Hâi lơ 22/6, Khu pơkuâ ‘na mơhno khôi túa lĕm tro – Tơ’noăng ivá ƀă Ôm hyô Dak Lak pơxiâm po 2 lâm hnê pro tơdroăng hơdruê, hơdruê ‘muăn rơngê rơngối, hơdruê tơdjếi dêi mơngế Rơđế a tơring Čư̆ Mgar. Ki nhên, lâm hnê hơdruê ‘muăn rơngê rơngối (Rơđế tối dêi Khan) ai 20 ngế hriâm mơngế Rơđế dế rêh ối a cheăm Ea Tul veăng.

Lâm hnê hơdruê tơdjếi (Rơđế tối dêi Klei duê) ai 25 ngế hriâm mơngế Rơđế rêh ối a cheăm Čuôr Dăng veăng. Tung dâng 2 khế, ngế hriâm châ mâu ngê̆ nhân tơbleăng, hbrâ ‘na tơdroăng ‘na rơngê rơngối, hơdruê tơdjếi, ngê̆ thuât pro tơdroăng hơdruê ‘măn rơngê rơngối, hơdruê tơdjếi dêi mơngế Rơđế.

Tơbleăng mâu ƀai rơngê rơngối, tơdroăng hơdruê xúa rơkong tơpui tơdjếi ối châ rak ƀă xúa nôkố. Rơtế amê, Khu pơkuâ ‘na mơhno khôi túa lĕm tro – Tơ’noăng ivá ƀă Ôm hyô ối diâp khu chêng koăng ƀă ếo xâp tiô khôi vâi krâ nah Rơđế ăm mâu pơlê tung 2 cheăm. Pêi pro tăng rah ƀă rah chêh, pro chiâng kơxop mơ-éa hơdruê tơdjếi vâ rak vế ƀă mơnhông ki kơnâ tơmeăm tung mâu hơnăm pơtối.