Troh a hngêi trung hnê kuăn ngo kâ koi ối pơtê râ má pái phôh thong kong pơlê Lâm Đồng a bêng 3, pơlê kong kơdrâm Đà Lạt hên ngế chiâng kơdrâ tơviah drêng tung kơdrum hngêi trung ai kơdrum pêt reăng, pêt kơchâi xua kơmăi ki dâi le\m lối 500m2. Kơdrum ôh tá xê to tíu ki xiâm hok tro vâ hriâm [ă vâ mâu hok tro pêi pro la ai xiâm kơxo# liăn vâ kum mâu ngế ing tơdroăng hnê mơhno. Nôkố tung lâp tơnêi têa hiăng pêi pro tro tiô tơdroăng pơkâ [ă tê châ rơpâu tơkâng reăng cúc rêm rôh pôe xo.

O Dà Gát Phương, hok tro lâm 12B, ăm ‘nâi, klêi kơ’nâi veăng rak ngăn kơdrum tơná, hiăng ai tơ’nôm hên túa pêt kơchâi [ă reăng xúa kơmăi ki dâi le\m. Nôkố mâu hok tro hiăng ‘nâi tôh kơd^ng têa, rơvât phon tiô pơla mâu kơchâi vâ xông kân.

‘’Prôk luâ kơdrum hngêi nhe\ng pin châ ‘nâi mâu kih thuât pro ăm tơnêi chiâng hơpok le\m, mâu túa phon rơvât, têa tôh thế tơtro. Mâu tơdroăng pêt vâ ăm kơchâi plâi xông kân. Pak^ng mê, ngin o xuân ai kih thuât ki a hriâm a hngêi trung djâ troh a hngêi vâ kum ăm dêi nôu pâ’’.

Ing mâu chôu phut hriâm pêi ngăn, troh nôkố mâu vâi o hok tro hiăng pêi mâu tơdroăng môi tiah mơdâ hdrê, hơ’lêh phon, pơkâ chôu toh têa. Hok tro rêm lâm hiăng kơhnâ pêi rak ngăn, kêi xo dêi kơchâi reăng. Tiô o Ya Duyệt, lâm 12A tơdrêng [ă tơdroăng ki thái cô hnê, tơná o kơhnâ pơchuât ngăn mâu hlá mơ-éa, po ngăn in Internet túa rak ngăn kơdrum loăng plâi vâ châ tơ-[rê. ‘’Sap ing ai tíu pêi cheăng kố mâu vâi pú hiăng kơhnâ tâ, iâ lo xah hêi pá gong, hriâm tơ’nôm tơdroăng tơku\m pêi cheăng tiô khu. Kum vâi o ru\m môi tuăn [ă rêh ối tung hngêi trung hnê kuăn ngo ai tíu kâ koi ối pơtê kố kô hlê dêi rơpó tâ nếo pêi cheăng kô tro tâ [ă pêi cheăng tơ-[rê tâ’’.

Ing môi kơpong tơnêi lôi chúa ai to nhâ êa rơtôh, mâu lêp, oâ hdrong pro tơdjâk troh ivá mâu hok tro. Hngêi trung hnê kuăn ngo ai tíu kâ koi ối pơtê Lâm Đồng hiăng ‘no ‘mâi rơnêu pro kơdrum ko\ng nge# ki dâi le\m ai tu\m hngêi nhe\ng, kơmăi tôh phon hngiâm mot tung têa, tôh têa môi tiah xôh ăm têa lo xêh vâ pêt reăng, kơchâi chiâng dâi le\m. Ôh tá xê to ai kơchâi krúa vâ pế ăm 450 ngế hok tro dêi hngêi trung kâ, mê ối cho kơchâi ki rơlối dêi hngêi trung ối châ tê ăm mâu ngế lăm rôe pá gong vâ xo liăn ‘măn kơd^ng ăm dêi đoân, ho#i.

Thái Nông Văn Hưng, Kăn hnê ngăn Đoân droh rơtăm dêi hngêi trung hnê kuăn ngo ai tíu kâ koi ối pơtê Lâm Đồng ăm ‘nâi, mâu hok tro dêi hngêi trung ki hên to mâu vâi ‘ne\ng hdroâng kuăn ngo, tơdroăng hnê ăm mâu vâi o ‘na tơdroăng pêi pêt kơchâi [ă ‘nâi xúa kơmăi ki dâi le\m cho tơdroăng ki kal. Kố cho môi tung mâu tơdroăng pêi pro kum ăm mâu hok tro dêi hngêi trung ai mâu tơdroăng rah xo ăm dêi kuăn troăng hơlâ vâ tăng cheăng pêi xo ah hmôi:

‘’Drêng pêt reăng, vâi o ai tơ’nôm liăn ki rơlối. Đoân droh rơtăm xo iâ ăm mâu vâi o xúa pêi tơdroăng cheăng Đoân châ tơ-[rê. Tung tơdroăng hriâm xúa liăn ki ‘măn kơd^ng mê, mâu vâi o châ rôe tơ’nôm mâu hlá mơ-éa, mâu tơmeăm xúa tung hriâm, xo iâ liăn mê rôe mâu hlá mơ-éa, mâu tơdroăng xúa tung hriâm, xo iâ rôe tơmeăm ăm mâu vâi o hok tro kơtiê a kơpong hngế’’.

{ă mâu tơdroăng púi vâ tung hriâm [ă tơdroăng pêi pêt kơchâi reăng xúa kơmăi ki dâi le\m châ hnê a hngêi trung, [ă mâu vâi o hngêi trung hnê kuăn ngo kâ koi ối pơtê râ má pái Lâm Đồng kô ăm dêi kuăn ‘ne\ng tơná rah tơdroăng hriâm vâ pơxiâm pêi cheăng.

Tuấn Anh chêh

Gương tơplôu [ă tơbleăng