Kong măng lơ 5/6, Khu tơkŭm po tơbâ mâu hâi leh kân Pơlê kong kân Hồ Chí Minh tơkŭm po tơdroăng ngê̆ thuât ki tơviah tơbâ 133 hơnăm hâi kot mâ Pôa Hồ Chí Minh lơ 19/5 ƀă tơbâ 112 hơnăm hâi Pôa Hồ lăm tăng troăng tŏng xo tơnêi têa lơ 5/6. Ƀă inâi “Ối đi đo ƀai hơdruê Hồ Chí Minh”, tơdroăng ngê̆ thuât kố cho vâ hnê khĕn mâu rơxông nôkố pôi tá chiâng piu hnoăng cheăng kân kĭn dêi Hồ Chí Minh.

Tơdroăng ngê̆ thuât châ mơđah bro 3 hneăng “Tơdroăng hơdruê xuăng tung hiâm mơno pói vâ”, “Pleăng ăm Pôa rơpâu rơná reăng hnoăng tơplâ ƀlê trâng kân” ƀă “Pơlê kong kân Hồ Chí Minh – Hlê plĕng, rơkê, tơrŭm”. Ƀă mâu ƀai hơdruê môi tiah “Dấu chân phía trước”, “Người Cộng sản đầu tiên”, “Bác đang cùng chúng cháu hành quân”, “Tiến về Sài Gòn”, “Như có Bác trong ngày vui đại thắng”, “Tiếng hát từ Thành phố mang tên Người”, mâu ƀai hơdruê xuăng ki hơniâp ro hiăng vêh mơhno tơdroăng ki pá puât dêi Pôa Hồ a kong têa ê, tá troh drêng vêh ngi tơnêi têa tơplâ, pơchuât Hlá mơéa tối tơbleăng Tơniăn krê, pơxiâm ai tơnêi têa Việt Nam Dân chủ Cộng hòa.