VOV4.Sêdang – Drêng troh leh tơbâ 90 hơnăm Hâi mơjiâng Măt tra#n tơnêi têa Việt Nam, kơxêi lơ 18/11, pôa Nguyễn Xuân Phúc, Ngế pro xiâm hnê ngăn tơnêi têa hiăng veăng hôp Hâi tơru\m hdroâng kuăn ngo a thôn Phù Liễn, cheăm Hồng Phong, tơring Nam Sách, kong pơlê Hải Dương. Xông tơpui a hâi leh, Ngế pro xiâm hnê ngăn tơnêi têa rơkâu kuăn pơlê Phù Liễu tối krê, kong pơlê Hải Dương tối tơchoâm tung hơnăm hdrối mê hía nah hiăng tơru\m dêi rơpó, mơnhông kong pơlê xông tơ-[rê. 

Pôa nguyễn Xuân Phúc, Ngế pro xiâm hnê ngăn tơnêi têa a Hâi hôp tơru\m môi tuăn hdroâng kuăn ngo.

Ngế pro xiâm hnê ngăn tơnêi têa púi vâ Măt tra#n rêm râ hơ’leh troăng hơlâ cheăng, achê kuăn pơlê, hmâ [ă kuăn pơlê tâ nếo tung tơdroăng cheăng Măt tra#n cho xiâm dêi ‘’troăng hơlâ Đảng, tro tuăn kuăn pơlê’’, vâ Măt tra#n cho tíu ki tơdjêp ‘na troăng hơlâ kăch măng a kong pơlê, cho tíu ki púi tơngah xuân môi tiah hnoăng veăng ‘no dêi rêm ngế kuăn pơlê, djâ tơnêi têa pin xông tơ-[rê.

Xông tơpui [ă kuăn pơlê a thôn Phù Liễu, cheăm Hồng Phong, pôa Nguyễn Xuân phúc tối phiu ro drêng châ veăng hôp hâi tơru\m môi tuăn hdroâng kuăn ngo a Hải Dương, kơpong tơnêi ki ai mơnhông mơdêk re\ng tung hơnăm hdrối mê hía nah.

Gương tơplôu [ă tơbleăng