VOV4.Sêdang - Ia R’vê cho cheăm tơkăng kong ki xơpá dêi tơring tơkăng kong Ea Súp, kong pơlê Dak Lak. Cheăm ai 14 thôn [ă 22 hdroâng kuăn ngo rêh ối, cheăng kâ. Kuăn pơlê ki hên sap ing kong pơlê ki ê tung lâp tơnêi têa troh rêh ối, cheăng kâ xuân ối ai hên tơdroăng xơpá [ă kơxo# rơpo\ng kơtiê châ lối tơdế, kơxo# mâu ngế ki ôh tá ‘nâi chư xuân ối hên. Mâu hơnăm hdrối nah, mố đo#i gâk tơkăng kong hiăng chiâng mâu thái cô ki hnê chư ăm vâi krâ nho\ng o a tíu kố.

{a\ tơdroăng mơ-eăm kum kuăn pơlê mơdêk ki hlê ple\ng, mâu hơnăm hiăng hluâ, kăn [o#, mô đo#i Đông gâk tíu tơkăng kong Ia Rvê, Mô đo#i gâk kring tíu tơkăng kong Dak Lak hiăng tơku\m po hên lâm hnê chư ăm mâu ngế ki ôh tá ‘nâi chư. Nếo achê kố, a khế 6/2020, Đông mô đo#i gak kring tíu tơkăng kong Ia Rvê [a\ Hngêi trung râ má môi – Hngêi trung râ má péa Chu Văn An pơtối po lâm hnê chư ăm kuăn pơlê ki ôh tá ‘nâi chư tung cheăm.

Lâm hriâm châ tơku\m po a mâu roh kơmăng tung măng t^ng, xua môi ngế kăn [o#, mô đo#i gak kring tíu tơkăng kong [a\ thái, cô Hngêi trung râ má môi – râ má péa Chu Văn An lăm hnê chư ăm kuăn pơlê ki ôh tá ‘nâi chư.

Lâm hriâm ai 19 ngế, ki hên cho vâi kơdrâi, mâu ngế hơnăm hiăng krâ hơnăm kố xuân hiăng luâ 60 hơnăm, ngế iâ hơnăm má môi cho 30 hơnăm. Cho ngế hên hơnăm má môi tung lâm, jâ Lữ Thị Sáng tối: ‘’Hdrối nah, nôu pâ ôh tá ai liăn pá puât, ôh tá châ vâ lăm hriâm, nôkố hlo mô đo#i kring gak tíu tơkăng kong [a\ thái cô troh a hngêi mơhnhôk klêi mê po lâm hnê chư xua mê á k^ tơdrêng hlối.

Jâ Lữ Thị Sáng châ thái hnê mơhno pơchuât chư

Á vâ lăm hriâm vâ djâ troăng ăm kuăn cháu [a\ vâ ‘nâi chư, rêm roh lăm khăm pơlât chiâng vâ pơchuât chư tối ‘na tơdroăng ivá dêi tơná drêng [ok thái pơkeăng chêh á mơ-éa khăm pơlât, ôh tá kơnôm mơngế ki ê pơchuât ăm xếo’’. Hiăng hên hơnăm laga jâ Sáng cho môi tung mâu hok tro ki kơhnâ má môi tung lâm, troh nôkố klêi kơ’nâi vâ chê 5 khế hriâm jâ hiăng chiâng pơchuât, chiâng chêh [a\ chiâng tinh toăn.

{a\ nâ Hoàng Mùi Lan, ối a thôn 14, cheăm Ia Rvê xiâm kối vâ nâ troh lâm hriâm chư cho ing mâu ngế nho\ng o tung kơtâu. Nâ tối: ‘’Hlo mâu ngế nho\ng o tung kơtâu hdrối nah xuân môi tiah dêi tơná ôh tá chiâng pơchuât, ôh tá chiâng chêh laga klêi kơ’nâi hriâm lâm hnê ăm mâu ngế ôh tá ‘nâi chư, bố bố xuân chiâng pơchuât [a\ chiâng chêh rơkê, hiăng ai hên ngế mơnhông mơdêk cheăng kâ kơnôm hriâm chư dêi mô đo#i, xua mê á pơkâ lăm hriâm hlối’’.

