Kơnôm xúa pêi tơdroăng cheăng nếo nôkố, kơdroh kơxô̆ liăn mơhá ăm mơngế pêi, mơngế pêt pía kái tê tung rôh Têt hơnăm kố a 2 tơring Dà Tẻh, Cát Tiên dêi Lâm Đồng hiăng mơhúa kân.  Tiô pôa Lê Văn Đông, Kăn ƀô̆ ngăn ‘na pêi chiâk cheăm An Nhơn, tơring Dà Tẻh tối, pakĭng hdrê pía kái ki hmâ pêt, rơnó pêt pía kái kố kuăn pơlê ối pêt tơ’nôm pía kái klêa khêi ôh tá ai kloăng. Kố cho pía kái dế châ mơngế ki rôe xúa vâ rôe mê hên mơngế tăng lăm rôe.

Tơdrêng ƀă kơchơ tê mơdró, tơdroăng pêt tiô túa nếo, hưh cơ, xúa kơmăi tôh ki ăm têa chiâng tôh xêh, toh kơto hbrí hbríu hiăng pro pơxúa tơƀrê ăm mơngế ki pêt. Kơpong pêt pía kái ki xiâm dêi Lâm Đồng ai 2 tơring Dà Tẻh ƀă Cát Tiên, tâi tâng tơnêi dâng 300ha, tâk luâ péa hdroh ƀă kơpong hơnăm nah. Nôkố kuăn pơlê dế hbrâ vâ krí pía kái vâ tê ăm kơchơ Têt la ngiâ.