VOV4.Sêdang - Pôa Vương Đình Huệ, Ngế pro xiâm pho\ hnê ngăn tơnêi têa nếo pơkuâ po hneăng hôp [ă mâu khu xiâm, kơvâ cheăng ‘na tơdroăng ki ‘no liăn ăm mung ‘no cheăng tơdjuôm tung 4 khế apoăng hơnăm 2019.

Tiô tối tơbleăng dêi Khu xiâm pơkuâ rak liăn ngân, tiô tơdroăng ki ‘no liăn ăm mung vâ pêi cheăng tơdjuôm apoăng hơnăm kố bu nếo châ 16,45% tiô pơkâ dêi Kuo#k ho#i pơcháu.

Mâu khu xiâm, kơvâ cheăng mơnhên tối kơxo# liăn ‘no ăm mung xuân ối iâ xua troh tâi khế 2 nếo pêi klêi tơdroăng ki xing xoăng túa pơkâ ‘no liăn cheăng hơnăm 2019 châ pơcháu.

Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng [ă kong pơlê séa ngăn pêi pro kơtăng tơdroăng ki hnê mơhno dêi Ngế pro xiâm hnê ngăn Chin phuh [ă ‘na mâu hnoăng cheăng, troăng hơlâ mơdêk re\ng tơdroăng ki ‘no liăn ăm mung pêi cheăng tơdjuôm, veăng kum mơdêk cheăng kâ hơnăm 2019.

Ngế pro xiâm pho\ hnê ngăn tơnêi têa xuân pơkâ thế mâu khu xiâm, kơvâ cheăng mơdêk séa ngăn, pơxâu phâk tung pơla tối tơbleăng pêi pro túa pơkâ ‘no liăn cheăng tơdjuôm, pêi pro nhên hnoăng cheăng [ă pơxâu phâk kơtăng tiô pơkâ dêi luât [ă mâu ngế krê ki pro xôi [ă mơhno\ng pro hrá mâu tơdroăng ki ‘no liăn ăm mung [ă hên ki ê.

Katarina Nga tơplôu [ă tơbleăng