Ai hên mâu kăn tối ăm ‘nâi, vâ mơhnhôk khu mơdró kâ veăng ‘no liăn kum ăm tơdroăng pêi chiâk deăng mê athế ‘’ai mơngế veăng tơlo liăn ngân’’ hlo tơdroăng ki kố cho kal, vâ khoh châ chiâng pêi pro tiô tơdroăng tơkêa bro, pro ki tơ’lêi hlâu tung pơkâ hnoăng cheăng [ă hnối vâ pêi pro mâu tơdroăng cheăng ki tơbleăng mơnhên, tơdrăng ‘na mâu tơdroăng nếo ai ki pêi pro.

Xua ki păng ‘nâng ăm hlo, tơdroăng pơkâ kơxo# 210 dêi Chin phuh ‘na tơdroăng ki mơhnhôk khu mơdró kâ veăng tơlo liăn kum ăm tơdroăng chiâk deăng tá hâi teăm tơtro [ă tơdroăng kố, kơlo ki vâ mơhnhôk mê ối iâ, tơdroăng cheăng ki vâ pêi pro tá hâi teăm hên, xua tơvâ ing xo hnoăng mơhá liăn ngân, tơnêi tơníu, tơdrêng amê, ối ai mâu túa ki chêh pro hlá mơ-éa ôh tá tơtro, mơ’nhê hên chôu phut, hâi khế, tung pơla mê, kơlo ki ‘no liăn ai lối môi tơdroăng tơkêa bro ôh tá kân ki klâi [ă ‘na tơdroăng ki ‘no liăn dêi khu mơdró kâ.

Xua ti mê, vâ kơdroh tơdroăng ki mê, kal athế ngăn nhên, tơdrăng mâu tơdroăng ki ối vâ mơnhên tối [ă tăng troăng hơlâ ki pêi pro tơtro tâ. Pôa Trần Mạnh Báo, Kăn hnê ngăn Ho#i đồng, Kăn hnê ngăn Ko\ng ti hdrê loăng pêt Thái Bình tối ăm ‘nâi:

‘’Tơdroăng ki ngin kal vâ to\ng kum mê cho túa chêh pro hlá mơ-éa drêng khu mơdró kâ ‘no liăn, môi tiah tơdroăng ki kal athế châ mung tơnêi, túa chêh pro hlá mơ-éa rôe kơmăi kơmok lơ mâu túa ki pro hnoăng mơhá liăn ngân. Pak^ng mê, khu mơdró kâ ‘no liăn kum ăm kơvâ pêi chiâk deăng ga ai trâm hên tơdroăng, kal athế ai troăng hơlâ ki pro hnoăng mơhá tơtro ki ê’’.

Ai mâu kăn xuân tối tiah kố, dế nôkố tơdroăng pơkâ vâ ‘mâi hơ’lêh túa pêi pêt hdrê loăng dế trâm hên tơdroăng ki tá hâi tơtro khât, [ă môi tiah dêi pó a mâu tíu, ôh tá mơnhên ki lâi cho ki hiăng tơtro dêi rêm kơpong vâ tơngah khu mơdró kâ veăng ‘no liăn kum cheăng.

Xua ti mê, kal athế mơnhên ivá ki mơhnhôk khu mơdró kâ ‘no liăn cheăng mê nếo kâi chiâng vâ pêi pro tơtro ing khu mơngế kuăn pơlê.

Roh hôp veăng mơjiâng troăng hơlâ mơhnhôk khu mơdró veăng ‘no liăn kum chiâk deăng, rêh ối thôn pơlê

Pơkuâ hneăng hôp kố, pôa Vương Đình Huệ, Ngế pro xiâm pho\ hnê ngăn ai mơnhên tối: Tâng vâ séa mơnhên ngăn 3 hơnăm pêi pro tiô tơdroăng pơkâ 210 dêi Chin phuh ‘na troăng hơlâ mơhnhôk khu mơdró kâ ‘no liăn kum ăm tơdroăng pêi chiâk pêi deăng, rêh kâ ối thôn pơlê, mê Chin phuh rơhêng vâ mơ’no tơdroăng pơkâ ki nếo. Xua ga, ‘’rế kum hlâu, rế trâm tơdroăng pá’’, mê khu mơdró kâ ‘no liăn kum ăm kơvâ chiâk deăng, rêh kâ ối thôn pơlê ôh tá chiâng luâ tâ kơxo# 1%.

