Pôa Nguyễn Xuân Cường, Ngế xiâm ngăn 'na pêi chiâk deăng [a\ mơnhông mơdêk thôn pơlê

Êng: Ô pôa, pôa ai hlo môi tiah lâi ‘na tơdroăng vâ mơnhông pêi chiâk deăng tiô túa nếo tung lâp plâi tơnêi xuân môi tiah a Việt Nam dế nôkố?

Pôa Nguyễn Xuân Cường:  Pin hiăng ‘nâi nhên, tơdroăng pêi chiâk pêi deăng tiô túa nếo cho túa pêi chiâk deăng ki pro krúa le\m ăm hyôh kong prâi, tơnêi tíu, veăng kum kal khât vâ ‘mâi mơnhông, mơdêk nhâ loăng ki ai xêh tung kong [ă mâu tơmeăm pêt xuân cho tơmeăm ki dâi le\m, kơhiâm vâ kum mơ’rêh ăm tơná kuăn mơngế ki kâ.

Mơnhông mơdêk ‘na pêi chiâk deăng tiô túa nếo dế cho hnoăng cheăng ki dế pêi pro dêi lâp plâi tơnêi, ai 43 rơtuh ha tơnêi dế châ pêi pêt kế tơmeăm tiô túa nếo, tơdroăng tê mơdró a kơchơ ai dâng 80 rơtal dollar [ă ivá ki mơnhông tung mâu hơnăm achê pơla kố ga re\ng ‘nâng.

Việt Nam cho tơnêi têa ki pêi chiâk pêi deăng, pin ôh tá xê to tơku\m mơnhông re\ng ‘na pêi chiâk pêi deăng tiô túa ki vâ mơ’no tê dêi kế tơmeăm, tiô túa ki vâ rôe xúa mê ối athế hlê ple\ng nhên troh tơdroăng ki pêi chiâk pêi deăng tiô túa nếo kố.

  Êng: Pôa ai mơnhên tối tiah lâi ‘na roh ki vâ châ tơ’lêi hlâu xuân môi tiah tơdroăng pơloăng mơnúa dêi kơvâ pêi chiâk pêi deăng dế nôkố, drêng pêi pêt tiô túa nếo kố?

Pôa Nguyễn Xuân Cường: Vâ mơnhông mơdêk pêi chiâk pêi deăng tiô túa nếo, pin athế hlo nhên ai hên kế tơmeăm xuân môi tiah tơdroăng ki pơloăng mơnúa. Ing mê, kal ai ai tơdroăng rơtế pêi pro tơdrêng dêi rêm râ, môi tiah: Chin phuh, mâu khu pêi ‘na tơdroăng cheăng kâ [ă kuăn pơlê.

Ai ti mê ‘nôi, pin nếo châ xúa tơdroăng ki tơtro ‘na tê mơdró kâ, ‘na kế tơmeăm ki ai tơdjâk troh sinh hok, mâu túa ki ê, tơdrêng amê, ‘mâi mơnhông ‘na mâu tơdroăng ki dế u ối dế nôkố dêi kơvâ pêi chiâk pêi deăng Việt Nam vâ pro ti lâi mơnhông ki tơ-[rê tung pêi chiâk pêi deăng tiô túa nếo tung la ngiâ ah, tơdrêng amê, kô pơtối mơnhông tơdroăng pêi chiâk pêi deăng Việt Nam ai lo kế tơmeăm vâ tê mơdró, tơru\m cheăng, tơtro [ă hyôh kong prâi ki hơ’lêh tung lâp plâi tơnêi.

Êng: Ing lâi cho troăng hơlâ ki Khu xiâm ngăn ‘na chiâk deăng [ă Mơnhông thôn pơlê vâ tối tơbleăng ăm Chin phuh tung la ngiâ vâ mơnhông pêi chiâk deăng tiô túa nếo?

Pôa Nguyễn Xuân Cường: Tung mâu troăng hơlâ vâ thăm mơnhông ‘na pêi chiâk pêi deăng tiô túa nếo, túa pêi ki apoăng athế ‘mâi rơnêu khu cheăng, mâu troăng hơlâ, túa pơkâ cheăng vâ thăm mơnhông ‘na pêi chiâk pêi deăng tiô túa nếo. La ngiâ kố ah, Khu xiâm ngăn ‘na chiâk deăng kô tơru\m cheăng [ă mâu khu râ ai tơdjâk troh vâ pêi pro klêi tơdroăng pơkâ ‘na pêi chiâk pêi deăng tiô túa nếo vâ pơtroh ăm Ngế pro xiâm hnê ngăn Chin phuh re\ng mơ’no troăng hơlâ vâ pêi pro tung mâu hâi khế achê má môi.

Rơtế amê, Khu xiâm ngăn ‘na chiâk deăng xuân pơcháu hnoăng cheăng mơjiâng pro ‘’Tơdroăng tơkêa pêi mơnhông pêi chiâk pêi deăng tiô túa nếo Việt Nam’’ tung la ngiâ kố ah. Pak^ng 2 tơdroăng ki xiâm dêi hlá mơ-éa chêh tối ‘na luât ki kố, la ngiâ kố ah, Chin phuh kô pơcháu hnoăng cheăng ăm mâu Khu xiâm, kơvâ cheăng rơtế tơku\m mơjiâng luât ki vâ mơnhên ga cho xêt, mâu luât ki pơkuâ ngăn hnoăng cheăng.

Ing mê ah, mơhnhôk thế tâi tâng mâu khu pơkuâ cheăng, khu mơdró kâ, khu pêi cheăng tơru\m [ă kuăn pơlê ki veăng pêi tơku\m vâ mơnhông pêi chiâk pêi deăng tiô túa nếo. Tơdrêng amê, ai troăng hơlâ ki nhên vâ tơ’mot tơdroăng ki châ ‘no liăn, to\ng kum dêi kong têa ê, ai tá mâu tơdroăng ki ‘no liăn tơdrêng troh a hnoăng pơkuâ ngăn, mâu ki rơkê ple\ng ‘na khoa hok kih thuât; tơru\m cheăng [ă mâu khu râ cheăng tung tơnêi têa pin vâ ing mê, thăm mơnhông ó tâ nếo kơvâ pêi chiâk pêi deăng tiô túa nếo.

 Mơnê kơ êh pôa!

Minh Long chêh

Nhat Lisa tơplôu [ă tơbleăng