Mơđah tơbleăng mơhnhôk 119 ƀai dêi 51 ngế bro ki hmâ pêi ƀă ôh tá pêi đi đo, mâu ngế hâk vâ mih thuât tung lâp tơnêi têa veăng. Kố cho tơdroăng ki kal vâ koh phiu ro leh tơbâ 120 hơnăm Hâi mơjiâng kong pơlê Dak Lak.
Mơđah tơbleăng cho tơdroăng khôi túa lĕm ngê̆ thuât veăng kum pơtâng tối, mơđah tơbleăng um méa pơlê xiâm, kuăn mơngế Dak Lak troh ƀă kuăn pơlê, tơmối tung tơnêi têa ƀă kong têa ê; pro tơ’lêi hlâu ăm ngế ki kơchuâ mơđah tơbleăng tơmeăm ki nếo, dâi lĕm ƀă trâm mâ, tơno, tối ăm dêi pó túa ki rơkê tơtro, thăm krá tơniăn tơdroăng rŭm môi tuăn, mơnhông tâ mê nếo tơdroăng pêi cheăng. Tơdrêng amê, ing Mơđah tơbleăng pơtối troh lâp lu, cho xiâm kối mơhnhôk ăm mâu ngế kơchuâ ai tơ’nôm mâu tơmeăm ki nếo ƀă dâi lĕm ngê̆ thuât rơxông nếo, veăng kum tơdjuom ăm tơdroăng khôi túa lĕm ngê̆ thuât dêi kong pơlê Dak Lak./.
Viết bình luận