VOV4.Sêdang - Nôkố, hên mâu ngế nôu hiăng hlê ple\ng [ă ‘nâi păn rak dêi kuăn [ă têa tôu nôu, púi vâ ăm dêi kuăn tơná ai trếo ki pơxúa le\m má môi ki khoa hok hiăng mơnhên. La păn che\m kuăn [ă têa tôu nôu môi tiah lâi vâ ai tơ-[rê má môi, ôh tá xê ngế nôu ki lâi xuân ‘nâi. Kơ’nâi kố, pó vâi krâ nho\ng o kô tơmâng rơkong hnê tối dêi [ok thái pơkeăng chuyên khoa 2 Hoàng Ngọc Anh Tuấn, kăn pơkuâ Kơvâ to\ng kum pro mo le\m ivá vâi hdrêng [ă mâu kuăn nga nếo kot mâ, Hngêi pơkeăng kân kong pơlê Daklak tối ‘na tơdroăng kố.

*Ô [ok thái pơkeăng, mâu tơdroăng ki pơxúa ki têa tôu nôu ăm kuăn âu cho ki klâi?

Tiâ: Têa tôu nôu cho ki xiâm tơ’mot ăm kuăn ‘ne\ng ai trếo kơhiâm ki le\m má môi. Tung têa tôu nôu ối ai hên trếo ki le\m vâ kum ăm kuăn ‘ne\ng kâi tơplâ mơdât [ă mâu pơreăng. Vâi ‘ne\ng châ âu têa tôu nôu kô châ king hluăn ing mâu tơdroăng châi tiah tối a kơ’nâi kố:

-Mâu tơdroăng châi tâ tú ki hmâ trâm.

-Mơ-êi tơdế tuăn, châi klêa râ, rơtốu krôk [ă kơ-o he#n, lối piê luâ râ.

-Nu\m nheăn a vâi ‘ne\ng.

-Lơ kơdrâ hlâ a vâi ‘ne\ng

*Ô [ok thái pơkeăng, ăm kuăn âu môi tiah lâi ki tro tơdroăng?

Tiâ: Klêi kuăn ngá klêh klêa nôu thế ăm gá âu hlối, rế re\ng ăm âu rế tro vâ kuăn ngá châ triê têa tôu nôu ki ai hên trếo kơhiâm [ă trếo ki kâi kơdê pơreăng.

-Hdrối vâ ăm kuăn âu, thế xut le\m tơxui tôu [ă ai têa tôu nôu ki krúa, tiê tah têa tôu ki lo apoăng.

-Rêm hdroh bú ăm âu môi pâ tê.

-Tâng ngế ‘ne\ng âu ôh tá tâi têa tôu, thế tiê tah têa tôu ki rơlối. Rôh apoăng thế ăm âu tá kơmăng.

-Ngế ‘ne\ng âu têa tôu nôu tro: drêng keăng gá chuih a tôu nôu, rơkong gá há kân, tơliê pá xôp gá lo pá gong.

Túa âu tôu nôu ki tro: ko [ă châ ngế ‘ne\ng tut a tơxui tôu, châ gá ôi chuih châ dêi nôu, nôu gá thế kơbin tâi châ dêi kuăn ‘ne\ng. 

-Tâng ngế ‘ne\ng tro kơtâk, lo lố, thế kơbin mơdâng ngế ‘ne\ng môi péa phut hnối têa chôa ‘lâng, lơ pơlếo chôa ‘lâng  a ro\ng.

*Drêng ăm vâi ‘ne\ng âu, thế tơtro\ng mâu tơdroăng klâi ô [ok thái pơkeăng?

Tiâ: Ăm vâi ‘ne\ng âu rêm hâi, âu rế hên rế tro tâng gá vâ âu thế ăm âu hlối.

-Vâi vâi ‘ne\ng châ âu tôu nôu tung pơla dế lăm pêi cheăng, thế tiê xo têa tôu nôu ‘măn tung kơ’lo cháa lơ kơ’lo pro [ă nhe\ng, ‘măn rak tung kơtuh hngiú. Pro hơtô têa tôu drêng ngế ’ne\ng ôu [ă ‘măn kơ’lo têa tôu  tung mo\ng ki ai lếo têa tô, pế lơ ‘măn pá pêng mo\ng têa ki tô vâ ăm têa tôu nôu mê tơtô le\m.

Drêng vâi ‘ne\ng châi klêa êak lo têa, xuân pơtối ăm âu tôu nôu [ă ăm âu hên tâ hâi ki ê.

-Thế ăm ngế ‘ne\ng âu ta troh 24 khế ah.

*Ngế nôu thế pêi pro klâi vâ têa tôu ai tu\m trếo ki le\m [ă ai hên vâ ăm ngế ’ne\ng âu?

Tiâ: Ngế nôu thế ôu kâ hên túa kế kâ, pak^ng 3 hdrôh kâ tung môi hâi thế kâ i-ia tơ’nôm 2-3 hdrôh nếo. Thế kâ mâu kế kâ ki ai hên Vitamin A môi tiah hơ’nêh, ká, kơtâ í, ôu têa tôu ro, kâ xi xo\ng, kơchâi hơpê, plâi ai mơngiơk tr^ng, kâ plâi krui. Têa tôu nôu kô pro hên trếo ki le\m tung têa tôu tâng ngế nôu kâ ôu tu\m trếo kơhiâm, pôi tá pơrah.

-Mâu ngế nôu xuân kal thế tơtro\ng, tơdroăng tơche\ng tơmiêt xuân cho tơdroăng ki kal, đi đo thế ối hơniâp ro, pôi tá tô tuăn hên vâ ai têa tôu ăm kuăn ‘ne\ng âu.

Mơnê kơ [ok thái pơkeăng!

Gương prếi A Sa Ly tơplôu [ă tơbleăng