Kơxo lơ 8/6, a Lâm Đồng po hneăng hôp lâp plâi tơnêi tơpui tơno ‘na chêh pro hồ sơ pơlê kong kơdrâm Đà Lạt mot tung mâu pơlê kong kân  ki ‘nâi hriĕn plĕng tơdroăng ki nếo dêi UNESCO. Troh nôkố, tung lâp plâi tơnêi hiăng ai 301 pơlê  kong  kơdrâm mot tung khu pơlê kong kân hriăn plĕng tơdroăng ki nếo dêi UNESCO. Tung mê, Hà Nội cho pơlê kong kân ki apoăng dêi Việt Nam mot a hơnăm 2019 . Ƀă Đà Lạt rơtế ƀă 8 to pơlê kong kơdrâm, kong kân ki ê tung lâp tơnêi têa xuân hiăng veăng pêi tơdroăng tơkêa bro mơnhông mot tung pơlê kong kân.

Tiô tơdroăng tơkêa mê, tung pơla tí tăng ‘nâi plĕng, tối ‘na tơmeăm khoăng ki ai hlâu, ki rơdêi dêi pơlê kong kơdrâm ƀă tơdroăng nôkố xuân môi tiah mâu pơkâ troăng vâ pêi dêi Đà Lạt hiăng kum mơhno ăm hlo dêi tơdroăng chêh hồ sơ vâ mot  tung khu, cho pơlê kong kơdrâm ‘nâi hriĕn plĕng ki nếo tung kơ vâ ‘na hơdruê xuâng.

Hôp tơpui tơno hiăng mơdoh hên chôu tơpui, mơnhên pơkâ, ki pơxúa, hnoăng pêi pro mâu luât pơkâ, tơbleăng mâu túa cheăng pêi dêi lâp plâi tơnêi tung tơdroăng chêh pro hồ sơ.