Tung “Măng tĭng leh hriâm tâp plâ rơxông’’, mâu tơring, tíu cheăng tơkŭm pêi pro mâu tơdroăng môi tiah: tơdroăng kal, pơtâng tối ‘na ki kal ƀă hnoăng dêi tơdroăng mơnhông khôi túa lĕm tro pơchuât, mơdêk hriâm tâp troh tá ah; tơkŭm po mâu hâi xah hêi ro tơbleăng kơxop mơ-éa nếo, mơjiâng tíu trâm mâ tơno pơla ngế ki chêh ƀă ngế pơchuât; mơjiâng kâu lăk ƀô̆ pơchuât kơxop mơ-éa tiô pơxá, hơnăm; tơkŭm po mâu roh tơ’noăng chêh, kơchuâ, hơ’muăn tiô a kơxop mơ-éa...

A leh mơhnhôk, Khu tơkŭm po hiăng diâp 6 tơdroăng pơtâng hnê tối măng tĭng leh mơhnhôk hriâm tâp plâ rơxông 2024 ăm mâu tơring, tíu cheăng, khu râ, tíu hnê hriâm. Mâu tíu cheăng tŏng gum hiăng diâp 200 khu hlá mơ-éa; 50.000 tai khoăn mot ngăn tíu ai mâu kơxop mơ-éa chêh ƀă kơmăi tĭnh; diâp hnoăng liăn hriâm, diâp kơxô̆ liăn mơhnhôk hriâm.