Pôa Nguyễn Hoài Dương, ngế pơkuâ ngăn pêi chiâk ƀă mơnhông thôn pơlê dêi kong pơlê Dak Lak ăm ‘nâi, tơdroăng mơjiâng khu pêt prêi sầu riêng Dak Lak hiăng pơkâ hên troăng ăm plâi sầu riêng Dak Lak ƀă Việt Nam châ tơƀrê tung la ngiâ.

Laga rôh pơxiâm, Khu ngăn plâi sầu riêng Dak Lak kô tơkŭm po, krếo mâu khu tơrŭm cheăng mơdêk tối tơbleăng kih thuât vâ kum mâu ngế pêi cheăng hlê ‘nâi nhên xiâm tơdroăng pêi cheăng ƀă pê lo kế tơmeăm hên tơdâng tơ’mô ‘na túa mơhno lĕm mơnâ mâ, lĕm krá, châ tơbriât tê. Ing mê, rôh tơrŭm cheăng tê mơdró ƀă tê plâi sầu Riêng kô tơ’lêi tâ. pro ai kơchơ tê mơdró ƀă yă tơniăn ăm kuăn pơlê, mâu ngế tung khu, chôa lâng mơnhông tơƀrê kơpong pêt loăng plâi  châ ai tiô pơkâ lĕm vâ châ tơbriât tê a kơchơ plâi sầu riêng Dak Lak.