Kơxo (19/6), a hngêi trung Cao đẳng Gia Lai, Khu pơkuâ Đoân Droh rơtăm kong pơlê Gia Lai tơrŭm ƀă mâu tíu cheăng tơkŭm po tơdroăng hâi tơkŭm kơdrâm phiu ro “Droh rơtăm Gia Lai ƀă khôi túa rak tơniăn lĕm drô troăng klông” hơnăm 2023. Ƀă dó inâi ‘’Nhuô̆m luât vâ mơjiâng khôi túa lĕm rak tơniăn troăng klông” hâi tơkŭm kơdrâm phiu ro hiăng mơhnhôk 300 ngế đoân viên droh rơtăm.

A kố, mâu đoân viên droh rơtăm veăng mâu tơdroăng môi tiah: Tơ’noăng trắc nghiê̆m mâu rơkong kơ-êng tơdjâk troh luât rak tơniăn troăng klông, tơmâng mâu ngế rak tơniăn troăng klông hnê mơhno tối ‘na mâu tơdroăng ki ai khât nôkố drô troăng klông môi tiah: séa ngăn rơxế hdrối vâ prôk, truâ muâk tro tiô pơkâ, ối vê rơxế môi tiah lâi tơniăn.

Hâi tơkŭm kơdrâm phiu ro “Droh rơtăm Gia Lai ƀă tơdroăng rak tơniăn troăng klông” hơnăm 2023 vâ thăm pơtâng tối, hnê hriâm tung đoân viên droh rơtăm tơniăn drêng veăng kơto rơxế drô troăng klông; mơdêk ki hlê plĕng, pêi tiô luât rak tơniăn troăng klông veăng kum kơdroh pro xôi kơto rơxế drô troăng klông.