VOV4.Sêdang - Kơxo lơ 20/4, pôa Nguyễn Xuân Phúc, Ngế pro xiâm hnê ngăn tơnêi têa pêi cheăng [ă kăn pơkuâ dêi Pơlê kong kân Hà Nội. Ngế pro xiâm hnê ngăn tơnêi têa pơkâ thế tơdrêng [ă hnoăng cheăng hbrâ mơdât pơreăng, hơnăm kố Hà Nội athế mơ-eăm pêi klêi mâu tơdroăng pơkâ tiô túa ki hiăng pơkâ mơ’no sap ing apoăng hơnăm, tung mê, ai tá tơdroăng mơdêk, tăng cheăng pêi, nâp liăn, veăng kum tung mâu tơdroăng pơkâ dêi lâp tơnêi têa tung hơnăm kố.

Xua tơdroăng ki khât hneăng má 1 kố nah, cheăng kâ dêi Pơlê kong kân bu to tá hâi troh 4%, tung pơla Hà Nội cho tíu xiâm cheăng kâ dêi tá kơpong pơlê kong xiâm [ă lâp tơnêi têa. Kơhnâ, tơdâng, pơkâ tơleăng mâu tơdroăng ki tơvâ tơvân mơnhông cho tơdroăng ki Ngế pro xiâm hnê ngăn tơnêi têa, hnối tối nhên, Hà Nội kal athế pêi pro rơdêi khât.

Ngế pro xiâm hnê ngăn tơnêi têa xuân pơkâ thế Hà Nội pêi pro tro hnoăng cheăng hneăng hôp Đảng [o# rêm râ, pro tơdroăng ki ó rơdêi [ă lâp tơnêi têa tung pơla pêi pro troh Hneăng hôp Đảng lâp tơnêi têa rôh má 13.

Katarina Nga tơplôu [ă tơbleăng