Klêi kơ’nâi 12 hâi tơ’noăng kơtăng, Tơ’noăng Futsal sinh viên kơpong Tây Nguyên hơnăm 2023 hiăng mơgêi a kơxê lơ 11/6. Kâ ối má môi cho Đăi hok Đà Lạt; khu châ kâ má péa cho Đăi hok Tây Nguyên; mâu đô̆i Cao đẳng Cộng đồng Kon Tum má 3 ƀă Cao Đẳng Bách khoa Tây Nguyên ối má 4. Tiô mơnhên dêi Khu tơkŭm po, mơhé kố cho pri ‘na xah mơhno khôi túa lĕm tro ƀă cho roh apoăng châ tơkŭm po a mâu kong pơlê Tây Nguyên, laga pri kân; rêm roh tơ’noăng mơhnhôk hrĭng lơ rơpâu ngế troh Hngêi tơ’noăng ivá kong pơlê Dak Lak lăm ngăn ƀă mơhnhôk mâu ngế tơ’noăng.

A leh mơgêi, rơtế diâp pri cúp, liăn, lơ mê dái ƀă mâu pri ki tơ’nôm ăm mâu ngế tơ’noăng, mâu khu tơ’noăng châ kâ pri, Khu tơkŭm po ƀă khu tŏng kum hiăng diâp 27 hnoăng liăn hriâm rơkê, rêm hnoăng kơnâ 5 rơtuh ăm 27 ngế sinh viên veăng tơ’noăng hiăng rơkê tung hriâm tâp.