A roh hôp trâm mâ leh tơbâ 234 hơnăm Hâi mơjiâng kong têa Kŏng hoa Pơhlăng (14/7) tơkŭm po a Pơlê kong kân Hồ Chí Minh, Khu rŭm môi tuăn nhŏng o Việt Nam – Pơhlăng tối ăm ‘nâi: ki má môi tung tơrŭm cheăng pơla Việ Nam – Pơhlăng cho hnê hriâm ƀă hnê mơjiâng, kố xuân cho pơkâ xiâm kơjo ƀă châ pêi pro krá tung pơla kố nah, ki má lối cho a pơlê kong kân Hồ Chí Minh. Mâu tơdroăng tơrŭm cheăng hnê hriâm tơkŭm ki hên tung tơdroăng hnê hriâm ƀă chiâng tơpui hên nâl Pơhlăng, hnê mơjiâng mơngế pêi cheăng a râ đăi hok, hriâm to a’ngêi tâ đăi hok tung hên kơvâ, môi tiah: pơkuâ cheăng kâ, hngêi arak liăn, liăn ngân, luât, kŏng ngê̆ nếo, pơkeăng ƀă khăm pơlât.  

Tơdroăng thăm hnê nâl tơpui kong têa Pơhlăng a Việt Nam tối tơdjuôm ƀă Pơlê kong kân Hồ Chí Minh tối krê, ki rơhêng vâ tối cho tung mâu lâm hnê péa nâl, mâu lâm hnê hên nâl kong têa Pơhlăng pro tơ’lêi hlâu tâ ăm tơdroăng tơpui tơno hok tro, sinh viên, mơhnhôk tơrŭm cheăng tung hên kơvâ cheăng ƀă veăng kum pêi pro krá tơniăn tơrŭm cheăng pơla kuăn pơlê péa tơnêi têa.