To lâi khế kố, pôa Võ Quốc Khoa, kăn pơkuâ ngăn ‘na chiâk deăng xúa kơmăi chal nếo, pêt hên mâu hdrê reăng ki dâi le\m a cheăm Dă Mròn, tơring Đơn Dương, kong pơlê Lâm Đồng hiăng lăm tăng lâp luô vâ mung kơxo# liăn ‘no po rơdâ pêi pêt mơjiâng kế tơmeăm tung tơnêi chiâk deăng rơdâ châ 10 ha. Maluâ hiăng lăm êng hên a mâu hngêi rak liăn la pôa Khoa xuân tá hâi teăm châ mung liăn ing kơxo# liăn ki tơkêa ăm mung ai 100 rơpâu rơtal liăn dêi Chin phuh, ki xiâm khoh chiâng tiah mê, xua tơdroăng pơkâ [ă tơdroăng ăm mung liăn a mâu hngêi rak liăn pơkâ pêi pro rơhí rơhó ó ‘nâng.

Dế nôkố, ngin xuân hiăng kơdo mơ-eăm vâ tăng mung liăn la tá hâi teăm châ. Ki xiâm dêi tơdroăng mê, kal athế ai kok tơmeăm khoăng, tâng pin kok [ă ph^u rak xua tơnêi pêi chiâk deăng, vâi kô riân tiô yă pơkâ dêi tơnêi têa, xua mê, mung ôh tá châ hên to lâi. Laga, tâng vâ tối khât, tơnêi ki mê tâng vâ riân ngăn tiô  yă ki tê mơdró pin athế ‘no liăn hên vâ rôe. 10 ha kố a Đơn Dương, tâng rôe dế nôkố yă ga kơnâ dâng 30 rơtal liăn.

Lâm Đồng ai hên túa pêt kơchâi krúa le\m châ 500 rơtuh liăn/ha/hơnăm

Tiô Tơdroăng pơkâ 318, hâi lơ 14/3/2017 dêi Khu xiâm ngăn ‘na chiâk deăng [ă mơnhông thôn pơlê tối, vâ khoh châ mung liăn ing kơxo# liăn ki ăm mung 100 rơpâu rơtal liăn, mâu khu mơdró ‘na chiâk deăng xúa kơmăi chal nếo athế pêi pro tro tiô mâu tơdroăng, môi tiah: Tơdroăng tơkêa bro ‘no liăn vâ pêi pro tung kơpong pêi chiâk pêi deăng ki xúa kơmăi kơmok chal nếo hiăng châ mâu khu râ ki ai hnoăng cheăng pơkâ mơjiâng, mâu khu mơdró hiăng châ Khu xiâm ngăn ‘na chiâk deăng [ă mơnhông thôn pơlê hbruô hlá ph^u mơnhên cho khu mơdró ‘na chiâk deăng xúa kơmăi kơmok chal nếo, mâu tơdroăng tơkêa pro ‘na chiâk deăng ki krúa le\m [ă ki ê hía.

Kong pơlê Lâm Đồng dế kố ai dâng 50 rơpâu ha tơnêi pêi chiâk deăng xúa kơmăi kơmok chal nếo, châ 17% kơxo# tơnêi ki pêi kâ dêi kong pơlê. Tung mê, ai hên chiâk deăng pêi pêt kơchâi krúa le\m châ 500 rơtuh liăn 1 ha, ki maluâ, kơchâi ki pêt tiô troăng klo\ng kơtúa a’ngêi châ sap ing 8 troh 9 rơtal liăn 1 ha 1 hơnăm, reăng châ 1 rơtal 200 rơtuh liăn [ă ki ê hía, ing mê veăng kum mơnhông tơdroăng pê chiâk deăng dêi kong pơlê châ 150 rơtuh liăn 1 ha 1 hơnăm, tâk hên tâng vâ pơchông ngăn [ă riân ngăn tơchuôm tung lâp tơnêi têa. Maluâ ti mê, tiô pôa Phạm S, Kăn pho\ hnê ngăn Vi [an kong pơlê Lâm Đồng tối, tâng séa ngăn mâu tơdroăng ki mung liăn ing kơxo# liăn ăm mung dêi tơnêi têa 100 rơpâu rơtal liăn, mê lâp kong pơlê xuân bu ai 8 khu mơdró kâ bê kơxo# liăn ki vâ ăm mung. Xua ti mê, khu kăn pơkuâ dế tơru\m cheăng [ă Hngêi rak liăn tơnêi têa tăng troăng vâ kum ăm tơdroăng ki ối trâm pá puât kố

