VOV4.Sêdang - Kơxo lơ 6/5, a pơlê kong kơdrâm Biên Hòa, kong pơlê Đồng Nai, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp tơpui mơnhông cheăng kâ kal kơpong peăng hdroh tơnêi têa, kơpong cheăng kâ ki xiâm ki djâ troăng ahdrối tung lâp tơnêi têa.

Ngế pro xiâm hnê ngăn tơnêi têa pơkâ thế mâu kăn tơku\m tơpui tơno, séa ngăn tơdroăng mơnhông mơdêk cheăng kâ- rêh ối hơnăm kố troh hơnăm 2020 vâ kơdroh tah mâu tơdroăng xahpá vâ pê klêi hnoăng pơkâ, hnoăng cheăng ki hneăng hôp kân Đảng má 12 hiăng pơkâ. 

Ăm ‘nâi tơdroăng tung hơnăm kố, ai hên ki xahpá môi tiah hyôh kong prâi ôh tă tơniăn, pơreăng tâ tú, yă tê tơmeăm tung lâp plâi tơnêi, malối, têa châu têa kơxăng, ai tơdroăng hơ’lêh, hơkăng tung tê mơdró pơla Mih- Sinuâ [ă tơdroăng ôh tá tơniăn ‘na kal kí a mâu kơpong, tơdjâk troh cheăng kâ tung lâp plâi tơnêi [ă tơnêi têa.

Ngế pro xiâm hnê ngăn tơnêi têa tối nhên, kơpong kố thế mơ-eăm tâ nếo, pak^ng tơdroăng cheăng kâ, mâu tơdroăng rêh ối xuân kal châ tơmâng tơleăng mơnhên. Ngế pro xiâm hnê ngăn tơnêi têa tối nhên, ôh tá tối hên hnoăng mê tối tơdrăng ki ôh tá tơ-[rê, ki tơvâ tơvân, ki pá ki pin trâm nôkố vâ tơkâ luâ, vâ Tíu xiâm tơnêi têa, Chin phuh, mâu khu xiâm kơvâ cheăng ‘nâi nhên klêi mê tăng troăng pro tơ’lêi hlâu vâ mơnhông mơdêk kơpong, ki hdrối cho kơdroh tah xahpá  mơdêk pê lo tơneăm tung hơnăm kố [ă troh hơnăm 2020.

Gương tơplôu [ă tơbleăng