Mơnhên tối klêi kơ’nâi 3 hơnăm pêi pro tiô tơdroăng pơkâ kơxo# 05 dêi khu xiâm pơkuâ tơdroăng kal kí ‘na ‘’Mơdêk hriâm tâp [ă pêi pro tiô troăng tơdjâ hiâm mơno Hồ Chí Minh’’’, Khu pơtâng tối tíu xiâm tơnêi têa [ă khu mâu kăn kong pơlê kơpong Tơdế Tơnêi têa – Tây Nguyên’’, tối nhên, tơdroăng pêi pro tiô pơkâ kơxo# 05 ai hên hơ’lêh nếo, hlê ple\ng, tơtro [ă tơdroăng pêi pro hnoăng cheăng kal kí dêi kong pơlê, [ă hnoăng cheăng mơjiâng, ‘mâi rơnêu Đảng, mơjiâng troăng hơlâ kal kí [ă tơdroăng pơkâ tơ’noăng a rêm kong pơlê, kơ koan, tíu pêi cheăng.

Pôa Hà Trung Ký, kăn pơkuâ khu pơtâng tối cheăng Đảng kong pơlê Dak Nông tối nhên, kong pơlê hiăng rah xo tro ‘ló mâu tơdroăng ki ối tô tuăn vâ tơku\m pơkâ tơleăng tơdroăng ki hơlêh nhên tung hriâm tâp [ă pêi pro tiô Pôa Hồ hnê:

‘’{ă Dak Nông ngin ngăn kơ tiô rôh, ngăn tiô kơ kong pơlê ki mơnhên túa ki xiâm. Tơdroăng ki xiâm a Dak Nông cho tơdroăng ki rak ngăn kong, rak ngăn xúa tơnêi tơníu, troăng hơlâ chêl thie#n ‘na tơdroăng ki xo mâu tơnêi tơníu [ă pơkâ tơleăng kăn [o# pơkuâ a rêm râ drêng hlo ai tơdroăng ki pro xôi.

Kho\m mơ-eăm pơxâu phâk kơtăng mâu kăn pơkuâ xiâm xua Khu pơkuâ rak ngăn. Pơla kố nah Dak Nông pơxâu phâk kơtăng. Xuân châi heăng la xuân ối rak kơtăng tơdroăng ki phâk thâ pơtê cheăng Đảng a mâu kăn pơkuâ, tơdroăng kố cho athế pêi pro khât’’.

Tíu ki po hôp

Ki khât gá ăm hlo, Khu pơkuâ ngăn Đảng kong pơlê, pơlê kong kơdrâm kơpong peăng Tơdế tơnêi têa [ă Tây Nguyên tung pêi pro pơkâ kơxo# 05 hiăng rah xo mâu tơdroăng ki xiâm [ă pêi pro tơdroăng tơhrâ pêi tiô, tơtro [ă tơdroăng ki hvái ngăn dêi tơdroăng cheăng tơná [ă tơdroăng ki pêi pro tơdroăng pơkâ, mơdêk hnoăng cheăng djâ troăng ahdrối dêi ngế ki pơkuâ xiâm, kăn [o# kăn pơkuâ xiâm [ă đảng viên, mơdêk hnê hriâm l^ luăn tơdroăng kal kí, tuăn hiâm tơmiât, tơdroăng rêh ối, túa pêi cheăng Hồ Chí Minh, mơjiâng châ lối hr^ng túa pơkâ nếo, túa pêi ki tro rơkê ple\ng, túa pơkâ tơdjuôm ivá mơjiâng thôn pơlê nếo dêi kong pơlê Quảng Ngãi, túa pơkâ cheăm tơniăn le\m rơpo\ng hngêi tơru\m hơniâp ro dêi kong pơlê Quảng Bình, túa pơkâ kơd^ng pêi pro tiô rơkong Pôa Hồ hnê dêi kong pơlê Dak Lak [ă hía hé.

