VOV4.Sêdang - Tung mâu hơnăm achê kố, mâu ngế xôi lo a kơpong tíu tơkăng kong a kong pơlê Kon Tum thăm rế hên, rế hía rế tâk, pro tơdjâk troh tơdroăng kring vế, gâk ngăn pơlê pơla. Drêng ai tơdroăng kố khu mô đo#i gâk tơkăng kong dêi kong pơlê Kontum hiăng pro ki klâi vâ xông plâ mơdât mâu khu ngế xôi châ tơ-[rê, kring vế [a\ gak tơniăn tíu tơkăng kong. Tơdroăng ‘’Mô đo#i Pôa Hồ Tây Nguyên’’ hâi kố, ngin ai [ai chêh tối ‘na tơdroăng kố. Peăng mơ’nui, cho roh tơpui tơno [a\ Đăi tă Nguyễn Hữu Vạn, Kăn pho\ pơkuâ hnoăng cheăng Mô đo#i gâk tơkăng kong dêi kong pơlê Kontum.

            Khu mô đo#i gâk tơkăng kong dêi kong pơlê Kontum châ pơcháu pơkuâ, gâk vế lối 280 km troăng tíu tơkăng kong achê [a\ kong pơlê Attapeu, Sekong dêi kong têa Lếo [a\ kong pơlê Ratanakiri, kong têa Kul. Tung mâu hơnăm hiăng hluâ, drêng kal tung tê mơdró, mơhno khôi túa le\m tro, drô troăng kân tíu tơkăng kong kố hiăng mơjiâng môi tíu tê mơdró lâp plâi tơnêi Bờ Y, 3 tíu tê mơdró [a\ ngi kong têa ê ki ê nếo, rơtế hên troăng kân châ pro tơ’lêi tung tê mơdró, tơdrêng amê, kơpong tíu tơkăng kong kân rơdâ, kuăn pơlê rêh ối tơprâ tơpru\ng, tơdroăng rêh ối dêi kuăn pơlê ki hên ối pá puât [a\ hlê ple\ng luât ối iâ.

            Ki nhên ăm hlo, a kơpong tíu tơkăng kong dêi kong pơlê Kon Tum hiăng tơku\m po hên tơdroăng, môi tiah: tâp tơneăn, mơjiâng pro troăng kân lăm séa ngăn tíu tơkăng kong, mơjiâng hngêi kơmăi on tơhrik, rơchoâ, hno têa, kếo uâ pơto loăng, kế tơmeăm khoăng tung kơdâm tơnêi, xua mê, kơxo# mơngế, rơxế mot lo a kơpong tíu tơkăng kong, tíu tê mơdró [a\ ngi kong têa ê rế tâk hên. Kố cho tơdroăng ki tơ’lêi mâu ngế xôi pro pơxúa ăm dêi tơná vâ lo pêi cheăng. Drêng ai tơdroăng kố, Đảng ủy, Khu xiâm pơkuâ Mô đo#i gâk tơkăng kong dêi kong pơlê Kontum hiăng pơkâ hên troăng hơlâ, túa vâ pơkuâ, hnê mơhno tơplâ mơdât [a\ mơngế xôi châ tơ-[rê, gâk kring kal kí, rak tơniăn pơlê pơla kơpong tíu tơkăng kong; mơjiâng tíu tơkăng kong hơniâp le\m, tơru\m cheăng [a\ mơnhông mơdêk [a\ kong têa pú hmâ Lếo [a\ Kul. Đăi tă Nguyễn Hữu Vạn, Kăn pho\ pơkuâ hnoăng cheăng Mô đo#i gâk tơkăng kong dêi kong pơlê Kontum tối ăm ‘nâi: Đảng ủy, Khu pơkuâ mô đo#i gâk tơkăng kong dêi kong pơlê Kontum mơnhên kố cho hnoăng cheăng đi đo dêi khu râ kăn pơkuâ cheăng Đảng, pơkuâ mâu đông. Khu xiâm pơkuâ mô đo#i gâk kring tíu tơkăng kong pơlê hiăng hnê mơhno hbrâ mơdât mơngế tê mơdró pâk chik ma tu\i, pơtroh ăm dêi mô đo#i chu pêi cheăng a mâu pơlê, ai hên mơngế pro mâu tơdroăng xôi, a kơpong tíu tơkăng kong, ki rơhêng vâ tối a kơpong tíu tê mơdró [a\ lâp plâi tơnêi Bờ Y xuân môi tiah a mâu đông ai tíu tê mơdró [a\ kong têa ê, môi tiah Rơ Long, Đak Long.

