VOV4.Sêdang - Pêi pro tiô tơdroăng pơkâ kơxo# 37 dêi Khu xiâm ngăn pơkeăng [a\ khăm pơlât, sap ing hâi lơ 1 khế 3 hơnăm 2016, mâu hngêi pơkeăng tơnêi têa mơ’no liăn tung lâp tơnêi têa hiăng tơku\m hơ’lêh mơdêk yă to kơnâ 30% dêi 1 rơpâu 887 tơdroăng, ‘na pơkeăng [a\ khăm pơlât. Tơdroăng hơ’lêh yă roh kố kô kum ăm mâu hngêi pơkeăng pêi lo liăn tơniăn, choâ ‘lâng vâ tơniăn tung mơ’no hrê liăn, mơhnhôk kuăn pơlê veăng roê baoh hiêm khăm pơlât [a\ ngăn pơkeăng [a\ khăm pơlât, rak ngăn ivá châ chăn rế hía rế tơtro. {ai chêh dêi Mỹ Hạnh prế Đình Thi a hngêi pơkeăng kân pơlê kong kơdrâm {uôn Ma Thuột, kong pơlê Daklak ai mơnhên ‘na tơdroăng mê.

            A hngêi pơkeăng kân pơlê kong kơdrâm {uôn Ma Thuột, kong pơlê Daklak, tâi tâng kuăn pơlê pơrá hiăng ‘nâi ple\ng tơdroăng hơ’lêh yă pơkeăng [a\ khăm pơlât, xua mê drêng khăm pơlât kuăn pơlê hiăng ‘nâi nhên há. Tơdroăng khăm pơlât xuân tơ’lêi. Kơxo# mơngế tamo châi troh khăm pơlât môi hâi sap 800 troh 1 rơpâu roh ngế. Pôa Lê Bốn, ối a thôn 9, cheăm Hòa Thắng, pơlê kong kơdrâm {uôn Đôn tối ăm ‘nâi: A xuân ‘nâi yă pơkeăng [a\ khăm pơlât tâk kơnâ sap hâi lơ 1 khế 3. Laga ôh tá ple\ng nhên, ôh tá ‘nâi tâk to lâi. Laga drêng khăm pơlât ai baoh hiêm khăm pơlât, mê hlo yă xuân tâk ôh tá hên to lâi. Môi tiah á kơtêi kơtâu têi, mơheăm tâk, liăn pơkeăng xuân ôh tá tâk hên to lâi.

            Mơhé tâi tâng kuăn pơlê môi tuăn tơdroăng xúa yă ki nếo, laga xuân ai hên kuăn pơlê ối tô tuăn. Vâi tối tung pơla yă pơkeăng [a\ khăm pơlât tơ’noăng dêi pó mơdêk to yă rêm hâi môi tiah nôkố, mê tơdroăng mơhá hnoăng liăn pơkeăng [a\ khăm pơlât kô tâk tơ’nôm, pro pá [a\ rêm rơpo\ng hngêi, ki má lối cho [a\ mâu ngế ôh tá ai theh baoh hiêm khăm pơlât. Jâ Nguyễn Thị Lệ, ối a thôn 3 Bình Hòa, cheăm Hòa Thuận, pơlê kong kơdrâm {uôn Ma Thuột tối tiah kố: Drêng yă pơkeăng [a\ khăm pơlât to kơnâ, mê mơngế pêi chiâk deăng pá. Á xuân pói vâ yă tâk to kơnâ iâ tê, xua tơdroăng rêh ối pá puât mê vâi nếo roê theh baoh hiêm khăm pơlât [a\ hía hé.

            Klêi kơ’nâi tơdah xo tơdroăng pơkâ kơxo# 37 hơnăm 2015 dêi Khu xiâm ngăn pơkeăng [a\ khăm pơlât [a\ Khu xiâm pơkuâ rak liăn pơkâ hơ’lêh yă pơkeăng [a\ khăm pơlât, pơlât tamo châi [a\ theh baoh hiêm pơla mâu hngêi pơkeăng ki vâ tơdâng dêi pó tung lâp tơnêi têa, hngêi pơkeăng kân pơlê kong kơdrâm {uôn Ma Thuột hiăng tơku\m hnê mơhno ăm tâi tâng kăn [o#, mâu ngế pêi cheăng tung hngêi pơkeăng vâ hlê ple\ng nhên tơdroăng pơkâ. Tơdrêng amê mơjiâng tôh ki pêi pro yă a mâu hâi apoăng, tơdroăng pơkâ ai xêt khât ăm pêi pro. {ok thái pơkeăng Chuyên khoa 1, Lai Quang Miễn, kăn pho\ pơkuâ hngêi pơkeăng kân pơlê kong kơdrâm {uôn Ma Thuột tối ăm ‘nâi: Drêng po rơdâ pêi pro tơdroăng pơkâ kơxo# 37, ngin xuân trâm pá hên. Má môi, ngin hiăng hriăn ple\ng [a\ ‘nâi nhên tơdroăng dêi tơdroăng pơkâ. Klêi mê, ngin hiăng mơjiâng tôh pêi pro yă dêi tơdroăng pơkâ kố tung mâu tơdroăng tê pơkeăng, khăm pơlât [a\ baoh hiêm khăm pơlât, xua mê po rơdâ tơ’lêi hlâu.