Tung cheăm tíu tơkăng kong Ia Rvê, tơring Ea Súp, kong pơlê Dak Lak hiăng ai hên rơpo\ng mơnhông mơdêk cheăng kâ châ tơ-[rê tâ sap ing ‘nâi chư chêh, môi tiah pôa Hà Công Thức, ối a thôn 13. Tiô rơkong pôa Thức, rơpo\ng pêi chiâk deăng, ki hên cho păn mơnăn mơnôa [a\ pêt kế tơmeăm khoăng, hdrối nah xua pôa ôh tá chiâng pơchuât chư, ôh tá chiâng chêh, ai drêng mơnăn păn tro pơrea\ng bu ‘nâi pơlât [a\ troăng lo a tíu pơkeăng rôe, hơ’lâk pơkeăng tiô tơná nhôm tê xua ôh tá chiâng pơchuât chư hnê mơhno a kơdôu lơ kơbố ‘lo hnê mơhno mê pêi tiô, ôh tá ‘nâi hôm châ tơ-[rê lơ ôh.

Môi roh hriâm dêi lâm hnê chư ăm mâu ngế ôh tá ‘nâi chư a cheăm Ia Rvê

Kơxop mơ-éa hnê mơhno păn mơnăn mơnôa, pêt tơmeăm khoăng xua Khu pơkuâ kuăn pơlê pêi chiâk deăng cheăm xoăng ăm bu ‘nâi lôi to amê. Sap ing hriâm lâm hnê chư ăm mâu ngế ôh tá ‘nâi chư xua mô đo#i kring vế tíu tơkăng kong tơku\m po, pôa Thức tâ môi tiah ‘’bâ eăng’’ tâ. Pôa hbrâ tăng pơchuât kơxop mơ-éa hlá tơbeăng, mơ-éa hnê păn mơnăn mơnôa, ‘nâi troăng hbrâ mơdât pơrea\ng ing hơngế ăm mơnăn păn [a\ loăng plâi, chiâng pơchuât tơdroăng hnê mơhno xúa dêi mâu pơkeăng rak vế hdrê kơchâi plâi pôm, tơdroăng tinh liăn hâi pêi cheăng xuân tơ’lêi hlâu tâ hdrối nah.

Kơnôm ‘nâi xúa tro kih thuât, troăng rak ngăn loăng plâi, mơnăn păn, túa pêi cheăng kâ dêi rơpo\ng pôa châ tơ-[rê hên tâ. Rêm hơnăm, klêi kơ’nâi tinh tâi tâng kơxo# liăn mơ’no rak ngăn, rơpo\ng pôa Thức ối kơd^ng châ lối 50 rơtuh liăn.

Môi tiah mê há, nâ Hoàng Thị Yến, ối a thôn 13, klêi kơ’nâi chiâng pơchuât, chiâng chêh hiăng khên tơnôu pêi pro tơdroăng ki pói vâ sap ing nah cho po tíu tê tơmeăm khoăng vâ tê mơdró, mơnhông mơdêk cheăng kâ dêi rơpo\ng. ‘Nâi chư, chiâng t^nh tơmeăm, tơdroăng tê mơdró [a\ nâ tơ’lêi hlâu tâ, tơdroăng chêh tối tơmeăm khoăng, t^nh tơdroăng ki che\n ôh tá pá xếo.

Lơ môi tiah ngoh Bàn Sàng Cán, ối a thôn 14, ki pơxúa kân má môi dêi tơdroăng ‘nâi chư cho nôkố drêng kế tơmeăm khoăng xúa tung hngêi tro tơ’nhê ngoh chiâng rơnêu xêh [a\ troăng pơchuât mơ-éa hnê xúa [a\ rơnêu dêi khu ki mơjiâng pro lơ mot tung măng internet vâ hriâm troăng rơnêu, ôh tá djâ a tíu nếo tơmeăm môi tiah hdrối nah xếo.

Tung mâu hơnăm hiăng hluâ, Đông mô đo#i gâk kring tíu tơkăng kong Ia Rvê, ối tung Khu xiâm pơkuâ Mô đo#i gak kring tíu tơkăng kong Dak Lak hiăng tơru\m po 4 lâm hnê chư ăm lối 150 ngế tung pơlê. Mơgêi hneăng hriâm, tâi tâng mâu ngế hriâm pơrá chiâng pơchuât, chiâng chêh, chiâng t^nh mâu tơdroăng ki tơ’lêi hlâu. Ing mâu lâm hriâm, mô đo#i gak kring tíu tơkăng kong xuân hnê mơhno vâi krâ pêi pro troăng mơdêk cheăng kâ, xăm kơklêa kơdroh kơtiê.

            Hlá tơbeăng Dak Lak

A Sa Ly tơplôu [a\ tơbleăng