Mâu Vâ tơdjâk tơdroăng cheăng mơ’no tơbleăng tung um tơvi mơdêk pro tơdâng tơ’mô pơla kơdrâi ƀă kơnốu troh sinh viên, droh rơtăm hdroâng kuăn ngo, kong măng lơ 2/10, a hngêi trung đăi hok Tây Nguyên. A rôh po tơdroăng, sinh viên hdroâng kuăn ngo dêi 6 to hngêi trung đăi hok kơpong peăng tơdế Tơnêi têa ƀă Tây Nguyên hiăng veăng mơđah tơbleăng mâu tơdroăng tơmiât rơkê ƀă tơdroăng hnê tối tung um tơvi.
Ƀă mâu tíu ki po mơđah mâu tơdroăng ki pro pơro, thơ ca, hò vè, phim ki ‘nâi, video clip, um xua tơná mâu sinh viêm mơđah. Mâu tơdroăng ki mơđah mê tơkŭm mơhno inâi ‘na pro tơdâng tơ’mô tung kơvâ hnê hriâm, hnê pêi cheăng ƀă tung rơpŏng hngêi; tơtrŏng mơdêk ki hlê plĕng ‘na tơdâng pơla kơdrâi ƀă kơnốu , hnê tối tah lôi mâu khôi túa tơlá ôh tá tro tung pơlê pơla, pơkâ tơleăng mâu tơdroăng ki kal ƀă mâu vâi kơdrâi, droh rơtăm ƀă vâi hdrêng .
Viết bình luận