Lâm Đồng dế kố ai dâng 50.000ha tơnêi pêi chiâk deăng xúa kơmăi chal nếo

Ai kơxo# liăn ki ăm mung troh 100 rơpâu rơtal liăn ăm tơdroăng pêi chiâk deăng xúa kơmăi kơmok chal nếo, ngin hlo, kố cho ivá ki ó rơdêi [ă tơtro má môi ăm kơxo# liăn vâ khu mơdró ing chiâk deăng xúa kơmăi chal nếo châ mung [ă mơnhông mơdêk. La klêi kơ’nâi châ tơdroăng tối tơbleăng dêi khu mơdró kâ ngin hlo, mâu túa chêh pro hlá mơ-éa, tơdroăng pơkâ [ă tơdroăng ăm mung liăn cho pá ‘nâng, xua mê, mâu khu mơdró kâ dêi kong pơlê Lâm Đồng khoh chiâng trâm hên tơdroăng pá, tá hâi teăm châ mung liăn ki mê. Kong pơlê Lâm Đồng ngin xuân hiăng pêi cheăng [ă khu ngăn ‘na hngêi rak liăn dêi tơnêi têa vâ mơjiâng chiâng mâu túa chêh pro hlá mơ-éa ki mung liăn môi tiah lâi ăm ga tơ’lêi hlâu.

Pôa Trương Quốc Thụ, Kăn pho\ ngăn ‘na Hngêi rak liăn tơnêi têa Việt Nam ki ai tíu pêi cheăng a kong pơlê Lâm Đồng tối ăm ‘nâi, ki hên mâu khu mơdró kơvâ chiâk deăng xúa kơmăi kơmok chal nếo dêi kong pơlê Lâm Đồng ôh tá hâi tơniăn ‘na tơdroăng ăm mung liăn ing kơxo# 100 rơpâu rơtal liăn kố, dế kố bu xiâm châ 150 rơtal liăn. Vâ tơ’lêi hlâu ăm tơdroăng mung liăn pêi chiâk pêi deăng xúa kơmăi kơmok chal nếo, hngêi rak liăn [ă mâu khu râ, kơvâ cheăng dế hriăn ngăn ăm mung liăn ki kok tơnêi tơníu.

A kong pơlê Lâm Đồng mê khu mơdró kâ bu cho khu mơdró kâ ku\n, krâ kơvâ, [ă mâu khu kuăn pơlê tê. La ki xiâm dêi tơdroăng vâ khoh châ mung 100 rơpâu rơtal liăn kố ôh tá xê hlâu. Dế nôkố, Khu ngăn ‘na tơmeăm khoăng tung têa, tơnêi, hyôh kong prâi cho ki xiâm, tơru\m cheăng [ă Hngêi rak liăn tơnêi têa, mâu hngêi rak liăn kum ‘na tê mơdró kâ, Khu hnê ngăn ‘na luât, Khu ngăn ‘na mơdró kâ, cheăng kơmăi vâ tối tơbleăng ăm Vi [an hnê ngăn kong pơlê k^ mơ’no hlá mơ-éa rak vế tơniăn hngêi nhe\ng.

