VOV4.Sêdang - Ô vâi krâ nho\ng o [a\ pú hmâ! Pơtối tơbleăng tối tơdroăng ki xiâm tung Luât on veăng [ă rơpo\ng hngêi hnăm 2014 hiăng châ Kuo#k ho#i hneăng má 13 tối tơbleăng a roh hôp má 7 hâi lơ 19 khế 6 hnăm 2016, hâi kố, ngin kô tơbleăng tối mâu tơdroăng pơkâ tung Luât on veăng [ă rơpo\ng hngêi hnăm 2014 ‘na tơdroăng tơlôi ong mé, pó vâi krâ nho\ng o kôm tơmâng.

Luât má 51 dêi Luât on veăng [ă rơpo\ng hngêi pơkâ thế tơleăng ‘na tơdroăng tơlôi on veăng tiah a kơ’nâi kố:

-Kơdrâi, kơnốu, lơ tá prế péa ngế ki tơnăng thế Hngêi tơleăng pro tơleăng drêng prế vâ tơlôi dêi pó.

-Nôu, pâ lơ mơngế ối tung hngêi chiâng phêp thế Hngêi tơleăng bro tơleăng tơdroăng tơlôi drêng môi pâ lơ peăng kơdrâi, lơ peăng tro kôk, rơxok lơ tro mâu tơdroăng châi tamo ki ê, tuăn ngôa, hiâm mơno ôh tá tơleăng, ôh tá ‘nâi dêi tơná pro ki klâi, tơdrêng amê, ai tơdroăng tơxiăn tơpâm tung on veăng xua peăng ngế kơnốu, lơ peăng ngế kơdrâi ki pro chiâng ‘mêi troh ivá châ chăn, hiâm tuăn mơngế ki tro pro ‘mêi.

-Kơnốu ôh tá chiâng pâ thế tơlôi tung pơla kơdrâi dế tơpá, mơhum kuăn ‘ne#ng lơ dế păn roăng kuăn pá xuâp 12 khế.

Klêi kơ’nâi hiăng séa ngăn hlá đơn pâ thế tơlôi, Hngêi tơleăng athế tơleăng tro tiu pơkâ dêi luât ‘na săm tối tơdroăng xôi dêi kơvâ xivil. ‘Na tơdroăng tơleăng a pơlê cheăm ahdrối vâ tơlôi, tiu luât tơnêi têa hiăng pơkâ: Tơnêi têa [ă pơlê pơla ăm phêp, thế pơlê cheăm tơleăng drêng ngế kơdrâi, lơ kơnốu ai pâ thế. Tơdroăng tơleăng athế châ pro tiu tơdroăng pơkâ dêi luât tơleăng a pơlê cheăm.

‘Na mâu tơdroăng tơleăng ‘na tơlôi, Luât tơnêi têa ai pơkâ:

-Hngêi tơleăng kô séa ngăn hlá đơn pâ thế tơlôi tiu pơkâ dêi Luât ‘na săm tối tơdroăng xôi kơvâ xivil.

-Tâng hdrối nah on veăng ki mê ôh tá bro ph^u mơnhên on veăng, ôh ta ai hlá mơ-éa pơko\ng, la tâng ai mơngế pâ thế tơleăng tơdroăng vâ tơlôi on veăng mê Hngêi tơleăng kô séa ngăn [ă tối tơbleăng ăm prế ki mê ‘nâi nhên, sap ing hâi ki mê, prế ôh ti xê môi on veăng; tâng ai tơdroăng thế tơleăng ‘na xing xoăng păn roăng-rak ngăn kuăn ‘ne#ng [ă xing xoăng kế tơmeăm, mê athế séa ngăn, tơleăng tro tiu pơkâ dêi luât ‘na kế tơmeăm.

-Tung pơla peăng ngế kơdrâi, peăng ngế kơnốu ki vâ tơlôi, klêi kơ’nâi séa ngăn tâng hlo péa pâ kal vâ tơlôi khât [ă hiăng vâ môi tuăn ‘na xing xoăng kế tơmeăm, tơdroăng păn roăng, rak ngăn, hnê tối kuăn ‘ne#ng athế rak vế tơniăn hnoăng cheăng ki kal ăm peăng ngế kơdrâi [ă kuăn ‘ne#ng, mê hngêi tơleăng kô ăm phêp prế tơlôi dêi pó; tâng péa pâ ôh tá vâ môi tuăn, lơ mơhé vâ môi tuăn la hlo ôh tá tơniăn ăm peăng ngế kơdrâi [ă kuăn ‘ne#ng mê Hngêi tơleăng athế tơleăng tơdroăng ki vâ tơlôi mê.

-Drêng kơdrâi lơ kơnốu pâ thế tơlôi la klêi kơ’nâi tơleăng a Hngêi tơleăng ôh tá kâi klêi, hngêi tơleăng ăm phêp prế tơlôi dêi pó tâng lơ châ ‘nâi nhên ‘na kơdrâi, kơnốu ai xiăn pâm mơngế tung on veăng, rơpo\ng hngêi, lơ ai xôi kân troh hnoăng cheăng, tơdroăng rêh kâ ối dêi peăng ngế kơdrâi, lơ peăng ngế kơnốu, pro on veăng chiâng pá puât, xâo rơ-iu, ôh tá chiâng rêh ối tơjuôm dêi pó, hiâm mơno púi châ rêh ối hơniâp ro [ă dêi pó ôh tá ai rơhéa klâi.

-Hngêi tơleăng hiăng tơleăng thế prế tơlôi dêi pó, athế pơtroh hlá mơ-éa tơleăng, hlá mơ-éa ki tơlôi ki hiăng xêt tiu luât pơtrôh ăm kơ koan ki chêh bro hlá mơ-éa pơko\ng vâ chêh tơ’mot tung hlá mơ-éa on veăng, rơpo\ng hngêi; mâu ngế, kơ koan, khu pơkuâ cheăng ki ê athế pêi pro tro tơdroăng pơkâ dêi Luât xiâm ‘na săm tối [ă mâu luât ai tơdjâk ki ê.

Luât xiâm [ă rêh kâ ối troh akố hiăng tâi.

Nhat Lisa tơplôu, Gương pơchuât