VOV4.Sêdang - Ô vâi krâ nho\ o [ă pú hmâ! Mơhé tá 2 rơchôa têa hngêi kơmăi Đồng Nai 2 [ă 3 hiăng mơ’no on tơhrik tung hên hơnăm hiăng hluâ, la troh nôkố, mâu tơdroăng pơxúa ăm kuăn pơlê tung kơpong tơdroăng tơkêa bro xuân tá hâi châ tơmâng ngăn khât. Nốkố xuân ối lối hr^ng rơpo\ng kuăn pơlê, ki hên cho rơpo\ng kuăn pơlê hdroâng kuăn ngo a 2 tơring Di Linh [ă Lâm Hà, kong pơlê Lâm Đồng tá hâi châ xo kơxo# liăn chêl thie#n [ă tơnêi ki pêi klâng chiâk. Drêng rôh hôp má 10, Kuo#k ho#i hneăng má 13, vâi krâ nho\ng o a tíu kố pâ thế re#ng ai troăng hơlâ to\ng kum, pro ai pơxúa ăm kuăn pơlê

Hngêi kơmăi on tơhrik kơtâu [ă xí têa Đồng Nai 2 châ mơjiâng a kroăng Dà Dâng, ối a kơlo hngêi kơmăi on tơhrik má 3 pá kơnho\ng têa kroăng Đồng Nai, ai ivá ki vâ ‘no on tơhrik ai 70 MW, tâi tâng kơxo# liăn ki vâ mơjiâng pro hngêi kơmăi kố lối 3 rơpâu 500 rơtal liăn, xua Ko\ng to tơlo liăn cheăng Hngêi kơmăi on tơhrik Trung Nam pro kăn xiâm mơ’’no liăn mơjiâng pro. Vâ mơjiâng pro hngêi kơmăi kố, khu xiâm ‘no liăn mơjiâng pro athế pơklât chêl thiăn lối 1 rơpâu 100 ha tơmeăm pêt tung klâng chiâk dêi lối 1 rơpâu 200 rơpo\ng, ối tung 8 to cheăm dêi 2 tơring Di Linh [ă Lâm Hà, kong pơlê Lâm Đồng, tung mê, ki hên tâ cho rơpo\ng hdroâng kuăn ngo ki iâ mơngế. Tơdroăng ki vâ tối akố, mơhé tơmeăm khoăng kố hiăng châ xúa on tơhrik, la troh nôkố mâu hnoăng cheăng ki pơxúa dêi kuăn pơlê tung kơpong kố xuân tá hâi teăm châ to\ng kum tơniăn. Pôa Đòan Văn Trung, ối a cheăm Tân Thanh, tơring Lâm Hà, kong pơlê Lâm Đồng pâ thế tiah kố: Hngêi kơmăi on tơhrik Đồng Nai 2 tá hâi teăm chêl thiăn klêi kơxo# liăn dêi vâi krâ-nho\ng o, xiâm nếo chêl ai lối tơdế tê. Tâng vâ tối tơchuôm, ing troăng hơlâ ki chêl thiăn kố, tơdroăng pơkâ pro ga tơ-ê la troh a roh ki vâi chêl thiăn ăm phá tơ-ê. Tiô tơdroăng pơkâ mê yă ki chêl thiăn ki ‘ló ga athế hên tâ ki mê, la drêng chêl thiăn kố, kơxo# liăn ki vâi thiăn mê tá hâi teăm tro tiô tơdroăng hiăng tơhrâ. Cheăm xuân hiăng hôp, pâ thế khu râ kăn kơpêng hên hdrôh, malối, tơpui tơno [ă tơring, [ă mâu khu kăn pơkuâ ‘na tơdroăng cheăng. Pâ thế hiăng hên hdrôh ‘nâng, la troh nôkố xuân tá hâi teăm tiâ tối [ă chêl tu\m ăm kuăn pơlê..

Tung pơla mê, Hngêi kơmăi on tơhrik Đồng Nai 3 ối a kơlo pơtối pá hdrôh têa kroăng xuân môi tiah mê há. Mơhé hngêi kơmăi on tơhrik kố hiăng mơjiâng klêi [ă hiăng ‘no on tơhrik kơtăn kố ai 5 hơnăm, la troh a chôu phut kố lối 100 rơpo\ng hdroâng kuăn ngo tung kơpong kố, ki ối tung cheăm Đinh Trang Thượng, tơring Di Linh, kong pơlê Lâm Đồng xuân tá hâi teăm chêl thiăn tu\m kơxo# liăn, hmâ tá tơnêi ki tối tơhrâ vâ xing xoăng ăm kuăn pơlê pro pơlê nếo xuân tá hâi teăm ai.

