Kong pơlê Kon Tum dế tơbleăng hên troăng hơlâ vâ rak vế ƀă mơdêk mâu kế tơmeăm ki kơnía git ‘na mơhno túa lĕm tro khôi hmâ dêi  hdroâng kuăn ngo. Tung 2 hơnăm hdrối nah, lâp kong pơlê hiăng roê 137 to kơtum chêng koăng, hơlâ ăm mâu thôn, pơlê hdroâng kuăn ngo akố; tơkŭm po 143 lâm hnê tŏn chêng koăng, xoăng.

Troh nôkố, lâp kong pơlê Kon Tum hiăng ai 409 to thôn, pơlê hdroâng kuăn ngo a kố hiăng ‘mâi mơnhông bro kuât – môi tung mâu tơdroăng ki kal ƀă tơdroăng cheăng mơhno túa lĕm tro chêng koăng dêi kuăn pơlê. Tơdrêng amê, kong pơlê Kon Tum ối pêi pro hên tơdroăng ƀă troăng hơlâ, môi tiah: tơkŭm po hnê tŏn chêng koăng, xoăng; hnê hriâm ‘na kế tơmeăm ki kơnía git ‘na mơhno túa lĕm tro tung hngêi trung phôh thong, tơkŭm po rôh tơ’noăng, tơkŭm po mâu rôh tŏn chêng koăng vâ ôu eăng, mơhnhôk mâu ngê̆ nhân hiăng hnê ‘na tơdroăng ki mơhno túa lĕm tro chêng koăng ăm mâu rơxông ki pơtối.