VOV4.Sêdang - Tiô riân ngăn dêi kơvâ ngăn pơkeăng [ă khăm pơlât kong pơlê Lâm Đồng, sap ing apoăng hơnăm troh nôkố, lâp kong pơlê hiăng ‘nâi ai 210 ngế tâ pơreăng tơngê lo mơheăm. Pơreăng tâ tú a tâi tâng mâu tơring, cheăm tung kong pơlê. Kơvâ ngăn pơkeăng [ă khăm pơlât kong pơlê Lâm Đồng hiăng châ ‘nâi a 76 tíu tâ tú pơreăng tơngê lo mơheăm [ă hiăng châ hbrâ mơdât pơreăng ôh tá ăm pơreăng xông tâ tú.

Tíu xiâm Séa ngăn châi tamo kong pơlê Lâm Đồng ăm ‘nâi, hơnăm kố kơxo# ngế tâ pơreăng tơngê lo mơheăm kơdroh 120 ngế tâng vâ pơchông [ă khế kố hơnăm hdrối. Nôkố, kơvâ ngăn pơkeăng [ă khăm pơlât dế pơtối pêi hnoăng cheăng mơgrúa le\m kong prâi tơnêi tíu, kơdê kiâ ngu nge\ng a mâu kơpong ki ai pơreăng.

Tơdrêng amê, hnối tơku\m pêi pro tro tơdroăng ki tơdah, pơlât mâu ngế ki tâ pơreăng, pơtroh tơdrêng mâu ngế ki hlo rế râ. Tíu xiâm Séa ngăn châi tamo kong pơlê Lâm Đồng hnê mơhnhôk kuăn pơlê mơgrúa le\m kong prâi tơnêi tíu rêm hâi, koi athế hnhâng mitơkel, sâp hmân ếo hbrâ mơdât tri trôu châ pâk a kơhâi [ă a kong măng; kơhnâ tơru\m [ă kơvâ ngăn pơkeăng tung mâu rôh xôh pơkeăng hbrâ mơdât pơreăng.

Katarina Nga tơplôu [ă tơbleăng