Kố cho tơring má 2 dêi kong pơlê Dak Lak kơ’nâi tơring Krông Pač châ ăm mơ-éa mơnhên inâi plâi sầu riêng khu pú hên. Plâi sầu riêng Čư Mgar châ Kơ koan xiâm pơkuâ tuăn ngôa rơkê – Khu xiâm pơkuâ Khoa hok ƀă Kŏng ngê̆ ăm mơ-éa mơnhên kĭ inâi khu pú hên “Plâi sầu riêng Čư Mgar’’ hâi lơ 10/7/2023.

Mơ-éa mơnhên ai xêt khât 10 hơnăm riân sap hâi pro ăm. Kố cho xiâm kối luât vâ pro xiâm vâ tơring Čư Mgar pơtối mơnhông inâi ƀă mơdêk ki kơnâ tơmeăm plâi sầu riêng. Tơring Čư Mgar ai lối 4.100 ha plâi sầu riêng. Ƀăng deăng hiăng châ krí plâi 1.000 ha, pêi lo châ 20.000 tâ̆n. Troh nôkố, tơring Čư Mgar ai 13 khu tê mơdró tơrŭm pêt mơjiâng, hnê mơhno kih thuât, tê plâi ƀă mâu khu tơrŭm cheăng, tôh tơrŭm cheăng ƀă mơjiâng kêi đeăng hô sơ 37 mah kơxô̆ kơpong pêt plâi sầu riêng ƀă lối 830 ha.