VOV4.Sêdang - Tung pơla yă on tơhrik to kơnâ, tơdroăng xúa on tơhrik mâ hâi kô kum hên rơpo\ng hngêi châ hluăn ing tơdroăng tô tuăn xâu yă on tơhrik lơ pơtối to kơnâ. Ki kal luâ tâ kơ mê, kố cho ki xiâm vâ kum ăm tơdroăng pro krúa le\m ăm tơnêi tíu, hyôh kong prâi.

Cho ko\ng ti mơjiâng pro kế ki krâ tơmeăm, kơxo# liăn on tơhrik rêm khế cho hên, xua mê khu kăn pơkuâ Ko\ng ti pêi cheăng tiô rơnó môi khu pro kế ki krâ tơmeăm Hồng Đào a kơpong hngêi kơmăi kơmok Hòa Khánh, pơlê kong kân Đà Nẵng thế tăng troăng vâ kơdroh kơxo# liăn mơjiâng pro.

Khu tê mơdró vêh hơ’lêh tơdroăng cheăng, kơdroh roh tiê mơ’no kơmăi [a\ tơdroăng mơjiâng pro tơmeăm a chôu ki iâ ngế pêi, kơdroh xúa on tơhrik. Laga mê cho mâu túa pêi pơtân. Khu tê mơdró kố hiăng tơmiât troh troăng xúa on tơhrik mâ hâi a kuâ hngêi. Ahdrối, khu tê mơdró kố krâ mơnúa on tơhrik kơtâu [a\ mâ hâi a tíu pêi cheăng xiâm dêi ko\ng ti [a\ kơxo# liăn vâ chê 300 rơtuh liăn.

On tơhrik kơtâu [a\ mâ hâi a kuâ hngêi ôh tá tô ăm rơpo\ng hngêi

Pôa Phạm Ngọc Bình, Kăn pơkuâ Ko\ng ti pêi cheăng tiô rơnó mơjiâng kế ki tâ tơmeăm Hồng Đào tối ăm ‘nâi:

‘’Tiô pơkâ mê mơ’nui khế 6, apoăng khế 7/2019 kố, tâi tâng on tơhrik mâ hâi xúa a tíu pêi cheăng xiâm kô xúa on tơhrik kơtâu [a\ mâ hâi. Pơla kố tâng on tơhrik kơtâu [a\ mâ hâi tơniăn mê kô xúa on tơhrik kơtâu [a\ mâ hâi a hngêi kơmăi peăng hdroh Đà Nẵng. {a\ kong tô môi tiah kố, on tơhrik kơtâu [a\ mâ hâi kô cho túa kum ăm khu tê mơdró kơd^ng kơdroh kơxo# liăn xúa on tơhrik, liăn ‘na mơhá mơngế pêi cheăng’’.

Kơpong peăng tơdế Tơnêi têa [a\ Tây Nguyên ai ki trâ tô mâ hâi [a\ nôkố tô ó, cho kế ki vâ mơnhông mơjiâng pro on tơhrik mâ hâi a kuâ hngêi. Tơdroăng xúa on tơhrik kơtâu [a\ mâ hâi a kuâ hngêi ai hên pơxúa môi tiah: kơd^ng liăn on tơhrik, kô chiâng tê on tơhrik ki rơlối ôh tá xúa ăm kơvâ on tơhrik.

On tơhrik krúa le\m [a\ kong prâi

Tiô xêo ngăn, 1 rơpo\ng krâ on tơhrik kơtâu [a\ mâ hâi a kuâ hngêi ai [a\ng dâng 14 met karê, ivá on tơhrik dâng 2kWp, dâng 270 kWh, kơxo# liăn mơ’no 1kWp cho hía 20 rơtuh liăn. Tiah mê, tâi tâng kơxo# liăn rơpo\ng mơ’no dâng 40 rơtuh liăn. Laga, on tơhrik mâ hâi mơjiâng ăm rơpo\ng xúa dâng 30%, ki ê 70% kô tê ăm kơvâ on tơhrik.

Pak^ng mê, on tơhrik a kuâ hngêi ối hbrâ mơdât tô ăm rơpo\ng, tíu pêi cheăng… Pôa Mai Văn Chung, Kăn pơkuâ mơnhông mơdêk tê mơdró, Grup pơkuâ on tơhrik mâ hâi Bách Khoa tối ăm ‘nâi, ki tô a kơpong peăng tơdế tơnêi têa iâ tâ tâng pơchông [a\ kơpong peăng hdroh tơnêi têa; Laga, kơxo# liăn mơ’no liăn on tơhrik kơtâu [a\ mâ hâi xuân rơpâ tâ [a\ kơd^ng tâ tâng pơchông [a\ on tơhrik tơnêi têa nôkố:

‘’Akố pin thế ngăn tiô yă on tơhrik ki dế rôe ing hngêi kơmăi on tơhrik. {a\ rơpo\ng xúa on tơhrik hên mê dế rôe [a\ yă kơnâ, dâng 2.800 – 2.900 liăn mê mơ’no pro on tơhrik kơtâu [a\ mâ hâi vâ xúa tung rơpo\ng mê gá tro tâ, [a\ tê on tơhrik ăm tơnêi têa mê cho 1 troăng ki ê nếo. {a\ khu xúa on tơhrik vâ mơjiâng pro kế tơmeăm khoăng mê re\ng mơ’no liăn mê kô châ tê [a\ yă kơnâ, mê kô châ pơxúa xua vâi dế rôe [a\ yă rơpâ’’.

Pro xêh, xúa xêh on tơhrik kơtâu [a\ mâ hâi a kuâ hngêi [a\ tơdroăng mơjiâng dế cho troăng prôk châ rah pêi pro a hên kong têa tung lâp plâi tơnêi. Kố cho on tơhrik ki vêh pro, rak vế kong prâi, ôh tá xê ôh tá tu\m môi tiah on tơhrik kơtâu [a\ tơmeăm tung kơdâm tơnêi.

Laga, troh nôkố, kơxo# kuăn pơlê xúa on tơhrik kơtâu [a\ mâ hâi a kơpong peăng tơdế - Tây Nguyên tối tơdjuôm [a\ pơlê kong kân Đà Nẵng tối phá xêh a kơlo ki iâ. Xêo troh nôkố, kơpong peăng tơdế Tơnêi têa – Tây Nguyên ai vâ chê 400 kuăn pơlê krâ on tơhrik a kuâ hngêi tơdjêp [a\ troăng kơxái on tơhrik Ko\ng ti on tơhrik peăng tơdế tơnêi têa.

Jâ Nguyễn Thị Mai, Kăn pho\ pơkuâ Kơmăi kơmok – tê mơdró pơlê kong kân Đà Nẵng tung la ngiâ ah:

‘’On tơhrik kơtâu [a\ mâ hâi a kuâ hngêi, kố cho môi troăng mơnhông on tơhrik ki kơjo dêi pơlê kong kân xua tơnêi dêi pơlê kong kân ôh tá ai hên xêo. Kố cho túa mơjiâng on tơhrik krúa ăm pơlê kong kân. {a\ tung pơla kố nah Vi [an pơlê kong kân xuân pơcháu ăm Khu pơkuâ kơmăi kơmok tê mơdró pơkuâ tơbleăng mơjiâng tơdroăng tơkêa mơnhông mơjiâng hngêi kơmăi on tơhrik a kuâ hngêi, [a\ tơdroăng cheăng kố mê ngin dế pêi pro’’.

VOV Miền Trung chêh

A Sa Ly tơplôu [a\ tơbleăng