Êi krôk cho tơdroăng tro tâ vi khuân, kô chiâng hbrâ mơdât [a\ tơdroăng ki ví. Tơdroăng tro tâ pơrea\ng a troăng hiâm lơ a troăng môh chiâng pro râ rơmon, drêng ai a kơpong troăng krôk, kô pro hâ vâ hiâm [a\ kreăng. Drêng tro châi a môh kô pro vâi hdrêng lo mơheăm môh. Trếo ‘mêi êi krôk pro kăng kơ-[re\n hveăn, êi hveăn plâi nuih, chiâng pro hlâ mơngế.

Nôkố, hiăng ai pơkeăng vâ pơlât êi krôk, laga, drêng pơrea\ng dế têi, pơrea\ng êi krôk kô ‘mêi ăm plâi nuih, kơkốu [a\ hveăn troăng ngôa dêi mơngế tro tâ pơrea\ng. Hmâ drêng pơlât, pơrea\ng êi krôk kô pro hlâ mơngế [a\ 3% mâu ngế ki tro tâ pơrea\ng êi krôk hlâ, kơxo# kố ối hên tâ a vâi hdrêng pá kơdâm 15 hơnăm.

Ahdrối ai pơkeăng mơdât pơrea\ng, pơrea\ng êi krôk cho môi pơrea\ng ki hên a vâi hdrêng ối ku\n. Nôkố, pơrea\ng kố ôh tá xê chiâng vâ pơlât mê ối chiâng vâ hbrâ mơdât pơrea\ng [a\ vaccine.

Vaccine pơlât êi krôk hmâ tơ’nôm [a\ vaccine pơlât châi hrê [a\ kơ-o rơdêng, tung tơdroăng pâk pơkeăng vaccine lâp tơnêi têa ăm vâi hdrêng. Vaccine pơlât êi krôk châ tơ-[rê tung tơdroăng mơdât pơrea\ng êi krôk. Laga kô chiâng pro tơ-ê há. Ai mâu vâi ‘ne\ng kô tro tơngê iâ, krôu, hêng koi lơ châi a tíu pâk klêi kơ’nâi pâk.

Klêi kơ’nâi hiăng kêi pâk pơkeăng vaccine a vâi hdrêng, mơngế ki mo le\m xuân kal pâk nếo vaccine pơlât êi krôk vâ ai trếo ki mơdât pơrea\ng. Mê cho xua trếo ki kâi mơdât pơrea\ng tung châ [a\ pơrea\ng êi krôk kô kơdroh chôa ‘lâng tiô hâi khế.

Vâi hdrêng châ pâk pơkeăng tu\m tiô pơchân hdrối 7 hơnăm mê thế châ pâk trum apoăng a dâng sap 11 troh 12 hơnăm. Roh pâk pơtối mê châ pơkâ 10 hơnăm kơ’nâi, klêi mê vêh pâk nếo dâng tung pơla 10 hơnăm. Vêh pâk cho kal khât tâng mơngế ki mo le\m troh kơpong hmâ ai pơrea\ng êi krôk.

Mâu ngế tơ’lêi tro tâ pơrea\ng êi krôk mê cho:

Vâi hdrêng [a\ mơngế kân ôh tá châ pâk vaccine hbrâ mơdât êi krôk

Mâu ngế rêh ối a tíu kơdrâm lơ ôh tá krúa le\m

Mơhé kơbố lăm ôm hyô troh môi kơpong dế ai pơrea\ng êi krôk

Pơrea\ng êi krôk xuân ối ai a mâu kong têa dế mơnhông mơdêk tíu kơxo# mơngế pâk pơkeăng vaccine iâ. A mâu kơpong pâk pơkeăng vaccine êi krôk tá hâi pơklât thế mê pơrea\ng kố cho xiâm kối mơnhâu troh mâu ngế tá hâi châ pâk vâ mơdât pơrea\ng lơ pâk laga ôh tá tu\m, mâu tơmối ôm hyô lâp plâi tơnêi lơ ối achê [a\ mâu ngế ing mâu kong têa ôh tá mơnhông mơdêk.

Vâi krâ nho\ng o [a\ pú hmâ pâ vế thế pâk tu\m ăm dêi châ tơná [a\ kuăn ‘ne\ng dêi tơná, vâ hbrâ mơdât pơrea\ng kố.

Hlá tơbeăng Sức khỏe và Đời sống

Sa Ly tơplôu [a\ tơbleăng