Mâu kăn tối tơbleăng a rôh po Hneăng hôp

Laga pak^ng tơdroăng ki hiăng pêi pro, klêi mê, tiô hên ngế kăn tối, tơdroăng pêi pro kơxo# 05 xuân dế ối hlo ai tá hâi pêi pro klêi vâ ‘mâi rơnêu. Jâ Bùi Thị Quỳnh Vân, kăn cheăng tung Tíu xiâm Đảng, kăn pho\ pơkuâ ngăn Đảng, kăn hnê ngăn Ho#i đong hnê ngăn kong pơlê Quảng Ngãi, ăm ‘nâi:

‘’Tơdroăng ki djâ troăng ahdrối dêi mâu kăn [o# pơkuâ xuân tá hâi châ pêi pro tro tiô môi tiah tơdroăng pơkâ thế, tiô túa pơkâ mơ’no. Má péa, cho hnê mơhno dêi mâu râ Đảng a tíu pêi cheăng râ kăn pơkuâ ngăn Đảng tơring [ă cheăm xuân tá hâi trâu hơngế.

Má pái, tá hâi ai tơdroăng ki môi tuăn tung tơdroăng ki pin pêi pro sap ing hriâm tâp tá troh pêi pro tiô. Má pu\n, tơdroăng ki chêh inâi pêi pro tiô dêi mâu kăn [o# kông chưk mâu tơdroăng ki chêh inâi xuân tá hâi hlo hơ’lêh’’.

Jâ Lê Thị Kim Đơn, kăn pơkuâ Khu pơtâng tối cheăng Đảng kong pơlê Kon Tum tối:

‘’Tơdroăng ki tối tơbleăng pêi pro tro la tơdroăng ki po rơdâ mâu túa pơkâ kố xuân tá hâi châ tơmâng ngăn khât. Má péa, cho hnoăng cheăng séa ngăn mê a mâu tơring, cheăm xuân tá hâi châ tơtro\ng. Kong pơlê tối tơbleăng la a râ tơring, cheăm ai mâu tíu cheăng xuân ối hlo ôh tá vâ hmâng tơdroăng kố’’.

Vâ tơdroăng ki hriâm tâp [ă pêi pro tiô troăng tơdjâ hiâm mơno Hồ Chí Minh tung hơnăm 2019 xuân môi tiah mâu hơnăm ki pơtối a mâu kong pơlê kơpong peăng Tơdế tơnêi têa [ă Tây Nguyên rế hía rế ai pơxúa khât, pơtối hơ’lêh ó khât tung tơdroăng ki hlê ple\ng, pêi pro dêi rêm ngế kăn [o#, đảng viên, khu lêng [ă kuăn pơlê, tung rêm khu tơru\m, pôa Bùi Trường Giang, kăn pho\ pơtâng tối cheăng Đảng tơnêi têa tối:

‘’Pin athế mơdêk rak vế tuăn hiâm tơmiât dêi Đảng ho\ng tơdroăng pêi pro tơtro rơkong dêi pôa Hồ Chí Minh, kăn xiâm hnê ngăn tơnêi têa pin hneăng apoăng hnê. Mơdêk hên tâ nếo hnoăng cheăng tối tơbleăng, đi đo, kơhnâ. Mơdêk ó mâu túa pơkâ tối tơbleăng. Athế mơdêk tối tơbleăng tung măng Facebook. Mơdêk tối tơbleăng tơdroăng kal tung Internet [ă mơ-eăm pêi pro tơdrêng vâ mơdât [ă mâu tơdroăng ki ‘mêi.

Má péa, á pơkâ thế pin pơtối hriâm tâp [ă séa ngăn inâi hơnăm 2019 mê cho tuăn hiâm ki xiâm loi nhuo#m kuăn pơlê dêi Pôa Hồ. Tơmiât tá troh lui loi nhuo#m Kuăn pơlê cho troăng hơlâ ki ton xo\n má môi tung tơdroăng hriâm tâp [ă pêi pro tiô troăng tơdjâk hiâm mơno dêi Pôa. Má pái, pin athế mơnhên tro mâu tơdroăng ki xiâm cheăng’’.

Khoa Điềm chêh

Katarina Nga tơplôu [ă tơbleăng