Vâ rak vế, mơdêk ki lĕm, ki kơnía dêi ếo pơtâk dêi mâu hdroâng kuăn ngo a kơpong Tây Nguyên, tung 2 hâi lơ 29 ƀă lơ 30/10, a pơlê kân Mang Deang, tơring Kon Plông, kong pơlê Kon Tum kô po tơdroăng mơđah tơbleăng ếo xŏn ƀă ếo pơtâk teăn Tây Nguyên xua Vi ƀan hnê ngăn tơring Kon Plông tơrŭm ƀă ngế ki pơchoh Minh Hạnh tơkŭm po. Tơdroăng mơđah tơbleăng ếo xŏn ƀă ếo pơtâk dêi mâu hdroâng kuăn ngo Tây Nguyên kố kô châ tơkŭm po a péa tíu cho xí Pa Sỹ ƀă tung kong loăng hngó a troăng Hùng Vương, pơlê kân Mang Deang, tơring Kon Plông, kong pơlê Kon Tum.

Mâu ếo pơtâk kô châ mơđah tơbleăng a Rôh po mơđah tơbleăng ếo xŏn ƀă ếo pơtâk ki teăn Tây Nguyên

Veăng mơđah tơbleăng kố ai 100 ngế diễn viên ki ôh tá hmâ cho hdroâng kuăn ngo a tơring ƀă 40 ngế ngê̆ sih, diễn viên, mâu ngế ki lĕm sap ếo pơtâk. Tâi tâng 200 túa ếo xŏn, ếo pơtâk hdroâng kuăn ngo châ ngê̆ nhân teăn ƀă prế tơ Bảo Lộc ƀă kơchuâ bro lĕm tơviah, tơtro ƀă tơdroăng pơkâ ếo pơtâk nôkố xua ngế ki kơchuâ Minh Hạnh rơtế ƀă mâu ngế ki veăng tơrŭm tơkŭm po.

Kố cho môi tung hên tơdroăng cheăng vâ pơkâ troh tơbâ 110 hơnăm mơjiâng kong pơlê Kon Tum (9/2/1913- 9/2/2023) ƀă tơdroăng ki rơhêng vâ pro pơxúa lĕm nếo ăm kế tơmeăm tĕn, mơnhông hnoăng cheăng tĕn ƀă kŏng.