Tâng tơdroăng kố hiăng klêi, drêng hngêi rak liăn lăm séa mơnhên ngăn tơmeăm khoăng, pak^ng tơdroăng ki mơnhên yă mê mơnhên ngăn ‘na yă hngêi nhe\ng, kế tơmeăm ki tâk hên mê kơxo# liăn ki khu mơdró mung kô châ hên’’.

A roh hôp pơkâ ‘na to\ng kum liăn ngân ing Kơxo# liăn ki mơnhông mơdêk dêi khu mơdró kâ ki ku\n [ă krâ kơvâ hiăng châ tơku\m po a khế 4 hdrối nah, pôa Đặng Huy Thông, Ngế xiâm pho\ ngăn ‘na pơkâ [ă mơ’no liăn cheăng, Kăn hnê ngăn Ho#i đông pơkuâ liăn mơnhông mơdêk khu mơdró kâ ku\n [ă krâ kơvâ dêi tơnêi têa xuân tối ăm ‘nâi, tơdroăng séa mơnhên ngăn kế tơmeăm a tơnêi vâ to\ng kum tơ’lêi hlâu ăm khu mơdró kâ châ mung liăn cho hnoăng cheăng ki kal [ă tơtro, Kơxo# liăn ki vâ mơnhông mơdêk khu mơdró kâ ku\n [ă krâ kơvâ kố kô châ thâ tơpui tơno tơdrêng vâ ăm mung tro tiô tơdroăng pơkâ:

Ngin kô tơru\m cheăng [ă Hngêi rak liăn tơnêi têa vâ kơdroh tah lôi túa mung liăn athế kok tơmeăm khoăng. Mâu chiâk deăng mê vâi hiăng ‘no vâ chê chât rơtal liăn tung 1 ha ngăn mê ôh tá xê tơmeăm ki kok, mê á hlo ôh tá tơniăn mê kal athế ‘mâi hơ’lêh túa tơmiât ti mê. {ă tơdroăng ki mung liăn mê, tiô á, ai hên khu mơdró kâ dêi Đà lạt hiăng châ pêi pro tro tiô tơdroăng dêi khu xiâm ki kố, hiăng chiâng khu ngế ki xiâm dêi tơdroăng vâ ăm mung liăn’’.

Pá vâ châ mung liăn ki kơjo 100 rơpâu rơtal liăn dêi Chin phuh

Sap nôkố troh tâi hơnăm 2020 [ă pơkâ tơdroăng cheăng troh a hơnăm 2025, kong pơlê Lâm Đồng mơnhên tối mơnhông mơdêk pêi chiâk pêi deăng xúa kơmăi kơmok chal nếo tiô túa cheăng ki tu\m têk, krá tơniăn [ă tro tiô túa ki nếo. Kơdo mơ-eăm troh a hơnăm 2020 ah, mơnhông tơdroăng pêi lo kế tơmeăm tung môi [ăng tơnêi, kho\m châ 170 rơtuh liăn 1 ha 1 hơnăm, ki kơnâ dêi tơdroăng pêi chiâk deăng xúa kơmăi chal nếo châ sap 35 troh 40% ki kơnâ dêi kế tơmeăm pêi lo ing chiâk deăng.

Xua ti mê, drêng ai trâm pá ‘na liăn ngân ăm mung vâ mơnhông pêi chiâk deăng xúa kơmăi chal nếo châ tơ’lêi hlâu, mê kô re\ng ai tơdroăng ki hơ’lêh hên tung pêi chiâk pêi deăng, mơdêk ki kơnâ [ă ki dâi le\m dêi kế tơmeăm, tơtro [ă tơdroăng ki mơnhông mơdêk pêi cheăng kâ, rêh ối pơlê pơla dêi kong pơlê Lâm Đồng tung pơla tơru\m cheăng [ă lâp luô.

Quang Sáng chêh

Nhat Lisa tơplôu [ă tơbleăng