VOV4.Sêdang - Kơxê lơ 3/8, Khu hnê mơhno cheăng hbrâ mơdât pơreăng tơring Dam Rong, kong pơlê Lâm Đồng ăm ‘nâi, tung tơring hiăng ai ngế tâ pơreăng êi rơtốu krôk. Kố cho ngế tâ pơreăng êi rơtốu krôk ki apoăng châ ‘nâi a kong pơlê Lâm Đồng. Ngế ki kố cho kơdrâi, 21 hơnăm, hdroâng kuăn ngo H’Mông, ối a thôn 3, cheăm Liêng Srol, tơring Dam Rong.

Khăm séa ngăn pơreăng êi rơtốu krôk ăm vâi hdrêng a tơring Dam Rong

Drêng châ ‘nâi ngế ki tâ pơreăng, Khu hnê mơhno cheăng hbrâ mơdât pơreăng [ă mâu tíu pêi cheăng ki ai tơdjâk troh dêi tơring Dam Rong hiăng re#ng hdró vâ klâ krê kơpong, tối tơbleăng mâu troăng hơlâ hbrâ mơdât pơreăng, klâ ối krê ngế ki tâ pơreăng [ă mâu ngế ki ối achê [ă ngế ki tâ pơreăng, pâk xo mơheăm séa ngăn vâ hbrâ mơdât pơreăng tâ tú. Dam Rong cho kơpong ki mơni tâ tú hên ‘na pơreăng êi rơtốu krôk, xua tơdjêp k^ng [ă mâu tơring Dak Glong, dêi kong pơlê Dak Nông [ă tơring Lak dêi kong pơlê Dak Lak.

Tung pơla hdrối kố nah, Tíu xiâm ngăn pơkeăng tơring Dam Rong hiăng tơru\m [ă mâu kơ koan ki ai tơdjâk troh dêi kong pơlê Lâm Đồng tơku\m po khăm séa ngăn, pơlât [ă pâk pơkeăng vaccine êi rơtốu krôk ăm lối 1.200 ngế. Tơdrêng amê, hnoăng cheăng tối tơbleăng hbrâ mơdât pơreăng xuân châ mơdêk pêi pro.

Katarina Nga tơplôu [ă tơbleăng