VOV4.Sêdang - Pôa Phạm S – Pho\ hnê ngăn Vi [an kong pơlê Lâm Đồng nếo pơkuâ hneăng hôp mơnhên ki châ tơ-[rê pêi pro pơkâ pêi mơnhông mơdêk [a\ tơbleăng inâi ‘’Đà Lạt – Chiâng ing tơnêi ki hơpok le\m’’ hneăng hơnăm 2017 – 2020 [a\ tơdroăng tơkêa bro pêi pro hnoăng cheăng hneăng hơnăm 2021 – 2025. Tiô Khu pơkuâ kơmăi kơmok kong pơlê Lâm Đồng, Inâi ‘’Đà Lạt – Chiâng ing tơnêi hơpok le\m’’ to\ng kum châ tơ-[rê [a\ hiăng chiâng inâi ối má môi a Việt Nam [a\ 4 kế tơmeăm khoăng mê cho: Kơchâi drêh, reăng, kơphế Arabica [a\ ôm hyô pêi chiâk deăng.

Vâ pêi pro tơtro mâu pơkâ xiâm, tung la ngiâ, mâu khu râ kơvâ cheăng kal tơku\m thăm pơtâng tối. Mâu khu, kơvâ cheăng kal tơru\m krá tơniăn tung tơdroăng tơleăng pá puât tơvâ tơvân tung tơdroăng mơnhông mơdêk ôm hyô chiâk deăng. Mâu kơvâ cheăng kơmăi kơmok tê mơdró, liăn ngân xuân kal thăm mơ’no liăn cheăng ăm rêm hơnăm [a\ mơdêk kơxo# liăn mơđah tơbleăng ăm mâu tơring.

            A Sa Ly tơplôu [a\ tơbleăng