Lối 6 hơnăm hiăng luâ, chât ngế pêi cheăng dêi Ko\ng ti pêi cheăng tiô rơnó môi tung khu Kimono Japan a pơlê kong kơdrâm Bảo Lộc, kong pơlê Lâm Đồng trâm pá xua ôh tá châ xúa ‘na baoh hiêm tiô pơkâ dêi luât. Ki xiâm xua ko\ng ti kố mơhno\ng oh tá vâ tơmâng, ôh tá vâ nâp baoh hiêm pơlê pơla, baoh hiêm khăm pơlât ăm mơngế ki pêi cheăng.

Tiô pôa Đào Ngọc Thiệp, đoân viên ko\ng đoân dêi ko\ng ti pêi cheăng tiô rơnó Kimono Japan, tô tuăn má môi ‘na tơdroăng ki pơxúa dêi mơngế pêi cheăng a kố hiăng tro djip ton sap ing nah, ngin hiăng pâ thế hên hdroh, la nôkố xuân hâi ai kơ koan khu râ pơkuâ cheăng ki lâi tơmâng veăng tối ăm ngin:

‘’Lối 5 hơnăm ko\ng ti Kimono ôh tá ai nâp baoh hiêm ăm ngin. Ko\ng ti che\n baoh hiêm [ă kơxo# liăn 4 rơtal 200 rơtuh liăn, tung mê hiăng xo ki ngin ai 1 rơtal 200 rơtuh liăn, maluâ ko\ng ti oh tá vâ nâp la xuân ối xo ki ngin rêm khế. ‘Nâi hên to lâi hnoăng ki pơxúa dêi mơngế ki pêi cheăng hiăng tro lo, rêm hdroh ngin lăm khăm oh tá ai baoh hiêm khăm pơlât, ai mâu ngế hiăng péa hdroh ai kuăn la oh tá châ klâi ing kơxo# liăn nâp dêi baoh hiêm. Mê cho mâu tơdroăng ki ngin dế tô tuăn’’.

Pôa Hùynh Tấn Chỉ, Kăn pho\ pơkuâ ngăn {aoh hiêm pơlê pơla kong pơlê Lâm Đồng tối ăm ‘nâi, tơdroăng ki xúa mơngế pêi cheăng a kong pơlê Lâm Đồng ki ôh tá vâ nâp hnoăng liăn, lơ nâp liăn {aoh hiêm khăm pơlât [ă {aoh hiêm ôh tá ai cheăng pêi hiăng ton hơnăm hlo rế hía rế hên. Riân troh a chôu phut kố, lâp kong pơlê ai troh 694 tíu pêi cheăng che\n mâu túa [ao hiêm sap ing 3 khế troh tơngi klêng, tâi tâng kơxo# liăn ai lối 55 rơtal liăn. Athế xúa mâu troăng hơlâ ki vâ pơxâu phak mê nếo tơngah tơdroăng cheăng ga ai chía hơ’lêh tơniăn tâ:

‘’Tung la ngiâ, pá k^ng tơdroăng ki xúa mơngế pêi cheăng ôh tá pêi klêi dêi hnoăng cheăng a ngiâ luât, mê ko\ng nhân [ă khu pơkuâ ngăn Ko\ng đoân athế ai rơkong tơpui ki mơnhên vâ to\ng kum ăm mơngế ki rôe xúa [aoh hiêm pơlê pơla amê. Pak^ng mê nếo, klêi hnê tối, lông mơhnhôk mê xuân kal ai mâu tơdroăng ki pơxâu phak [ă mâu ngế ki xúa mơngế pêi cheăng vâ nâp liăn i tu\m, tơdrêng {aoh hiâm pơlê pơla, ing mê, nếo to\ng kum tơniăn ăm hnoăng cheăng dêi mơngế pêi cheăng’’.

Tiô pôa Trần Ngọc Liêm, Kăn pho\ hnê ngăn Vi [an kong pơlê Lâm Đồng tối, tâi tâng mâu khu ki che\n [aoh hiâm ki hên cho khu mơdró kâ pêi cheăng kâ ối ‘ro. Vâ kring vế tơniăn hnoăng cheăng ăm mơngế pêi cheăng, tung la ngiâ, mâu khu ki ối che\n [aoh hiêm ton hơnăm kố châ kong pơlê pơxâu phak kơtăng tro tiô Luât hiăng pơkâ:

‘’Cho păng ‘nâng a Lâm Đồng troh a chôu phut kố, tơdroăng ki che\n [aoh hiêm pơlê pơla dêi mâu khu pơkuâ cheăng dế trâm hên pá puât, xua vâi pêi cheăng kâ ôh tá châ tơ-[rê. Hơnăm 2018, tơdroăng pơkâ séa ngăn kô thăm châ mơnhông [ă mơdêk ó rơdêi tâ nếo vâ séa mơnhên ngăn ‘na tơdroăng che\n {aoh hiêm pơlê pơla. Thăm nếo, mâu khu ki lâi ki che\n lối hên, lối ton, ôh tá vâ mơdréo che\n hên hdroh kô athế pơxâu phak tro tiô Luât’’.

Quang Sáng chêh

Nhat Lisa tơplôu [ă tơbleăng