            Ing tơdroăng hbrâ pêi tơtro tung hbrâ mơdât, tơplâ mơdât mâu ngế xôi, bu xêo sap apoăng hơnăm 2016 troh nôkố, khu mô đo#i gâk tơkăng kong dêi kong pơlê Kontum hiăng châ hlo, rup 120 roh tơdroăng, ai 175 ngế pro xôi. Kế tơmeăm khoăng ki rup vâ chê 38 gam ma tu\i khăng tu\m têk; 18 rơpâu 800 pu\m ma tu\i ki ê; 67 kilô mlo\i; 200 lit têa châu Diesel; vâ chê 12 rơpâu kilô chhá loăng hngó; 9 toăng hơnêa kip; lối 1 rơpâu met kho#i loăng tu\m túa; 7 toăng rơxế ôtô [a\ hía hé. Tiô tối, mâu roh tơdroăng pơrá châ hlo [a\ tơleăng teăm tơdrêng, tơtro tiô hnoăng pơkuâ [a\ pơkâ dêi luât. Cho đông veăng pêi pro hên tơdroăng, thie#u tă Phạm Tiến Dũng, kăn cheăng ‘na kal kí Đông mô đo#i gâk tơkăng kong lâp plâi tơnêi Bờ Y tối ăm ‘nâi: Đảng ủy, khu pơkuâ đông hiăng tơku\m pơkuâ, hnê mơhno mâu đông po rơdâ tơdâng tơ’mô mâu túa pêi cheăng a tíu tơkăng kong. Hbrâ ‘nâi tơdroăng tung, pa kong tíu tơkăng kong, ki má lối cho tơdroăng pêi cheăng dêi mơngế xôi. Pơkuâ krá pơlê cheăm, mơngế ki xôi. Tơru\m krá tơniăn [a\ khu cheăng a Tíu pơkuâ a tíu tê mơdró Bờ Y, khu xo hnoăng mơhá kế tơmeăm khoăng tê roê ngi kong têa ê, khu séa ngăn [a\ khu gâk kring tíu tơkăng kong dêi kong têa Lếo, Kul, trâm tơpui tơno, tơku\m séa ngăn, tơplâ mơdât mơngế xôi.

            Vâ tơdroăng tơplâ mơdât mơngế xôi, ki rơhêng vâ tối cho mơngế xôi ‘na tê mơdró ma tu\i tung kơpong tíu tơkăng kong châ tơ-[rê, khu mô đo#i gâk tơkăng kong Kontum hiăng pêi tơtro tơdroăng pơtâng tối ăm kăn [o#, kuăn pơlê a kơpong tíu tơkăng kong hlê ple\ng tơdroăng pơlông djâ, lu lêa dêi mâu ngế xôi, ing mê veăng tơbleăng tối mâu ngế xôi. Pak^ng mê, tơdroăng tơru\m cheăng [a\ khu cheăng, đông ki tơdjâk [a\ khu gâk kring tíu tơkăng kong Lếo, Kul tung tơdroăng tối pơtâng ăm dêi pó rêm tơdroăng kal, hnê dêi pó tung tơplâ mơdât mâu ngế xôi châ tơ-[rê. Mơhé mâu ngế ki pro xôi rơkê, tơnôu, khăng kơnhêng ko, râng pháu hơnêa vâ hnó khu mô đo#i ki pêi cheăng, laga [a\ hiâm mơno rơkê tơplâ mơdât, rơkê tung pêi cheăng, kăn [o#, mô đo#i gâk tơkăng kong dêi kong pơlê Kon Tum hiăng châ rak tơniăn ‘na mơngế [a\ đi đo hbrâ rơnáu râng hơnêa tung châ drêng pêi hnoăng cheăng tơplâ mơdât mâu ngế xôi ki rơ-iô kố.

            A Sa Ly tơplôu [ă tơbleăng