Hâi lơ 14/7, Khu xiâm ngăn ‘na pêi pêt plâi sầu riêng kong pơlê Dak Lak tơkŭm po roh hôp tơdjêp tơdroăng tê mơdró plâi sầu riêng hơnăm 2023. A roh hôp mê, teăng mâ mâu khu mơdró uâ mơdiê plâi sầu riêng hiăng tối ‘na tơdroăng pêi pêt, rak ngăn, rôe xo, tê mơdró plâi sầu riêng a kơpong peăng Hdroh hơnăm 2023, ƀai mơhriâm ki tơtro ăm kong pơlê Dak Lak, mâu túa cheăng ki rơkê tung mơdâ pêt, rak ngăn, krí xo, chôu ‘măn, pơtối tê mơ’no plâi sầu riêng dêi mâu kong têa, mâu tơdroăng ki pá puât dêi tơdroăng mơ’no tê plâi sầu riêng.

Mâu khu pêi cheăng tơrŭm, khu cheăng tơrŭm ai tối ‘na tơdroăng pêi chiâk deăng, túa ki rơkê tung pơkuâ, pêi pro hnoăng cheăng dêi Khu pêi cheăng tơrŭm, ƀă mâu tơdroăng ki pá puât tung pơkâ pêi pro vê hdró kơpong pêt. A roh hop kố, Khu xiâm ngăn plâi sầu riêng kong pơlê Dak Lak hiăng kĭ tơkêa ‘na tơdroăng chôu vế ƀă khu xiâm mơnhông ‘na pêi chiâk pêi deăng, Kŏng ti tơlo liăn cheăng AutoAgri ƀă hnối mơhno tối ‘na Kŏng thong tin dêi Khu xiâm cheăng, ai inâi: Hiephoisauriengdaklak.org.vn vâ tơdjêp tơdroăng pêi pêt, rak ngăn, mơ’no tê tung khu kố.