            A kơpong k^ khăm pơlât, xo hnoăng liăn, hngêi pơkeăng hiăng pơtroh tơ’nôm kăn [o# hnê mơhno nhên ăm kuăn pơlê ‘na tơdroăng pơkâ kơxo# 37, chêh tâi tâng yă pơkeăng, kih thuât khăm pơlât, hnoăng khăm pơlât a tíu ai kơdrâm mơngế prôk vêh, vâ tơ’lêi hlo, môi tiah: Tíu k^ khăm pơlât, a mâu kơbong khăm pơlât [a\ a mâu kơbong pơlât tung hngêi pơkeăng.

            Nôkố hiăng ai 1 rơpâu 887 túa pơkeăng, kih thua#t, hnoăng khăm pơlât châ hơ’lêh yă, tâk 30%. Mâu ngế ki châ pêi pro cho mơngế ai theh khăm pơlât. Tiô xêo ngăn, kơlo hên iâ pơla hnoăng liăn khăm pơlât ai baoh hiêm khăm pơlât thế chêl ôh tá tâk hên tâng pơchông [a\ hdrối nah. Laga, [a\ kơlo chêl liăn phá tơ-ê dêi pó, mâu ngế tamo châi thế chêl hnoăng liăn pơkeăng, khăm pơlât phá dêi pó.

            Tiô khu kăn pơkuâ ngăn hngêi pơkeăng kân pơlê kong kơdrâm {uôn Ma Thuột tối, roh mơdêk yă pơkeăng, hnoăng khăm pơlât kô mơhnhôk kuăn pơlê veăng roê baoh hiêm khăm pơlât. Tâng veăng rôe baoh hiêm khăm pơlât, mơhé hnoăng liăn khăm pơlât tâk la kuăn pơlê xuân ôh tá tơdjâk hên, bu [a\ mơngế ki ôh tá ai baoh hiêm khăm pơlât kô chêl liăn hên tâ drêng khăm pơlât.

{ok thái pơkeăng Chuyên khoa I Lại Quang Miễn, Kăn pho\ pơkuâ hngêi pơkeăng kân pơlê kong kơdrâm Buôn Ma Thuột ăm ‘nâi tơ’nôm: Rêm khế, ngin ai mơjiâng khu kơ-êng ngăn hiâm mơno pói vâ dêi mâu ki châi tamo. Klêi séa ngăn sap khế 1 hơnăm 2016 châ 97%. Mơhé vâ mâu tơdroăng ki lâi nếo ai, tâng mâu tíu ‘nâi nhên, [ă hnê tối tơbleăng teăm tơdrêng mê tơdroăng ki tơpui tối tô tuăn dêi kuăn pơlê kô kơdroh hên [ă hía hé.

Tiô hlá mơ-éa pơtroh ing râ kơpêng kơxo# 37, yă khăm pơlât tâk, tơkéa vâ tối [ă ki hngêi pơkeăng ki lâi ai krâm mâu ngế châi tamo kô ai theh baoh hiêm khăm pơlât, hngêi pơkeăng ki mê kố pro tâk tơ’nôm kơxo# liăn xo. Ing mê ai tơ’nôm kơxo# liăn vâ ‘no hbrâ ‘mâi rơnêu, rôe mâu tơmeăm ki le\m tâ, rôe pơkeăng pơlât ki xêt tâ, xuân môi tiah ‘no liăn ăm [ok thái pơkeăng mơhriâm tơ’nôm vâ mơdêk ki rơkê ple\ng ăm mâu kăn [o# ngăn pơkeăng vâ ai kế tơ-meăm, pơkeăng khăm pơlât ki le\m xêt tâ ăm mâu châi tamo. Xua mê, tung la ngiâ, Hngêi pơkeăng kân pơlê kong kơdrâm Buôn Ma Thuột kô ‘mot tơ’nôm mâu ngế pêi cheăng, ‘mâi mơjiâng pro, hbrâ mâu kế tơmeăm khăm pơlât ki dâi le\m vâ tơ’mot hên kuăn pơlê châi tamo troh pơlât  a hngêi pơkeăng kố.

Tiô tơdroăng chêh tối dêi khu xiâm ngăn pơkeăng [ă khăm pơlât, troh khế 7 hơnăm 2016, yă liăn nâp pơlât pơtối to kơnâ tâ tâng vâ pơchông [ă yă ki ton. ‘Na ki ton ta ah, tơdroăng ‘mâi hơ’lêh yă khăm pơlât kô châ pêi pro [ă rêm ngế. Xua mê, kuăn pơlê kal veăng rôe baoh hiêm khăm pơlât vâ châ pro pơxúa ăm tơná tung khăm pơlât. Vâ ví tơdroăng ki ôh tá ai liăn, oh tá kâi nâp liăn pơlât drêng ai tơdroăng châi tamo râ.

Gương prếi A Sa Ly tơplôu [a\ tơbleăng