Kơ’nâi Têt, kơpong pêt kơtếo a mâu kong pơlê peăng mâ hâi Lo ‘na hdroh kong pơlê Gia Lai pơtối tro on chếo kơtếo. Kơtếo tro on chếo ôh ta xê to pro lŭp ăm kuăn pơlê mê ối tơdjâk troh tơdroăng pơkâ rôe, pro xik dêi khu mơdró. Nôkố  mâu cheăm tơring tung kong pơlê tơrŭm ƀă khu mơdró ƀă kuăn pơlê dế tơbleăng pêi hên tơdroăng hbrâ mơdât on chếo, mơdêk rĕng ko kơtếo kum kuăn pơlê kơdroh ki tro lŭp.

Kŏng ti pêi cheăng tiô rơnó Môi tung khu Thành Công Gia Lai tối, klêi Têt Lo hơnăm nếo, tơdroăng on chếo kơtếo tung kơpong dêi tíu pêi cheăng rơ-iô, tơdjâk troh pơkâ pêi pêt. Troh nôkố, hiăng ai 30 rôh on chếo kơtếo, deăng kơtếo tro on chếo lối 270 ha, tâk luâ tâ 5 hdroh tâng vâ pơchông ƀă roh hdrối nah.

Pôa Trương Quang Trình, Kăn phŏ pơkuâ Kŏng ti ăm ‘nâi, hlo kơtếo tro on chếo, hngêi kơmăi pơkâ rĕng rôe ki kuăn pơlê, xoăng mâu kŏng nhân pêi cheăng tro tơdroăng vâ mơngế ki pêt kơdroh tô tuăn.