Tiô tơdroăng Ing Khu xiâm ngăn tê mơdró kong pơlê Dak Lak, ăm ‘nâi, sap apoăng hơnăm 2023 troh nôkố, lâp tung kong pơlê tê ăm kong têa ê châ lối 810 rơtuh dollars (tơ‘mô 19.000 rơtal liăn), tâk 2% tâng vâ pơchông ƀă hơnăm nah, ƀă châ 50,6% tiô pơkâ tung hơnăm. Ing mê, tơmeăm pê lo ing chiâk dêi Dak Lak tê ăm kong têa ê pro pơxúa  châ xo hên liăn xuân cho kơphế, pơtối mê, cho plâi loăng hôt, tiu, kơxu, tơmeăm xúa bro ƀă loăng ƀă mâu hdrê plâi.

Mê cho, 6 khế hdrối Dak Lak tê ăm kong têa ê châ 228.000 tâ̆n kơphế, châ xo dâng 485 rơtuh dollars, tơ’mô  vâ chê 12 rơpâu rơtal liăn; Má 2 cho plâi loăng hôt châ 2.500 rơtal liăn; Má 3 cho tiu dâng 1.800 rơtal liăn; ki u ối cho kơxu, mâu tơmeăm pro ƀă loăng ƀă mâu plâi kâ, phái, plâi mắc-ca. Pôa Huỳnh Ngọc Dương - Kăn phŏ tơdroăng pơkâ ăm ‘nâi, vâ pơtối rak vế ki mơdêk tâk xuân môi tiah tơniăn tơdroăng tê tơmeăm pêi lo ing chiâk deăng ăm kong têa dêi Dak Lak châ 1 rơtal 610 rơtuh dollars (dâng 38.000 rơtal liăn) tiô pơkâ hơnăm 2023. kơvâ tê mơdró mơ-eăm pêi lo tơmeăm pêi hên tơdroăng vâ kơjo kum khu mơdró tung tơdroăng tê mâu tơmeăm pêi lo ing chiâk deăng ăm kong têa  ê.