Klêi kơ’nâi séa ngăn tâi tâng mâu tơdroăng tơkêa păn tơmeăm ki chal nếo a kong pơlê, kong pơlê Gia Lai hiăng ai mâu tơdroăng ki ‘mai rơnêu tung troăng hơlâ tơ’mot ‘no liăn cheăng, mơdêk rak ngăn mâu tơdroăng tơkêa păn tơmeăm tung la ngiâ, tiô troăng ki kơjo kum dêi tơdroăng tơkêa xúa kơmăi kơmok rơxông nếo, túa păn hên ƀă rak vế kong prâi tơnêi tơníu.

Tiô Khu ngăn pơkâ ƀă ‘no liăn cheăng kong pơlê Gia Lai, kong pơlê séa ngăn ƀă ‘mâi rơnêu troăng tơ’mot ‘no liăn cheăng xua ing klêi kơ’nâi séa ngăn ai 16 tơdroăng tơkêa păn dế pêi cheăng, khu châ hlo hên tơdroăng tơkêa ôh tá dâi lĕm. Vi ƀan hnê ngăn kong pơlê Gia Lai ai hlá mơ-éa hnê mơhno Khu pơkâ ƀă ‘no liăn cheăng tơrŭm ƀă mâu kơvâ cheăng kong pơlê pơtối hnê mơhno mâu khu ki ‘no liăn cheăng pêi pro hlá mơéa tiô pơkâ; pêi pro mâu tơdroăng pơkâ ‘na rak vế kong prâi tơnêi tíu; séa ngăn kơjo kum tơdroăng ‘no liăn cheăng a mâu tơdroăng tơkêa păn xúa kơmăi kơmok rơxông nếo.

Mâu ngế ki lâi châ hlo pro xôi mê teăm tơleăng tơdrêng, tá tơdroăng ki pơkâ mơ’no Vi ƀan hnê ngăn kong pơlê ăm pơtê pêi cheăng ƀă pơtê tơdroăng tơkêa tro tiô pơkâ dêi luât.