Khu xiâm ngăn ‘na chiâk deăng ƀă mơnhông thôn pơlê Lâm Đồng nếo pơtroh hlá mơ-éa pâ thế ăm séa ngăn, ‘mâi rơnêu hơ’lêh pơkâ chiâ xo meăm bauxite tung kong pơlê xua tơdjâk troh hên tơnêi ai kong. Klêi séa ngăn, tí tăng ngăn pơkâ chiâ xo meăm bauxite tung kong pơlê, Khu xiâm ngăn chiâk deăng ƀă mơnhông thôn pơlê Lâm Đồng tối ai hên meăm mê ối a tơnêi kong.

Mê cho tung tâi tâng kơxô̆ lối 21.000 ha tơnêi hiăng ăm phêp séa ngăn, chiâ xo meăm baauxite a mâu tơring Bảo Lâm, Di Linh, pơlê kong kơdrâm Bảo Lộc mê ai lối 4.900 ha kong pêi chiâk ƀă 11 ha kong rak kơnhŏng têa. Klêi séa ngăn kong ăm hlo, kơpong hiăng châ ăm phêp séa ngăn vâ chiâ xo meăm bauxite kô tơdjâk troh  4.458 ha kong (tung mê ai 2.397 ha kong ki chiâng xêh).

Pakĭng mê, a chê ƀă tơnêi 12 khu mơdró dế mung pêi tơnêi, mung kong vâ tơbleăng pêi tơdroăng tơkêa bro ‘no liăn mơjiâng tơmeăm khoăng. Xua mê, pâ  thế Vi ƀan kong pơlê Lâm Đồng séa ngăn, ‘mâi hơ’lêh pơkâ chia xo meăm bauxite tung kong pơlê ăm tơtro.