Sap hâi lơ 14- 23/7, a hngêi tơ’noăng ivá  kong pơlê Dak Lak, pơlê kong kơdrâm Ƀuôn Ma Thuột, po hneăng mơgêi tơ’noăng Pri peăng ƀa long ki ối má Môi dêi tơnêi têa hơnăm 2023. Hneăng tơ’noăng  mê hiăng pơxiâm po a kơmăng hâi lơ 14/7, 8 khu kơnốu ƀă 6 khu kơdrâi kô tơ’noăng tơbriât châ ối má môi rơtế ƀă 2 khu (môi kơnốu, môi kơdrâi vâ to kơlo tơ’noăng a rôh Tơbriât kâ pri Tơ’noăng peăng ƀa long rah ngế ki rơkê má môi a  rôh tơ’noăng la ngiâ).

Ing mê, 8 khu kơnốu cho Vĩnh Long, Tíu xiâm Pơtâp ivá Mâu lêng, Kuân khu 3, Bến Tre, Trà Vinh, Kŏng an Pơlê kong kân Hồ Chí Minh, Quảng Nam ƀă Khu xiâm pơkuâ ngăn Kăn sát cơ động kô klâ pro 2 bảng, tơ’noăng hiăng tâi rôh má môi ah vêh tơ’noăng nếo vâ riân ngăn điêm, mâu khu ki ai điêm hên má môi, má péa rêm bảng kô châ chêh inâi tơ’noăng pơtối, klêi mê rah 2 khu ki châ ƀlêi  pơtối tơ’noăng kơ’nâi mê vâ tơbriât ngăn ngế ki lâi châ kâ.

A tơdroăng tơ’noăng dêi vâi kơdrâi, 6 khu cho Thái Nguyên, Hà Nội, Hải Dương, Vĩnh Long, Hậu Giang rơtế ƀă Khu tơ’noăng dêi Dak Lak kô tơ’noăng  môi hdrôh vâ châm điêm, mâu khu ki ki ối má môi, má péa kô tơ’noăng mơgêi tơbriât ngăn ngế ki lâi châ  kâ.