Ngế pro xiâm pho\ xuân mơhno tối tơdroăng ki tô tuăn [ă mâu khu xiâm, kơvâ cheăng ki tơpui tơno, chêh tối tung hlá mơ-éa tá hâi teăm ngăn hlo nhên khât tung tơdroăng ki ai păng ‘nâng [ă khu mơdró kâ, [ă ngăn khu mơdró kâ kal ki klâi. Tiô Ngế pro xiâm pho\ hnê ngăn tối, tơdroăng ki mâu khu mơdró kâ kal mê cho troăng hơlâ ki tơtro, luâ tâ tơdroăng ki ‘no liăn.

Ing tơdroăng ki kố, Ngế pro xiâm pho\ hnê ngăn ai tối nhên: Ki xiâm dêi tơdroăng cheăng pin kal athế châ pêi pro mê klêi kơ’nâi pơkâ tơdroăng ki nếo, kal athế châ kum ó rơdêi dêi khu mơdró kâ ăm kơvâ cheăng chiâkdeăng, rêh kâ ối thôn pơlê:

‘’Roh kố, Khu xiâm pơkuâ ‘no liăn cheăng hiăng ai troăng prôk ki nếo, ngin pói rơhêng vâ roh kố xo tơmâng rơkong hnê tối dêi kơdrâm mơngế, hên khu veăng hnê tối, mơjiâng troăng hơlâ ăm Chin phuh vâ pơcháu hnoăng cheăng ăm Khu xiâm pơkâ mơ’no liăn cheăng, châ mơhnhôk hên khu râ mơdró kâ veăng’no liăn kum ăm kơvâ pêi chiâk deăng, rêh kâ ối thôn pơlê.

Klêi kơ’nâi pơkâ tơdroăng kố, mê vâ mê ôh xuân ai tơdjâk troh hên khu râ kơvâ mơdró kâ veăng ‘no liăn ăm kơvâ chiâk deăng, rêh kâ ối thôn pơlê. {ă hnoăng cheăng xiâm tiah mê, tơdroăng ki hơ’lêh hiâm mơno cho kal păng ‘nâng.

Á bu xâu mâu khu râ kơvâ cheăng ki bu tơpui to rơkong tê, la ôh tá ‘nâi ki klâi  hnoăng cheăng dêi khu mơdró kâ kal vâ ki klâi, ki lâi ki tơtro păng ‘nâng vâ pin rơtế veăng pêi pro’’.

Dế nôkố, Kơxop hlá mơ-éa ki pơkâ nếo ‘na troăng hơlâ mơhnhôk khu mơdró kâ ‘no liăn kum ăm kơvâ pêi chiâk pêi deăng, tơdroăng rêh kâ ối thôn pơlê dế châ Khu xiâm Pơkâ mơ’no liăn cheăng xo tơmâng rơkong dêi khu kăn, kuăn pơlê vâ chêh pro kơxop hlá mơ-éa ki tơtro păng ‘nâng.

Khu xiâm ngăn ‘no liăn cheăng ‘na chiâk deăng [ă mơnhông mơdêk cheăng kâ rê ối thôn pơlê xuân hiăng vâ môi tuăn [ă Khu xiâm ngăn ‘na pơkâ mơ’no liăn cheăng pâ thế Chin phuh mơjiâng Khu hnê mơhno rak vế, pêi pro tiô tơdroăng pơkâ ki nếo, xua Ngế pro xiâm lơ môi ngế pro xiâm pho\ pro kăn hnê mơhno, Khu xiâm pơkâ mơ’no liăn cheăng cho Kăn pho\ hnê mơhno tơdroăng cheăng kố.

Văn Hiếu chêh

Nhat Lisa tơplôu [ă tơbleăng