ksă Ha Tang châ ngăn cho ngế ki ai hnoăng po rơdâ tơnêi vâ mơjiâng thôn Dă Dun Hai tiah hâi kố, kum kuăn pơlê pôi tá tí tăng prôk lăm rêh ối ukố umê, tơprâ tơpru\ng hên hơnăm pá puih.

 Maluâ ti mê, rơtế [ă hên mâu rơpo\ng ki ê tung thôn, ai vâ chê 1 ha tơnêi dêi pôa Ha Tang troh nôkố xuân châ ngăn cho tơnêi pêt loăng. Ha Tang tá hâi châ bruô kơtâ hlá mơ-éa ph^u ki lâi vâ châ rak tơniăn hnoăng ki xúa [ăng tơnêi ki hiăng pêi pêt mơjiâng kế tơmeăm tơniăn to lâi chât hơnăm hiăng luâ dêi tơná. Pôa tam nâ [ă tơdroăng ki ôh tá tơleăng mơnhên mê:

Tơnêi ki kố ngin hiăng hmâ pêi cheăng kâ sap ing chal vâi krâ roh ton nah. Vâi pêt kơphế. Cho ‘nâng tối cho tơnêi ki ối tung kơpong kong ki pêt mơjiâng loăng la kố cho tơnêi pêi chiâk pêi deăng, mê chal vâi krâ nah hiăng xing xoăng ăm ngin vâ ngin chêh pro hlá mơ-éa, vâ ing mê, châ mung liăn dêi hngêi rak liăn.

Chôu phut kố, ôh tá ai liăn mê vâi krâ-nho\ng o athế roăng dêi loăng plâi, tá hâi teăm hơ’lêh hdrê loăng plâi ki ê, mê loăng plâi khoh ôh tá dâi le\m’’.

Tiô tơdroăng riân ngăn ki apoăng, lâp tơring Lạc Dương dế nôkố ai dâng 5.000 ha tơnêi chiâk deăng ki kuăn pơlê hiăng pêi tơniăn ton la tá hâi ai ph^u rak xúa tơnêi. Maluâ tơnêi ki mê kuăn pơlê hiăng pêi chiâk pêi deăng châ ton hơnăm, la troh nôkố xuân ối tối ôh tá xê tơnêi pêt loăng, cho môi tơdroăng ki phá xêh dêi kong pơlê Lâm Đồng, tơdroăng kố, ôh tá ai tung Luât pơkâ ‘na tơnêi tơníu.

Tiô pôa Sử Thanh Hoài, Kăn pho\ hnê ngăn Vi [an tơring Lạc Dương tối, tơdroăng ki mơnhên ngăn vâ bruô hnoăng xúa tơnêi ăm [ăng tơnêi kố, bú tơngah lơ vâ chiâng drêng tơring kố pêi pro klêi tơdroăng vê hdró ai 3 túa kong. Tơdroăng ki mê tơkéa vâ tối, kuăn pơlê ôh tá lalâi nếo châ bruô ph^u rak xúa tơnêi, la lâi ah nếo châ tơ’lêi ăm tơdroăng pơkâ hnoăng pêi chiâk pêi deăng, mơdró kâ vâ mơnhông dêi rơpo\ng hngêi.

Nhat Lisa tơplôu [ă tơbleăng