Kong xêi lơ 30/7, ngế ki tâ pơreăng Covid-19 apoăng a Dak Lak châ pơtroh ăm hngêi pơkeăng pơlât kơ o hiăn [ă êi xôu kong pơlê, xuân cho rôh mâu ê kip ki apoăng mot klâ krê a, pơxiâm tung rôh la\m plâ mơdât pơreăng Covid-19. Nâ Lê Thị Bình, ngế cheăng a kơvâ ngăn khoa nội 2 Hngêi pơkeăng pơlât kơ o hiăn [ă êi xôu cho môi tung 54 ngế kăn [o# ngăn pơkeăng dêi hngêi pơkeăng ăm ‘nâi, luâ môi măng t^ng pêi cheăng tung kơpong klâ krê ki tô tuăn rêm cho tơdroăng hbrâ mơdât pơreăng lơ tâ tú, tơdroăng ki nâ tơchêng rêm hâi rêm chôu cho tơdroăng rêh ối dêi 2 ngế kuăn ối ku\n ki ối a hngêi.

‘’Hâi kố, a prôk bú teăm tơpui [ă dêi péa ngế kuăn hngêi thế kôm dêi pâ vêh krếo phôn ăm pâ tối nôu hiăng lăm klâ ối krê ôh tá ‘nâi la lâi vêh. Troh hâi má 2 má 3 á nếo krếo phôn ăm dêi nôu, drêng mê á nếo tối má kuăn thế prôk, 2 ngế kuăn ăm nôu ngăn, luâ ki kố ah ngin kuăn nếo châ prếo vêh a hngêi, tâng ôh ... 3 hâi ki apoăng ôh tá châ koi, tô tuăn ‘na pơreăng iâ tê, tô tuăn tơmiât  troh dêi rơpo\ng hngêi kuăn ‘ne\ng hên tâ. La troh hâi kố hiăng hlo chía tơniăn’’.

Mâu ngế khăm ngăn mơheăm dêi tíu xiâm ngăn ‘na pơreăng Tây Nguyên dế xo ngăn RNA dei virus SARS COV-2 sap ing mâu túa pơreăng

Dreng Vi [an hnê ngăn kong pơlê Dak Lak mơjiâng kơpong klâ ối krê má 2 a Hngêi trung Đại học Luật Hà Nội - phân hiệu Dak Lak, tơdah xo mâu ko\ng nhân ki ối achê mâu ngế ki tâ Covid-19, nâ Nguyễn Thị Khanh, Tíu xiâm ngăn pơkeăng pơlê kong kơdrâm {uôn Ma Thuột cho môi tung mâu ngế ki apoăng pâ vâ lăm troh pêi cheăng a tíu kố. Veăng  ngăn ivá dêi lối 200 ngế ko\ng nhân a kơpong ăm klâ krê tơchoâm pú hên, nâ ăm ‘nâi, mâu [ok thái pơkeăng akố châ x^ng xoăng hên tiô chôu, rêm ngế x^ng xoăng pêi cheăng tung pơla 6h, xâp mâu hmân ếo xi klêp, tung châ la lâi xuân lo to têa kơxo.

Tơdroăng ki pro pá ăm vâi nâ o a má môi cho tung chôu ki pêi cheăng ôh tá chiâng ôu têa lơ lăm tí dế. Ngiâ méa ngế ki lâi xuân hlo to kên pâng môh rơkong, ngế ki ‘nâ rơlâi rơlo... Nâ Nguyễn Thị Khanh, tối, tơdroăng cheăng tơná hiăng rah pêi thế mơ-eăm yoh vâ pê klêi hnoăng cheăng pơcháu.

‘’Tâi tâng xua kuăn pơlê pin [ă kố cho veăng ‘no hoăng ku\n tê tung mâu tơdroăng cheăng pêi dêi tơná [ă ngin hâk tơngăm khât ‘na tơdroăng cheăng pêi dêi tơná. Hdrối vâ mot akố hiăng x^ng xoăng tâi tâng mâu tơdroăng cheăng dêi rơpo\ng hngêi tơniăn vâ hmiân lăm mot pêi cheăng akố. Kuăn ‘ne\ng á nôkố 2 ngế ối a hngêi rak ngăn dêi rơpó xua má on veăng pêi cheăng ‘na pơkeăng tu\m’’.

Chôu koi pơtân dêi mâu ngế ki cheăng khăm ngăn mơheăm khoa virus, Tíu xiâm séa ngăn pơreăng Tây Nguyên

Hiăng hên hâi kố, cử nhân Nguyễn Hồng Quân, pơkuâ veăng thí nghiệm hô hấp, khoa virus, Tíu xiâm séa ngăn mơdât pơreăng Tây Nguyên ôh tá ai hâi ki lâi châ pơtê. Ngoh ăm ‘nâi, mâu hâi hdrối kố nah kơxo# mâu mơheăm ki khăm ngăn dêi mâu kong pơlê tung kơpong Tây Nguyên pơtroh ăm hên, 13 ngế ngoh o cheăng tung khoa kô thế pê tâi sap ing 7h kơxo troh 10h kơmăng.

Ai mâu ngế hiăng lo ing veăng khăm ngăn mơheăm, hâi teăng plui tah ếo ki xâp kring vế, tu\m ê kip thế vêh mot tung veăng pêi cheăng nếo, pêi cheăng drêng ai pơtroh tơ’nôm mơheăm ki nếo. Tâi tâng xuân thế hlê tiah kố, kơtâu tiô chôu vâ ăm ‘nâi mơheăm ki khăm ngăn mê nhên khât [ă hlối re\ng cho veăng ‘no hnoăng mơdât pơreăng Covid-19. Ngoh Nguyễn Hồng Quân tối ăm ‘nâi, tơdroăng cheăng mâu vâi ngoh xuân ‘nâi nhên mâu tơdroăng vâ kring vế tơná, lagá xuân ai ngế ki ‘nâ veăng kum pơlê pơla khât, xua tơdroăng vâ hmiân tuăn ăm dêi rơpo\ng hngêi [ă pơlê pơla mê hên ngế kăn [o# thế ối ‘nôi a khoa tung pơla dế ai pơreăng Covid-19 dế tâ tú rơ-iô:

‘’Châ khât drêng pêi mê tơdroăng tơniăn tung veăng khăm pơlât mê ngin đi đo thế rak tơniăn, ki pro tơ’lêi tâ tú ôh tá ai. La xua tuăn tơche\ng tơmiât hên mê chiâng tô tuăn khât pá há vâ tối, mê ngin pâ kăn pơkuâ khoa [ă tối tơbleăng ăm rơpo\ng hngêi ngin ối tung khoa mê hlối. Xuân hlối ăm kuăn ‘ne\ng xah hêi [ă vâi pú mê mâu nho\ng o vai kơdroh ki ki nhôm pin lơ tâ tú’’.

Rêm hâi ối pêi cheăng [ă mâu ngế ki tâ tú pơreăng rơ-iô, mâu [ok thái pơkeăng [ă mâu ngế cheăng ngăn pơkeăng a hngêi pơkeăng Dak Lak dế pơtê tơdroăng rêh ối krê, pêi cheăng kơtăng vâ pê klêi hnoăng cheăng, xua ivá kuăn pơlê, xua tuăn loi kô kâi mơdât  pơreăng.

Nam Trang chêh

Gương tơplôu [ă tơbleăng