Klêi kơ’nâi pơkâ kơxo# 16 dêi Ngế pro xiâm hnê ngăn Chin phuh, pơkâ dêi Kăn hnê ngăn Đảng kong pơlê Đồng Tháp hiăng ai pơtroh hlá mơ-éa tơdrêng ăm mâu kăn Đảng tơring, mâu kăn Đảng pơlê kong krâm, kong kơdrâm ... ‘na tơdroăng mơdêk hnoăng cheăng hbrâ mơdât pơreăng Covid-19. Ing mê, tối thế rêm râ Đảng, khu tơru\m cheăng Đảng tơku\m hnê mơhno pêi pro mâu tơdroăng hbrâ mơdât pơreăng tiô tơdroăng hbrâ rơnáu, pôi tá ăm kơdrâ. Tung mê, malối pâ pơtê ‘nôi hneăng hôp kân Đảng rêm râ, tá Hneăng hôp kân ki mơnúa ta troh drêng ai hnê mơhno ki nếo.

Pôa Phan Văn Thắng, Ngế xiâm khu kăn Đảng kong pơlê Đồng Tháp tối ăm ‘nâi: drêng pơreăng Covid-19 kâi châ mơdât, ôh tá nhôm tơ’lêi tâ tú, kong pơlê kô tơku\m po hneăng hôp kân tiô pơkâ tơchoâm:

‘’Tung pơla tơkôm hnê mơhno nếo dêi Khu kăn tíu xiâm Đảng me Đồng Tháp kô po hneăng hôp kân tiô tơdroăng pơkâ hnê mơhno kơxo# 35. Pơreăng Covid-19 xuân tơdjâk troh mâu tơdroăng cheăng hbrâ dêi kong pơlê Đồng Tháp hiăng pêi pro tro. Mơhé Đồng Tháp ôh tá xê tung 12 to kong pơlê, pơlê kong kân ki tơ’lêi tâ tú’’, la tung khu kong pơlê ki tơ’lêi tâ tú’’ mê nôkố Khu kăn Đảng kong pơlê dế tơkôm hnê tối ing tíu xiâm  tơnêi têa’’.

Cho 1 tung khu 12 to kong pơlê, pơlê kong kơdrâm  ki ‘’tơ’lêi tâ tú hên’’, kong pơlê Hà Tĩnh dế pêi pro mâu troăng hơlâ ăm tơtro [ă tơdroăng hbrâ mơdât pơreăng Covid-19, pơtối pêi kơtăng klâ kuăn pơlê ối hơngế tiô tơdroăng pơkâ kơxo# 16 dêi Ngế pro xiâm hnê ngăn Chin phuh. Pôa Nguyễn Minh Đức, Kăn pho\ khu kăn Đảng kong pơlê Hà Tĩnh tối tiah kố: Tơdroăng pơtối klâ ối hơngế pơlê pơla tơdjâk troh tơdroăng po hneăng hôp tiô pơkâ kơxo# 35 dêi khu xiâm kal kí, tung pơla mê, Hà Tĩnh hiăng thế pơtê mâu hneăng hôp ki ôh tá kal.

Vâ rak tơniăn ăm tơdroăng po hneăng hôp kân Đảng rêm râ, Hà Tĩnh tơku\m po mâu hneăng hôp tơdrêng, rak tơniăn tiô pơkâ 20 ngế hôp tung 1 veăng [ă thế ối hơngế dêi rơpó 2m. Hên hneăng hôp ai klâ chiâng mâu tíu hôp lơ klâ hên rôh hôp vâ tơniăn tiô pơkâ:

‘’Tơdroăng pơkâ kơ’nâi lơ 1/5 mê hâi ai hơ’leh. La tung tơdroăng pơkâ sap lơ1/4 troh lơ 30/4 Hà T&ĩnh pêi pro tiô tơdroăng pơkâ dêi Ngế pro xiâm hnê ngăn tơnêi têa, mâu tơdroăng thế po hâi ki kơ’nâi ah nếo. Pơtih môi tiah tơdroăng vâ po hneăng hôp dêi mâu tíu, tơdroăng cheăng hbrâ mơngế xuân thế pơtê ‘nôi po hâi ki kơ’nâi ah nếo vâ tơniăn ‘na tơdroăng mơdât pơreăng.

Laga, [ă tơdroăng hnê mơhno kơtăng dêi Khu kăn mê hlo khât châ tơniăn iâ. Pak^ng pêi pro tiô tơdroăng hnê mơhno dêi Ngế pro xiâm hnê ngăn tơnêi têa, Hà Tĩnh ai mâu tơdroăng hriăn ple\ng tung pơkuâ hnê djâ mê cho tơku\m po hneăng hôp tơdrêng, klâ mâu veăng hôp pơrá phá vâ tơniăn kơxo# mơngế ối hơngế dêi rơpó tiô luât hiăng pơkâ’’.

A mâu kong pơlê ki ê cho Hải Dương xuân dế kơhnâ pêi pro tơdroăng hbrâ mơdât pơreăng, hlối ‘mâi hơ’leh ăm tơtro [ă tơdroăng pơreăng tâ tú. Kong pơlê Hải Dương ăm séa ngăn [ă hnê mơhno ‘na hâi khế po hneăng hôp, rah chêh xo to tơdroăng ki kal khât vâ mâu kăn veăng hôp hneăng hôp kân mơdoh chôu tơmâng [ă tí tăng ‘nâi ple\ng tơchoâm mâu tơdroăng tối tơbleăng tiô pơkâ kơxo# 35 dêi Khu xiâm kal kí.

