VOV4.Sêdang - Pêi pro tiô tơdroăng to\ng kum rơpo\ng hdroâng kuăn ngo kơtiê xahpá châ mung liăn tiô pơkâ 54 dêi Ngế pro xiâm hnê ngăn Chin phuh, sap hơnăm 2012 troh nôkố, tơring Dak Glong, kong pơlê Dak Nông hiăng hnê tối, ăm mung vâ to\ng kum hdroâng kuăn ngo mơnhông pêi chiâk pêi deăng. La tiô tơdroăng séa ngăn nếo achê kố dêi Ho#i đông hnê ngăn kuăn pơlê Dak Nông, bú ai lối 4% kơxo# rơpo\ng hdroâng kuăn ngo kơtiê xahpá châ mung kơxo# liăn mê. Kơxo# rơpo\ng châ mung kơxo# liăn to\ng kum hâi ai pơxúa păng ‘nâng tung mưonhông cheăng kâ rêh ối tung rơpo\ng hngêi.

Hơnăm 2013, cheăm Dak Som, tơring Dak Glong, kong pơlê Dak Nông bú ai 13 rơpo\ng kuăn pơlê tung tâi tâng 286 rơpo\ng hdroâng kuăn ngo kơtiê xahpá châ mung liăn tiô pơkâ 54 dêi Ngế pro xiâm hnê ngăn Chin phuh. Troh hơnăm 2014, cheăm Dak Som séa ngăn châ mơnhên tơ’nôm 22 rơpo\ng kuăn ngo kơtiê xahpá la ôh tá ai rơpo\ng ki lâi châ mung liăn tiô pơkâ to\ng kum kố. Ngoh K’Pă, ôi a pơlê K’Som, cheăm Dak Som cho môi tung 13 rơpo\ng châ mung liăn ăm ‘nâi: Tơnêi têa to\ng kum kodroh liăn liah. La kơxo# liăn mung iâ luâ râ, bu 5 rơtuh liăn mê ôh tá bê vâ ‘no liăn păn ro lơ pêi mâu tơdroăng cheăng kâ ki ê. Kơxo# liăn mê bu bê rôe phon rơvât rak ngăn kơphê. Ngoh K’Pă , ôi a pơlê K’som, cheăm Dak Som tối: Mung bú vâ rôe mâu tơmeăm ki xúa tung hngêi [ă rôe phon rơvât loăng kơphế tơpá ‘nâng.

Tơdroăng pêi pro tiô tơdroăng ăm mung tiô pơkâ 54 a cheăm Quảng khê, tơring Dak Glong xuân pêi pro môi tiah. Troh nôkố, lâp tung cheăm Quảng Khê bú ai 52 tung tâi tâng 310 rơpo\ng kuăn pơlê kơtiê xahpá châ mung liăn ki to\ng kum kố. Pôa K’Bê, ối a pơlê K’nul, cheăm Quảng Khê, tơring Dak Glong ăm ‘nâi: liăn mung iâ lối râ bú rôe to phái tê, klêi mê hiăng troh hơnăm pơkâ mơdrếo ôh tá ai liăn mơdrếo tơvêh ăm hngêi rak liăn: A mung hiăng ton, cho 5 rơtuh, nôkố hiăng tâi. Liăn ki mê nôkố a rôe ki klâi ôh tá ‘nâi, rôe phon ôh tá ‘nâi, ôh tá ‘nâi rôe ki klâi la tâi. Nôkố rôe phái kâ tê. Tơnêi têa ăm mung pá ‘nâng. Hdrối nah cho 5 hơnăm, nôkố ôh tá ai liăn tơvêh.

            Tiô Khu [urô hngêi rak liăn to\ng kum mâu kơtiê tơring Dak Glong ăm ‘nâi, lâp tung tơring ai lối 1 rơpâu 400 rơpo\ng kuăn ngo kơtiê xahpá, la bú ai vâ chê 100 rơpo\ng mung liăn ki kơdroh kơxo# liăn laih kố.Tung kơxo# ki mê, hiăng ai 5 rơpo\ng che#n hluâ khế hơnăm pơkâ [ă 2 rơpo\ng hiăng châ ối tíu ê ôh tá châ xo tơvêh liăn che#n. Pôa Huỳnh Quang Dung, Kăn pơkuâ [ơrô hngêi rak liăn ăm ‘nâi: Kuăn pơlê kal vâ mung liăn hên la kơxo# liăn ôh tá bê. Sap hơnăm 2012 troh nôkố, tơring hâi x^ng xoăng tơ’nôm liăn bú ăm ngế ki kố hdrối klêi mê, ngế ki tá ah troh tơná nếo kơxo# liăn mê lối 2 rơtal liăn, mê ôh tá tơ-[rê. Pôa Huỳnh Quang Dung tối: Kơxo# liăn ôh tá to xua 2 rơpâu 192 rơtuh ing tơdroăng pơkâ 32 hiăng klêi ngin xo rêm hơnăm. Ngin châ xo to lâi mê ngin tơvêh ăm hngêi rak liăn to mê. Mơ’nui, sap hơnăm 2012 troh nôkố hâi ai hơnăm ki lâi mơ’nui hơnăm ngin tơku\m ‘măn lôi kơxo# liăn. Tơkéa vâ tối tung apoăng ôh tá xo tơvêh liăn, la troh mơ’nui hơnăm ngin xo tơvêh dêi tâi. Kơxo# mơngế kal vâ mung hên, môi tiah hơnăm 2015 ai lối 1 rơpâu rơpo\ng la liăn kố ôh tá bê.

Dak Glong cho tơring ai hên kơxo# rơpo\ng kơtiê tung hdroâng kuăn ngo hên má môi a Dak Nông. Pôa Vũ Văn Hà, kăn pho\ hnê ngăn Vi[an tơring Dak Glong tối tiah kố, kơxo# liăn chin phuh to\ng kum ăm vâi krâ nho\ng o mung cho kal ‘nâng [ă ai pơxúa kân. La liăn vâ ăm mung iâ luâ râ, [ă rêm rơpo\ng châ mung liăn iâ mê ki pơxúa gá ôh tá ‘nho hên, chiâng ôh tá pơxúa: Kơlo mung môi tiah lâi ga iâ [ă [ă ôh tá tơtro [ă kơpong Tây Nguyên a tơring Dak Glong. Malối cho kơpong hdrông kuăn ngo dế hriăn vâ pêi tơdroăng ‘no liăn pêt loăng plâi ton hơnăm ki hên cho pêt kơphế kơlo mung môi tiah mê ôh tá bê vâ pơtối pêi pêt, ôh tá bê vâ to\ng kum mơdêk ki pơxúa tơ-[rê tung pêi cheăng.

Vâ tơkâ hluâ tơdroăng kố, Tiô Khu kăn séa ngăn dêi Ho#i đông hnê ngăn kuăn pơlê dêi kong pơlê Dak Nông, kong pơlê kô pêi pro nhên tơdroăng pơkâ x^ng xoăng liăn cheăng tơtro. La khu râ kăn, khu grup kong pơlê [ă kơvâ cheăng ai tơdjâk troh kal pơtối mơdêk hnê tối vâ kuăn pơlê hdrôang kuăn ngo mơdêk ki mơ-eăm hriăn pêi, pơkâ troăng rơhlâ pêi tơtro vâ xúa kơxo# liăn ai pơxúa. 

Gương tơplôu [ă pơchuât