Pôa K’Brền, ối a thôn 4, cheăm Đinh Trang Thượng, tối ăm ‘nâi: Xua tá hâi teăm châ xo tơnêi ki vâ pro pơlê nếo mê tơdroăng rêh kâ ối dêi kuăn pơlê akố ối trâm hên tơdroăng pá puât, athế lăm tăng pêi cheăng vâi lâp lu vâ khoh rêh kâ ối pơtân hâi kố hâi tá. Hmâ tung kơpong tơnêi deăng ki rơdâ 40 ha kơphế, prá alâi [ă hngêi ối dêi kuăn pơlê xuân hiăng tro têa lân, khu pơkuâ ngăn ‘na mơjiâng pro hngêi kơmăi xuân tá hâi teăm chêl ki klâi ăm kuăn pơlê. Ôh tá ai tơnêi pêi kâ, ôh tá ai tơdroăng cheăng pêi mê lối chât rơpo\ng hiăng vêh kơtiê nếo, kuăn ‘ne\ng, cháu chái athế lôi hriâm. Pôa K’Brền pâ thế Kuo#k ho#i kal athế ai troăng hơlâ ki rơdêi vâ kum ‘na tơdroăng mê: Ngin pâ thế Kuo#k ho#i pro ti lâi re\ng séa mơnhên ngăn ‘na tơdroăng kố, vâ ‘nâi nhên ki lối pro pá ó tiah kố, [ă re\ng to\ng kum kuăn pơlê rế re\ng rế tro ‘na tơdroăng chêl thiăn liăn drêng mơjiâng hngêi kơmăi ‘no on tơhrik Đồng Nai vâ kuăn pơlê tơniăn tuăn. Tâng ôh tá châ to\ng kum tơdrêng mê vâi krâ, nho\ng o kô lăm kếo loăng muih kong, drêng mê ah kô pro xôi luât. Vâi krâ-nho\ng o kal athế ai tơnêi vâ pêi cheăng lâ mê nếo tơniăn. Tâng vâi ôh tá châ xing xoăng tơnêi vâ pro pơlê nếo bu chêl ăm to liăn mê kuăn pơlê kô ôh tá ai tơnêi vâ pêi kâ, athế lăm tăng pêi cheăng vâ, pêi cheăng vâi đi đo tiah kố tiah lâi ah nếo kâi châ hluăn ing tơdroăng koklêa, kơtiê xơpá.

Drêng hlo ai tơdroăng ki tô tuăn dêi kuăn pơlê xua ing tơdroăng ki tơtro păng ‘nâng vâ vâi ki mê hiăng ôh tá châ khu râ kăn pơkuâ tơdroăng cheăng dêi kong pơlê to\ng kum, ngăn khât, pôa Nguyễn Bá Thuyền-Kăn pho\ pơkuâ ngăn khu kăn Kuo#k ho#i dêi kong pơlê Lâm Đồng tối ăm ‘nâi, khu kố kôm veăng tơpui tối vâ i nhên ‘na tơdroăng kố, malối, pơtroh rơkong tơpui troh a mâu khu cheăng ki ai tơdjâk, khu ‘no liăn mơjiâng hngêi kơmăi on tơhrik vâ re\ng chêl thiăn liăn ăm kuăn pơlê. Pôa Nguuyễn Bá Thuyền tối: Kơxo# tơnêi chiâk deăng ki tro têa lân lu tơ’nôm dâng 100 rơpo\ng, vâi tối, hiăng 5 hơnăm kố vâi rêh ối pá puât la xuân tá hâi teăm vâ chêl thiăn, ôh tá hâi hlo xing xoăng tơnêi pro pơlê nếo, hngêi ối, xua mê, kuăn pơlê hêng hôu ‘nâng, tơdroăng ki kố ngin athế tơmâng ngăn vâ ai troăng hơlâ to\ng kum. A Hngêi kơmăi on tơhrik Đồng Nai 2 mê nôkố vâi krâ nho\ng o xuân ối tô tuăn xua a poăng tối thế chêl thiăn 380 rơtuh tung 1 ha tơnêi chiâk deăng, la vâi tối kô kl^ng kơdât péa mơ’no têa ki pro lân klâng chiâk dêi kuăn pơlê ‘nôi, mê nếo chêl liăn ăm ki kuăn pơlê. Kơ’nâi mê, khu ki pơkuâ ngăn ‘na mơjiâng hngêi kơmăi mê hjip kuăn pơlê, tối bu chêl dâng 80 rơtuh liăn 1 ha, xua mê kuăn pơlê khoh chiâng hêng hôu. Tơdroăng kố tâng xuân tá hâi teăm vâ chêl thiăn liăn ăm kuăn pơlê, ngin kô tối pơtroh a hneăng hôp dêi Kuo#k ho#i.

Nhat Lisa tơplôu [ă tơbleăng