Tơdroăng hneăng hôp kân xuân kơdroh ‘nâng ‘nâi mâu tơdroăng ki chêh, kơ-êng hâi lêh. Ki ôh tá tơtro [ă tơdroăng nôkố. Pôa Nguyễn Mạnh Hùng, ngế cheăng tung tíu xiâm Đảng, Kăn hnê ngăn Đảng kong pơlê Hải Dương ăm ‘nâi:

‘’Hmâ hlo mâu hneăng hôp hdrối nah mê xuân ai khu kăn ngăn vâi hdrêng lơ teăng mâ mâu khu râ tung kuăn pơlê. Tơdroăng mê, Hải Dương tối ôh tá pêi pro. Má péa nếo, tiô tơdroăng mê hmâ hlo hdrối hneăng hôp kân mâu kăn troh lăm pleăng hv^ng reăng, pôu ngăn um meăn chêh inâi mâu ngế hlâ ai hnoăng tơnêi têa, ngin kô lăm pôu ngăn chôu nhang pleăng reăng la mâu kăn ki prôk lăm pôu ngăn mê bú iâ tê. Vâ tối to mâu kăn xiâm hnê ngăn, mâu kăn xiâm pơkuâ djâ khu [ă mâu ngế ki ê, kơxo# ki lăm ngăn iâ ngế.

Má pái nếo, cho tung tơdroăng po hneăng hôp ai hnoăng cheăng vâ tơpui tơno tiô tung hlá mơ-éa dêi Tíu xiâm [ă hlá mơ-éa ki pơtroh tơdrăng, râ kơpêng ăm tơdrêng, ngin xuân hnê mơhno tơku\m tí tăng ngăn nhên vâ hlê dêi rêm ngế kăn ki veăng hôp’’.

Tơdroăng ‘mâi hơ’leh hneăng hôp Đảng ăm tơtro [ă tơdroăng dế ai pơreăng tâ tú nôkố cho kal khât. Laga, tung pơla pơtê hneăng hôp, xuân mâu tơdroăng cheăng ki hbrâ môi tiah: hlá mơ-éa vâ tối tơbleăng kal kí, ‘na mơngế, tơdroăng veăng hnê tối tung hlá mơ-éa, tơdroăng tơpui pơkâ mơnhông cheăng kâ-rêh ối ... Mâu kong pơlê xuân thế hbrâ rơnáu nhên hdrối, vâ drêng hiăng tâi pơreăng ah, kô po hneăng hôp, vâ tơniăn pêi pro tro tiô tơdroăng hiăng pơkâ.

Pho\ yăo sư, tie#n sih Bùi Đình Phong, Học viện Chính trị Kuo#k ya Hồ Chí Minh tối nhên: tung pơla dế ai pơreăng xuân thế ai hâi chôu tơpui tơno nhên mâu tơdroăng tung hlá mơ-éa [ă ‘na mơngế. Tâng ‘nâi hriăn ple\ng la chêh ‘nâng ‘nâi 2 tơdroăng kal mê pôi tá pro:

‘’Ôh tá xê nôkố, tá drêng hdrối kô ai pơkâ tơdroăng kơxo# 16 dêi Ngế pro xiâm hnê ngăn tơnêi têa, mâu tíu ki ‘nâ hiăng po hneăng hôp mơnúa xuân hiăng hriăn ple\ng ki nếo . A tơmiât thế xúa ki hriăn ple\ng tung pơla mâu tơdroăng ăm phêp tiah mê cho ki kal. Mâu kăn troh lăm pleăng reăng chôu nhang a ilâng kiâ, hmâ hlo mơnê nhuo#m, la tung pơla kố ôh tá kal pro. Mâu tơdroăng ki lâi lơ tơdjâk troh ki tơ-[rê dêi hneăng hôp pôi tá pro, tâng mâu tơdroăng ki lâi ki kal kho\m thế pro mê mâu kăn ki hôp thế pêi pro’’.

Tơdroăng ‘mâi hơ’leh hneăng hôp Đảng [o# rêm râ ăm tơtro [ă tơdroăng pơreăng tâ tú nôkố cho kal khât, xuân cho môi tung mâu troh hơlâ hbrâ mơdât pơreăng châ tơ-[rê. Laga, tơdroăng hơ’leh thế tơtro [ă tơdroăng ki ai khât, thế rak tơniăn tro tiô pơkâ dêi Đảng. Malối, tung pơla pơtê po hneăng hôp, kố xuân cho rôh ki vâ mâu kong pơlê pơtối ai hâi hbrâ nhên ‘na hlá mơ-éa [ă ‘na mơngế. Hbrâ rơnáu [ă hriăn ple\ng vâ drêng hiăng tâi pơreăng kô châ tơku\m po hneăng hôp tro tiô tơdroăng pơkâ tơdroăng kơxo# 35 dêi khu xiâm kal kí.

Lại Hoa –VOV1

Gương tơplôu [ă tơbleăng